Новости за 07.06.2019

ГIалгIайчуьра ши вахархо лаьцна, 10 шо хьалха бизнесхо Калманович Шабтай верца доьзна толлучу бехктакхаман гIуллакхехула. Талламхочо дийцарехь, и стаг вер вовшахтоьхнарг лаьцна ву, делахь а цуьнан цIе йовзуьйтуш яц зорбанан гIирсашна. Иза воцург Мангалан-беттан 6-хь лаьцна Костоев Жабраил а, Белхороев Iела а. Цу шиннах цхьаъ - 40, ткъа важа 37 шо долуш ву. Цу шинна бехке дуьллуш ду стаг вер а, бакъо а йоцуш, герз эцар а, дохкар а, хаам бо REGNUM агенталло, Оьрсийчоьнан талламан комитетана тIе а тевжаш. Читать дальше...

Мокварчу Пачхьалкхан Университетан экономикан а, социалан георграфин а кафедрин профессора Зубаревич Натальяс ша Маршо Радиона еллачу интервьюхь дуьйцу, стенна бац Кавказерчу бизнесах лаьцна Iедало лучу статистиках тешам, стенна бац цигара совдегарш маьрша.

Оьрсийчоьнан Федералан кхерамазаллин сервисан Нохчийчуьрчу урхалло кечйинчу материалашкахула кхеле озийна меттигера ши вахархо. 29 шо долу Магамадов Х. а, 25 шо долу Зелимханов Б. а бехке вина низамца йогIуш йоцу тIеман тоба кхолларна. ФСБ-н белхахоша кечдинчу кехаташца а догIуш, ши жима стаг Шема ваха дагахь хилла, тIом бар Iалашо йолуш цигахь низамца йоцучу тIеман тобанех дIакхета.   Гуьмсерчу гIалин кхело таIзар кхайкхийна Магомадовна а, Зелимхановна а 4 шо 6 бутт чIагIйинчу рожехь колонехь баккха... Читать дальше...

Оьрсийчоьнан президентан зорбан секретаран Песков Дмитрийн йоIа Елизаветас хаам бина, ша масийтта марха кхаьбна хиларх лаьцна Мархийн баттахь. И шен дIахьедар дина цо бусалба нах Рамадан бутт дIаберзарца уьш декъалбеш, яздо "Кавказ.Реалиино". Цул хьалха Пескова Елизаветас маситта де даьккхинера Нохчийчохь. "Со Делах тешаш адам ду, син кхиар шордеш а, ислам довза лууш а ю со. Кхушара со чIогIа лууш яра марханаш кхаба, ткъа тIаьххьарчу кхаа дийнахь марханаш кхебира ас", - яздина цо Instagram-хь.... Читать дальше...

Мамакаев Iарби Нохчийн лаьмнашкахь (Поэми тIера 1-ра дакъа) Къеначу лаьмнашций, Ширчу хьанннашций, ДIадевлларш хьехадеш, Къамел дан йиш хилча. ЦIий лайнчу тIулгаший, ТIом гинчу пепнаший, ЛадоьгIнарг велхавеш, Хийла аз хазор дара. Кхолламо дай, дедай ХIетахь ца хьистина, Вон хьоьгуш диканах Цара дог ца диллина. Шайн чул сов ницкъ болчо Iазапехь бахкийна Iадато тилийна Дай бIаьрзе вайн хилла. Масийтта шо хьалха, Башлаьмнел лахарчу Аьрцнашца хьаннашлахь Бен санна, юрт хилла. Читать дальше...

Кадыровс ша СаIудийн мохк ларбан кийча ву бохуш дина къамел дийцаредо Iаьрбаша Цхьаъ тIелетта меттиг ягIахь, ша СаIудийн Iаьрбийчоьнехьа лаьттар ву Кадыровс алар гIарадаьккхина дуьйцу Iаьрбаша. "Кавказ.Реалиино" теллира хьал, карийра гочдархочо шегара далийтина гIалат. Маккахь, Дуьненаюкъарчу исламан конференцехь, Кадыровс къамел динчул тIаьхьа баржийра прессо, масала, хIара санна болу хаамаш: "Нохчийчоьнан куьйгалхочо кхерамаш туьйсу. СаIудийн Iаьрбийн пачхьалкхца тIом бан дагадогIундолчуьнга вистхилла иза". Читать дальше...

ГIалгIайчохь Малгобек гIалин чоьхьарчу гIуллакхийн декъан белхахоша лаьцна полице дIайигна республикерчу дуьхьалонан боламан жигархо Матиева Анжела, хаам бо "Обзор" зорбанан гIирсо. «ФортангаORG» телеграм-канало яздарехь, полисхой шозза баьхкина хилла Матиева ехачу хIусаме. Дуьххьар баьхкича церан аьтто ца баьлла иза дIайига, оьшуш долу кехаташ цахиларна. Жигархо лацаран бахьана дуьйцуш дац. Кхушара Зазадоккху-беттан 26-чохь Магасехь хиллачу митинган декъашхоша шаьш дуьхьал хиларх лаьцна дIахьедарш дира Нохчийчоьнан а... Читать дальше...

Нохчийчоьнан куьйгалхочо Кадыров Рамзана дехна парламентан гIантдега Даудов Мохьмаде, ша дакъалоцучу мероприятешкара иза хIунда "дIавайна" дийцар. Цу кепар яра цуьнан реакци телеграм-каналаша Даудов кечлуш ву республикан куьйгалхочун даржехь Кадыров хийца аьлла баржийначу рогIерчу хаамна. Де хьалха, Мангалан-беттан 6-чохь, СКФО Telegraph-о яздира Даудов социалан машанашна леррина хIиттийначу цхьаьнакхетаршкахь а бен гучу ца волу Кадыровна уллехь аьлла. И хаам оццу минотехь баржийра Оьрсийчоьнан... Читать дальше...

Петарбухан губернаторан декхарш ханна кхочуш деш волу Беглов Александр цхьаьнакхетта Нохчийчуьрчу Iедалан куьйгалхочуьнца Хучиев Муслимца. Бегловс Петарбух кийча хиларх лаьцна хаам бира Нохчийн Республикана индустрин а, IT-ин а сурсаташ дохка. Шаьш дагахь ду Нохчийчуьра юртабахаман сурсаташ эца, бохуш вара Петарбухан куьйгалхо. Цул сов, Беглов цхьанакхетта ГIалгIайчоьнан куьйгалхочуьнца Евкуров Юнус-Бекаца. Цу шиммо а дийцаре дина гIалгIайн махкара юьртабахаман сурсаташца Петарбухна кхачо ярца доьзна хаттар. Читать дальше...

Федералан кхерамазаллин сервисан (ФСБ) белхахоша "Свидетели Иеговы" динан юкъараллин 15 декъашхо лаьцна Дагестанехь. Цара экстремизман чулацам болуш хIуманаш лелийна, аьлла хета Iедалшна. Къайлахчу сервисаша дийцарехь, лецначара маситта шарахь теллина экстремистийн литература. Цара уьйраш латтийна вовшашца шайн юкъараллин идеологи яржош. Кху деношкахь ХIинжа-гIалахь кхело чуволла сацам бира "Свидетели Иеговы" юкъараллин 4 тIаьхьалонча. Церан хIусамашкахь талламаш бира низамаш лардон органийн белхахоша. Читать дальше...

Соьлж-ГIалахь Серноводскера яхархо кхалхаран бахьана къастош ю прокуратура; Нохчийчьурчу яхархочо Истанбулехь эцна кучамаш а, кIархаш а дIаьбаьхна Соьлж-ГIаларчу таможнехь.