Новости за 20.02.2020

Нохчо бехказваьккхина Германерчу кхело, Хамидов Ахьмад лаьцна Дубаехь (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Соьлж-ГIалин мэран декхарш кхочушдеш волчу Хаджимурадов Iийсаца шен хиллачу цхьаьнакхетарехь Нохчийчоьнан куьйлхочо Кадыров Рамзана омра дира долахоша "хьакъ долчу кепара лелош доцу" лаьттан дакъош пачхьалкхан дола дахар хьокъехь. Цунах лаьцна хаам бо ЧГТРК "Грозный" телеканало, яздо Кавказ.Реалиино. Масал санна республикан куьйгалхочо дийцира гIалахула волавелла лелаш аьчкан кевнаш шена гарх лаьцна, йоккхачу тоьпан хIоъан гергаш еттаелла ларш а йолуш. Цо, Кадыровс дийцарехь, юха а дагабоуьйту хилла тIом. Читать дальше...

"Немцойн тулгIе" (Deutsche Welle) зорбан гIирсо арахецначу артикална репост а йина, "Исламан пачхьалкхан" символика яржорна бехке вина Нохчийчуьра мухIажир Абдурахманов Мохьмад юха а кхелана хьалха хIуттур ву, шена тоьхна гIуда юхадаьккхинчул тIаьхьа. "Сацам юхабаьккхина, амма Баварин Лаккхарчу кхело сацам боллуш бехказа ца ваьккхина со… Цу артикална репост ян сан бакъо хилар даре ца дина. Амма аьлла сан посташна экспертиза ян езаш хиларх лаьцна", - хаам бина Абдурахмановс "Кавказ.Реалиига". Цо дийцарехь... Читать дальше...

Хууш ма-хиллара, нохчийн къам Сталинан омраца махках даьккхина, Сибрех хьажийна 1944-чу шеран Чиллан-беттан 23-чу дийнахь. Иштта цу дийнахь Оьрсийчоьно даздо Турслочун де. Нохчийчуьрчу бахархошка хаьттира Маршо Радион корреспонденто, церан кхетамехь, хIун де ду "23-гIа февраль".

Iаьрбийн Цхьаьнатоьхначу Эмираташкахь лаьцна Оьрсийчоьнан Iедалша уггар луьра зуламхойх цхьаъ ву, бохуш лоьхуш хилла Нохчийчьура вахархо Хамидов Ахьмад. Оьрсийчоьнан Талламан комитето бехке веш ву и стаг дерриг а дуьнентIехь адамаш дайина зуламан тоба кхолларна. Цуьнан декъашхоша цхьаболчу шаьш байинчу нехан декъий дашош хилла кислота чохь, яздо "Росбалт" агенталло. Цо хаам барехь, 5 шо сов хан яра Оьрсийчоьнан ницкъаллин структураш Хамидов лоьхуш волу. Низамаш лардон органашкарчу «Росбалтан" хьастано дийцарехь... Читать дальше...

Вевзаш волчу бизнесхочунна а, Нохчийчуьра 5 вахархочунна а стаг лачкъорна кхел еш ю Иркутскехь. Бохам хиллачуьнга 300 миллион сом мах болу гIишлонаш шайна тIеязъяйта гIерташ хилла кхеле озийнарш. Цунах лаьцна хаам бо Сибнет.ру сайто, Оьрсийчоьнан Талламан комитетан меттигерчу урхаллан зорбан сервисна тIе а тевжаш. Талламан версица, бехке вон бизнесхо вевзаш хилла регионехь, совдегарийн бакъонаш ларъярхо а, меценат а санна. 2018-чу шарахь шен накъост лачкъо сацам бина цо, цуьнан долахь йолу гIишлош схьаяха дагахь. Читать дальше...

Гераманерчу Баварин Лаккхарчу кхело юхабаьккхина лахарчу инстанцино Абдурахманов Мохьмадна гIуда тоха бина кхелан сацам, хаам бо Deutsche Welle зорбан гIирсо. Аугсбург гIаларчу кхело Нохчийчуьра мухIажир бехке винера "Исламан пачхьалкх" тобанна гIортор ярна. Стохка Марсхьокху-беттан 19-хь цунна 1350 евро барамехь гIуда туьйхира "Фейсбукехь" ши пост хIотторна. Царах цхьаъ репост яра Deutsche Welle (Немцойн тулгIе) зорбан гIирсан оьрсийн маттахь йолчу "Исламан пачхьалкх" тобанна герз мичара долу бохучух дуьйцуш йолчу артиклан. Читать дальше...

Чоьхьарчу гIуллакхийн министраллан Дагестанерчу урхалло лар йоцуш байна нах санна лохуш хилар дIакхайкхийна Дагестанера кхо вахархо, хаам бо ТАСС агенталло. Цкъачунна болчу хаамца, уьш мичахь бу хууш дац кху Чиллан-беттан 10-хь дуьйна, хаам бина чоьхьарчу гIуллакхийн министраллан Даагестанерчу урхаллан зорбан сервисо. "Гергарчара дийцарехь, уьш Соьлж-ГIалахь севцна меттигерчу цхьана хьешан цIийнехь. Оццу дийнахь уьш тIаьххьара зIене бевлла. Карарчу хенахь и нах мичахь бу хууш дац. Уьш лехаме белла"... Читать дальше...