Маршо Радион тIаьххьара керланаш (03.02.2020)
Нохчийн тIемало кхелхина колонехь, ГIовгIа ярна гIуда тухур ду (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Нохчийн тIемало кхелхина колонехь, ГIовгIа ярна гIуда тухур ду (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Шелан кIоштан куьйгалхочо Ибрагимов Турпал-Iела балха веана дIадаханчу еарин дийнахь, коьрта а баьшна. Изза дар тIедожийна цо шен белхахошна а. Реза вацучуьнга балхара дIавала аьлла хьаькамо, хаам бо Кавказ.Реалиино. ШолгIачу дийнахь 40 сов кIоштан администрацин белхахо балха веана корта а баьшна. Омра кхочуш ца дина волу цхьа стаг оццу дийнахь балхара дIаваьккхина. Кавказ.Реалиино дагадоуьйту, Нохчийчоьнан куьйгалхочун Кадыров Рамзанан шича волчу Ибрагимовс, адамаш а дойуш, некъахьовзам баьккхина хилар 2018-чу шарахь. Читать дальше...
Францерчу Ниццехь, алссам вайнах бехачохь, хаттар дира Маршо Радионо: «Дуьненахула даржа доьлла цкъачунна дарба доцу ун - «коронавирус». Иза шаьш дехачохь шайна мел кхераме ду аьлла хета шуна?» Жоьпаша гойту, я Европа а, я Ази а, я Латта тIера кхин маьIиг а кхерамзаллехь йоцийла.
UFC латархочун Нурмагомедов Хьабибана 200 миллион доллар лур ду шаьш, боху саIудхоша, нагахь иза Мейвезор Флойдах а, Макгрегор Конорх а лата реза хилахь. И ахча дала кийча бу Нурмагомедовна СаIудийн Iаьрбийн Пачхьалкхера миллиардераш, яздо Кавказ.Реалиино, РИА Дагестан хаамийн агенталлана тIе а тевжаш. ХIора латарх спортхочун лур ду 100 миллион доллар. СаIудхойн коьрта билламех цхьаъ бу и ши тасадалар Эр-Риядехь дIадахьар. Хьалхо Дагестанерчу спортхочун да а, тренер а волчу Нурмагомедов Iабдулманапа дIахьединера... Читать дальше...
Романова Софья Нохчийчоьнан куьйгалхочо Кадыров Рамзана шен йишин воI, Соьлжа-ГIалин мэр Закриев ИбрахIим векал вина Соьлжа-ГIаларчу кIоштийн, шахьарна юкъайогIучу яртийн цIерш хийца. ХIинццалц «Октябрьский», «Старопромысловский», «Ленинский», «Заводской» хиллачу кIошташна лур ю «майраллица, доьналлица шайх ала диканиг дитинчу нохчийн тоьллачу къонахийн цIерш». Цкъачунна хоуьйтуш дац, нохчийн муьлхачу турпалхойн цIерш лелор ю Соьлжа-ГIаларчу кIошташа а, ярташа а. Ткъа турпалш-м бу нохчийн къоман а, Iедалан а шайн-шайн. Читать дальше...
Владимиран кIоштарчу колонехь кхелхина нохчийн тIемало а, Ичкерин Iедалехь пачхьалкхан кхерамазаллин департаментан ТIехьа-Мартанан кIоштарчу декъан хьаькам а хилла Эльбиев Ризван, хаам бина социалан машанашкахь цуьнан гергарчу наха. Эльбиев лецира 2006-чу шарахь. Цунна бехке диллинарг дара низамашца йоцчу тIемалойн тобанан декъашхо хилар а, стаг лачкъор а, кхин дерг а. Эльбиевн гергарчара бинчу хаамца, 15 шо хан а тоьхна, чувоьллинчул тIаьхьа цуьнах винера гIудалкхаца лела заьIапхо. 2010-чу... Читать дальше...
Росгвардин эскархочун тохарна лаьцна боксер Кушиташвили Георгий цуьнгара цхьаъ даьккхина леррина бехке вийр волчу хьоле хIоттийна хилла аьлла хета цхьаболчу тренершна а, цуьнан накъосташна а. Церан хьесапехь, иза дина хила мега "Ахмат" спортан клубан декъашхочун, нохчийн боксерна Хатаев Имаман конкурент дIаваккха а, Оьрсийчоьнан Олимпан тобанехь цунна меттиг яккха, хаам бо "Эхо Москвы" радиостанцино. Официалан версица, Кушиташвили а, цуьнца цхьана хилла кхин цхьа боксер Оганнисян Овик а лецира... Читать дальше...
ХIусамашкахь буьйсанна гIовгIа ярна таIзар чIагIдеш низаман проект кечйеш ю Пачхьалкхан Думехь. Цунах лаьцна хаам бо "Известия" газето. Цу документца а догIуш, адамаш дехачу хIусамашкахь тийналлах лаьцна низам тIеоьцур ду федералан тIегIанехь. ГIовгIа яр доьхкур ду сарахь 11 сахьт даьлчул тIаьхьа Iуьйранна 7 сахьт даллалц. Низам дохийначунна гIуда тухур ду 150 000 сом барамехь. Цул сов, жоьпаллехь хир ву хIусаман да, гIовгIа йинарг милла хиллехь а.
Соьлж-ГIалахь шен петарехь дог лазадаьлла Iуьллучу хенара стагана тIекхача лоьрийн аьтто бина орцанхоша, хаам бо "Нохчийчоь тахана" агенталло. И инцидент хилла Ленинан кIоштахь. Дог лазадаьла Iуьллучу стеган гIо доьхуш телефон тоха аьтто баьлла цIеххьана цхьаъ хилча накъосталла дечу сервисе. Орцаллан министраллан нохчийчуьрчу тобан белхахочо Никаев Туркос дийцарехь, цуьнан накъосташа, лерринчу гидравликан гIирсах пайда а оьцуш, схьаяьстина дархо чохь волчу петаран некъ. Лоьраша сихха... Читать дальше...
Уйгурийн орамаш долчу казахстанхочо дуьйцу ша Китайрчу набахтехь 15 бутт баккхарх лаьцна. Цо бахарехь, беккъа цхьа бусалбанаш бен ца хилла цуьнца набахтехь. Кхаьбна иза жимчу чоьнаш чохь, когех буржалш а тоьхна. Мийлош хилла девзаш а доцу молханаш, кхерамаш туьйсуш хилла кест-кеста, сийсазйийр ю олий. Казахстанан яхархо ю Джалилова Гульбахар - Урумчи-гIалахь ша набахти текхна яьлча, 2018-чу шарахь, едда, Китайра Туркойчу дIаяхана иза.
Коронавирус бахьана долуш "Оьрсийчоьнан аьчкан некъаш" компанино Чиллан-беттан 3-хь дуьйна совцийна Китай лела ерриг а некъахойн цIерпошташ. Ша аьлча, лелар яц Москвара а, Читара а Пекине лела цIерпошташ. Цу кепара аьчкан некъан зIе юьззинчу барамехь хадийна шина пачхьалкхана юкъахь. Оьрсийчоьно иштта шен доза дIакъевлина Генарчу Малхбалехь, ткъа Чиллан-беттан 1-чу дийнахь дуьйна доза тоьхна шина пачхьалкхана юкъахь кеманаш леларна. Масех де хьалха Оьрсийчохь гучудаьлла шина стагана коронавирусан ун кхетта хилар. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.