Новости за 28.02.2020

Абдурахманов Тумсо гойтуш вац, Немцов вийначу дийнахь, Молуш йоцу Нохчийчоь, ДаIише кхайкхарна - набахти (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Азербайджанан Iедалхоша бакъдина шайн пачхьалкхехь коронавирусан ун хаадаларх. Оьрсийчоьнан вахархо ву цомгуш хилларг, ГIажарийчуьра Азербайджане веана волу. Хьалхо Гуьржийчохь хаавелира коронавирус хьакхаелларг. ГIажарийчуьра Азербайджане а веана, цигара гуьржийн пачхьалкхе кхаьчна хиллера иза а. Тахана Гуьржийчоьно бинчу керлачу хаамца, кхин а цхьаъ тусавелла цигахь ун кхетта, ткъа цунах Италехь хьакахделла хилла и лазар ПIераскандийнахь яьржинчу информацица, коронавирус хааелла ишта Белорусехь а, Литвахь а. Читать дальше...

ДIадахначу кхааридийнахь полисхоша яйна аьлла, кхайкхийна Краснодаран кIоштара  15 шо долу Серая Виктория Оьрсийчоьнан цхьахйолчу регионехь схьа а карийна, шен дех-ненах дIатоьхна аьлла, хаамбина кIоштан Талламан комитето. Урхалло цIе ца яьккхина субъектан, амма хьалхо яйначу йоьIан йишас "Краснодарские известия" хьостане дийцинера, Нохчийчохь хааелла иза аьлла. Цо бахарехь, "маре йига дагахь, лачкъийна" хиллера иза. Талламан комитетан пресс-гIуллакххоша тахана, пIераскандийнахь дIахьедарехь, карарчу... Читать дальше...

"ГIалгIайн къоман цхьааллин комитетан" декъашхочун Саутиева Зарифин хьокъехь долийна бехкзуламан гIуллакх теллина дели аьлла, хааме даьккхина пIераскандийнахь бакъонашларъяран "Мемориал" центро. Iедалан векалшна дуьхьал ницкъбаьккхина стохка Заздоккху-баттахь дIаяьхьначу митингехь, ишта экстремистийн юкъараллан декъашхо лаьттина а ю аьлла, таIзаре хIоттийна Саутиева. Зудчо дIахьедо, шен дов хаьттина даьлла аьлла, бина сацам низамашкахь бац, хIунда аьлча, шен адвокатан Дзугаев Биланан масех дехар кхочуш ца дина... Читать дальше...

«Исламан Пачхьалкх» олучу экстремистийн тобане нах ийзорна набахтехь 6 шо такха кхачийна кхело Ставропол-махкарчу Лазовский Антонна. 2015-чу шарахь Соьлжа-ГIалахь Лозовскийс шена вевзаш волу виъ вахархо хилла ДАIИШ-ан могIаршка кхойкхуш, аьлла бовзуьйту кхелан сацам "Интерфакс" агенталло.

Сахалин, Коми, Магадан - легалехь уггаре дукха маларш духку мехкаш бу, боху федералан а, регионийн а йохк-эцарш толлучу центро (ЦИФРРА), ша бинчу талламан жамI довзуьйтуш. Оцу маьIнехь Оьрсийчохь маларшца лаьтта сурт довзуьйту цхьамогIа хаамийн гIирсаша. Сахалинехь, Колымахь, Коми-махкахь, масала, 10,5 литр а, цул совъоьккхуш а доьхкина 2019-чу шарахь юккъерчу барамехь цхьана стагана малар. Москвахь доьхкина 9, 7 литр. Массанхьачул кIезиг ду шарахь Нохчийчуьрчу туьканаша доьхкина малар – 0,09 л. Читать дальше...

«Даймахкана хьалха хьунарш гайтарна» 2-чу даржан орденан мидал (медаль ордена "За заслуги перед Отечеством" II степени) елла Оьрсийчоьнан президента Путин Владимира Нохчийчоьнан цIарах Федерацин Кхеташонехь сенатор волчу Геремеев Сулиманна – Немцов Борис верца доьзна лаца кхайкхийначу Геремеев Русланан гергарчу стагана. СовгIатдар нисделла дуьненна а вевза оппозиционер вийна 5 шо кхочучу дийнахь. Официалерчу низамийн портало бигаллдоккху Геремеев Сулиманна мидал «парламентаризм деборна, низамаш кхолларехь жигара хьийзарна» елла хилар. Читать дальше...

Нохчийн оппозиционер-блогер Абдурахманов Тумсо а, иза вен гIоьртина стаг а дIакхачийна дарбан хIусам а, и шиъ волу меттиг а къайлаяьккхина зулам дар шайн махкахь нисделлачу полицино. Оцу хьокъехь хаамбина Абдурахмановн вашас Мохьмада. «Со кхета, шуна алссам хаа лаьа, амма, новкъа делахь а, яц Тумсоца зIе. Полицино къайлаяьхьина иза волу меттиг, ца магадо цунна нахаца зIене вийла», - яздина жимахволчу Абдурахмановс шен Instagram-агIонехь пIераскан Iуьйранна. Цо бахарехь, вон дац цуьнан вешера хьал... Читать дальше...