Новости за 06.02.2020

Лоьрийн къоьлла яц Нохчийчохь, нохчашна лийначу боксерна масийттазза тIара тоьхна, «АХМАТ» номерх питана даьлла (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

«Къена Мансур» («Мансур Старый») веро кхин цкъа а гойту нохчашна арахьа елла политикан тховкIело чорда юйла.

Саидов Тимур Нохчийчоьнан куьйгалхочо шайн доьзалшкара кхин цхьа стаг а (шича) ваьккхина мехкан дайн могIаршка «Тахана ас керла стаг хIоттийна Нохчийн Республикин дешаран, Iилманан министр. Иза ву медицинан Iилманийн доктор Байсултанов Идрис», - яздина мехкан куьйгалхочо шен Telegram-каналехь. Нохчийчоьнан Iедалхойн могIа шорбелла кхин а цхьана КадыровгIеран доьзалшкарчу стагах. Байсултанов Идрисан да Хасий, Кадыров Рамзанан нана Айманий ду ваший, йиший. Нохчийчоьнан министрийн кабинетан коьртехь Iийначул тIаьхьа Москва... Читать дальше...

Австрехь вехачу нохчочо Зубайраев Адама латкъам бина социалан машанашкахь, муьлш бу ца хуучу наха шен машенна сийзаш а дина, AXMAT дашах лаьтта номерш дIа а яьхьна, машенан чкъургаш а лелхийтина аьлла. Цунах лаьцна яздо Кавказ.Реалиино. Цо шеца зIене валаре кхайкхийна иза динарг, цуьнца юкъаметтигаш къастор Iалашонца. Дукха хан ялале Зубайраевга телефон тоьхна "Вайфонд" вовшахтохараллан куьйгалхочо Садулаев Мансура. Цо бехк биллина машенан долахочун Нохчийчуьра хьал бахьанехь махкахбевлла лелачу... Читать дальше...

Социалан машанашкахь хаамаш гучубевлла Дагестанерчу Кизлярехь маситта стаг дарбан цIийне охьавилларх лаьцна, коронавирус кхетта хила мега аьлла шеко йолуш. ДIасадаржийначу сурта тIехь масех стаг а, ши бер а, медицинан белхахо а ву, кхерамазаллин духар а доьхна, юьхь тIехь маска а йолуш.  Дагестанан могашаллин министраллехь харцбина и хаам. "Уьш могIарера грипп кхетта нах бу, и диагноз йолуш балийна бу уьш дарбанан цIийне", - хаам бина меттигерчу могашаллан министраллан зорбан сервисехь, яздо Кавказ.Реалиино. Мэрехь бинчу хаамца... Читать дальше...

Оьрсийчохь а, дозанал арахьа а йолчу массо а бакъоларъярхойн юкъараллаша тоьшалла до 2000-чу шарахь БухIан-Юьртахь бахархой хIаллак а беш Оьрсийчоьнан эскарша дIаяьхьина операци адамаллина дуьхьал дина зулам хиларх.

Блогеро Абдурахманов Тумсос шен телеграм-каналехь аудио дIахIоттийна ша Звонкова Луизица а, Хамидова Аминица а телефонехула дина къамел тIехь долу, яздо Кавказ.Реалиино. Цо дийцарехь, и шиъ ю нохчо Алиев Iимран вийначу стагана шенгенан виза йоккхуш кехаташца гIодинарг.   Абдурахмановс билгалдаккхарехь, Хамидова улле яьлла лелла Алиев верна бехке хила мега аьлла шеко йолчу нохчочунна. Дечкен-беттан 18-хь Хамидова Москвара цкъа дуьххьара Валенсе, цул тIаьхьа Берлине еана хилла цу стагаца. ШолгIачу дийнахь иза юха яхана. Читать дальше...

Латвехь вевзаш волчу нохчийн ММА латархочо Межиев Хьасана масийттаза тIара тоьхна Смирнов Никита цIе йолчу профессионалан боксерна. Социалан машанашкахь яьржинчу видео тIехь Межиевс маситтоза бетах хIума туху Смирновна. Кавказ.Реалиино дийцарехь, Межиевс йиттинчу боксёро социалан машанашкахь йолчу шен аккаунташкахь видеош хIиттина хилла нохчашна луьйш. Инстаграм-аккаунто @eldit_net яздарехь, шеца кхетош-кхиоран болх бинчул тIаьхьа Смирновс сихонца дIаяьхна шен видеороликаш.

Американ Сенато еарин буса кхаж тесна президент Трамп Доналд даржах вохорна дуьхьал. Дукхаха берш республиканхой болчу Американ парламентан лакхара чоь реза ца хилла пачхьалкхан куьйгалхо бехке ван, цо шегахь долчу Iедалх пайда а оьцуш зулам дина, Конгрессана болх бан новкъарло йина аьлла. Хьалхарчу хаттарехула Трампана импичмент кхайкхо реза хилла 48 сенатор, дуьхьал – 52. Конгрессана президенто болх бан новкъарло йина бохучун дуьхьал кхаж тесна 53 сенаторо, реза волуш кхаж тесна 47 сенаторо.

Оьрсийчуьрчу регионашкахь лоьрийн дефицит хиларца боьзна хаамаш бовзийтина Росстато дуьххьара. Цунах лаьцна хаам хаам бо РБК-но, Оьрсийчоьнан статистикан урхаллана тIе а тевжаш. Цу хаамашца а догIуш, уггар дукха лоьраш болу меттиг ю Оьрсийчохь Нохчийн Республика. ШолгIачу меттехь ю Дагестан, тIаккха - ГIалгIайчоь. Москвахь тоьаш бац 2-5% лоьраш.   2018-гIа шо чекхдолуш лаьрча, ерриг а пачхьалкхехь ца тоьаш хилла 50 эзар лор а, кхин а 50 эзар гергга юккъерчу медицинан персонал а. Уггар дукха лоьраш ца тоьуш болу меттиг ю Камчатка (20%).

Воронов Владимир                                                                                                  Маршо Радио, Оьрсийн сервис Муха кхуллура доцург «Мазалкан фронтерчу» журналисташа (Хьалхара дакъа) Цхьа а тIом ца буьсу наха шена гонах цахилларш, тIуьллигаш, аьшпаш кхоллаза. Мукъа ца бисира доцург дуьйцучех Нохчийчуьра 1994–1996 шерийн тIом а. Цхьаболу пуьташ бицбина хено, вуьйш тахана а бу дийна, «могуш-маьрша», бакъдерг санна, исторе а бирзина, бехаш. Олу уьш Iорабохучаьрга: «Ахь... Читать дальше...