Новости за 29.02.2020

Дагестано Хасу-Юьртахь а, гонахарчу кIошташкахь а беха гIазгIумкий республикан кхечу кIошташка баха а тарбеш, Аухан кIоштан статус меттахIотто йолийна шераш девлла. Амма сов бахбелла и болх. Оцу хьокъехь ду Пачхьалкхан Думин депутата Сайтиев Бувайсара дина къамел вайнах махкахбахар дагалоцуш Чиллан-беттан 23-чу дийнахь хIоттийначу гуламехь.

Венин Iедало гIо а деш, шайн дахарх лаьцна филм яьккхина цигахь бехачу нохчийн кегийрхоша. Австрин шахьарарчу интеграцин департаментехь гайтина иза дуьххьара – цуьнан цIе ю «Нохчийн кегийрхоша – шайх лаьцна». Филм гатйинчул тIаьхьа, иза йийцаре а еш, хьовсархойн хеттаршна жоьпаш делира нохчаша. Австрехь нохчашна дуьхьал нислучу дискриминацех а, иза эшорах а лаьцна дара къамел, "Юьхь дуьххьал нислуш бац къестамаш, иза къайлах лелаш хуьлу. Масала, хьо нохчо вуй ма-хиъина, университетехь я белхан меттехь олу хьоьга: «Тера вац хьо нохчех»! Читать дальше...

Лаххара а 18 эзар стага хадийна Туркойчоьнан а, ЕвроБертан а дозанаш, Идлиберчу тIамо къахкийна, шайн махкара уьдуш бу шемахой, дIахьедина Туркойчоьнан президента ЭрдогIан Реджепа. Яхначу буса желтойн полицино бIаьргех хидоккху газ йиттина туркойн дозанна гергахь гулбеллачу мухIажирийн могIаршна тIе, яздо Reuters агенталло. Желтойчу кхача гIерташ, полисхошна тIе тIулгаш деттара наха, хаамбо тешаша. Хонкара кийча ю Туркойчоьнан къилберчу декъа тIехь ши миллион мухIажирна кхерамзаллин зона кхолла, аьлла ЭрдогIана. Читать дальше...

Азербайджанехь коронавирус гучуяьлла дуьххьара. «Вестник Кавказа» («Кавказан хаамча») портало бечу хаамца, 1997 шарахь вина волу дагестанхо сацийна ГIажаройчоьнан, Азербайджанан доза хадош – ун кхетарца доьзна дарбан хIусаме хьажийна иза. «Кавказ.Реалиино» динчу хаттарна жоп луш, информаци цкъачунна тIе ца чIагIйина Дагестанан могашаллин министралло, аьлла, шега хаийтина дац оцу хьокъехь цкъачунна, шайн векалш зIене бевр бу Азербайджанца. Китиайрчу South China Morning Post газетан хаамна тIе а тевжаш... Читать дальше...

ПIераскана Соьлжа-ГIалахь а, Нохчийчоьнан Шуьйтан кIоштахь а дIабаьхьина 2000-чу шарахь Басаевн а, Хаттабан а тобанех леташ Псковрчу дивизин 6-гIачу ротин бIаьхой балар дагалоцу барамаш. Уьш дIахьош дакъалаьцна Нохчийчоьнан куьйгалхочо Кадыровс а, цуьнан гоно а, беллачу оьрсийн салтийн гергарчара а, Оьрсийчоьнан Федерацин кхеташонан куьйгалхочун гIовса Турчак Андрейс а, Оьрсийчоьнан десантан эскарийн буьйранчин гIовса инарлас Купчишин Виктора а. Меттигерчу бахархоша, махкахь къиза тIом лайначу халкъах цадеша Iедал... Читать дальше...

Нохчийн тIемалойн-лаамхойн Ушарма-Шайхан цIарх йолу батальон лаьтта Донбассерчу сепаратисташца доза къастийначу зонехь. Оцу хьокъехь хаам бина Украинан журналисташка батальонан буьйранчас ЧIебарлойн Муслима. "Тхо тIеман дозанца Iа, тхайн базехь, кийча ду муьлххачу а хийцамашна, тергойо хьолан», - боху батальонан баьччас. ТIемалой-лаамхойн Iалашо ю Украинан эскаршца цхьаьна Украинан-Оьрсийчоьнан доза дуьненаюкъарчу низамаша къастош долчу меттехь олалле эца, билгалдаьккхина ЧIебарлойн Муслима. Хьалхо баьржинчу хаамца а догIуш... Читать дальше...