Новости за 10.06.2019

Стохка шена хиллачу пайданах лаьцна деклараци арахецна Нохчийчоьнан куьйгалхочо, къен нах багарбина вице-премьеро Голиковас, Соьлж-ГIалана а, Антальяна а юкъахь лела доладелла кема.

Пресненски кIоштан кхело оршотан дийнахь бехке лерина чоьхьарчу гIуллакхийн министраллан полковник Захарченко Дмитрий кхаьънаш эцарна а, бакъ-кхел ярна новкъарло ярна а, хаам бо "Интерфаксо". ТIаьхьо довзуьйтур ду кхело цунна билгалдаьккхина таIзар. Бехкбиллархоша дехна Захарченкона 15 шо луьрчу хьелашкахь колонехь даккхар а, 500 миллион гIуда а тохар а. Захарченко вара Оьрсийчоьнан чоьхьарчу гIуллакхийн минисарллан экномикан кхерамазаллехула урхаллан хьаькаман когаметта. Цо шен Iуналлехь латтош дара ягорган а... Читать дальше...

Казахстан къастаелла яьллачух тера шен рогIерчу лидерца – президентан харжамашкахь хьалхаваьлла Токаев Касым-Жомарт Харжамийн Коьртачу комиссино цкъачунна баржийначу хаамца, кIирандийнахь бирзинчу харжамашка баьхкина 77% казахстанхой, 70,6 % наха кхаьжнаш тесна Токаевгахьа.   ШолгIачу меттехь ву оппозиционер Косанов Амиржан – 16%. Казахстанан исторехь президент яха лерина дуьххьара зуда-кандидат яра Еспаева Дания – цунна кхаьчна 5% гергга кхаьжнаш, хаамбо Азаттык Радионо. Пачхьалкхан коьрта гIант къовсуш верриг вара 7 стаг. Читать дальше...

Къен нехан терахь 2018-чу шарахь лахделла 400 эзар стагана аьлла, дIахьедар дина Оьрсийчоьнан вице-премьеро Голикова Татьянас, "Известия" газетана ша еллачу интервьюхь. Цо дийцарехь, карарчу хенахь Оьрсийчурчу бахархойх 12,9% бу къен дахар хьоьгуш. Кхушара Дечкен-баттахь хаамаш гучубевллера 2018-чу шеран хьалхарчу 9 баттахь къен хиларан тIегIа ду Оьрсийчохь 13,3% процент аьлла. Голиковас билгалдаккхарехь, къоьлла шозза лахъяр къоман хьалхара Iалашо ю Оьрсийчуьрчу Iедалийн. Вице-премьеро дийцарехь... Читать дальше...

Муха хеставо Нохчийчуьрчу хьаькамаша а, депутаташа а Кадыров Рамзан.

Германехь мухIажаран тховкIело йоьхуш волу Нохчийчуьра схьаваьлла Эскерханов Мовсар вочу хьолехь дарбанан хIусамехь ву, цунна гайх чевнаш йина уьрсаца, хаам бо "Кавказский Узело", Оьрсийчьурчу ЛГБТ олучу тобан куьйгалхочунна Кочетков Игорна тIе а тевжаш. Хьалхо социалан машанашкахь хаамаш баьржинера Эскерхановна Германехь тIелатар дина аьлла. "Мовсар вевзачу наха дийцарехь, цхьа зуда ю цунна ахчан декхарелахь. Селхана (Мангалан-беттан 8-чохь) цуьнан дов даьлла хеллера цу зудчуьнан кIантаца, ткъа вукхо урс тоьхна цунна", - дийцина Кочетковс.

Акиев Тимур,                                                                                                               "Эхо Кавказа" Лецарш, ледарш ловш беха гIалгIайн протестан болам, шена цо цатамбар доькхуш хьийза Iедал Полицино, къайлахчу сервисаш мохк баьккхина лоьху Магасехь лаьттинчу гуламийн хьалханчаш. Шайх къаьхкина, махкахбевлларш кхайкхабо федералан лехаме. Ма-хуьллу духьаллатта гIерта гIалгIайн оппозици репрессешна, амма гуш ду, Iедалца къийсаяла гIора дац цуьнгахь. Даймахкал... Читать дальше...

Казахстанан карарчу хенахь куьйгалхо волу Токаев Касым-Жомарт толам боккхуш ву цу мехкан президентан харжамашкахь. Коьртачу харжамийн комиссино хьалххе бинчу хаамашца, кIиранан дийнахь хиллачу харжамашкахь цо гулдина 70,6 процент кхаьжнаш, дакъалоцуш 77 процент харжамхой а болуш. ШолгIачу меттехь ву оппозицицин кандидат Косанов Амиржан – 16 процент. Казахстанан исторехь дуьххьара президентан дарж къовсуш хиллачу зудчо Еспаева Данияс гулдина 5 процент гергга кхаьжнаш. Верриг а харжамашкахь дакъалоцуш вара 7 кандидат. Читать дальше...

ГIалгIайчуьра 6 шо долу спортхо Льянов ИбрIаьхIим дагахь ву, лаьттара дегI айдарехь, дуьненан ши рекорд хIотто, тахана, Мангалан-беттан 10-чохь. Республикерчу спортан министраллан зорбанан сервисо бинчу хаамца, цхьа рекорд хир ю цкъа волавелла кхин хьала ца гIоттуш лаьттара дегI айдеш, ткъа шолгIа хир ю изза деш шина сохьтехь. Минспортан векалша дийцарехь, рекорд дIаязъян ГIалгIайчу вогIуш ву Гиннессан рекордийн книган "Фитнес" категорехь Оьрсийчуьра коьрта говзанча Лобков Андрей. Рекорд хIоттор ю Магасерчу "МаслаIатан БIов" комплексехь. Читать дальше...

Нохчийчоьнан коьртачу меттигана Соьлж-ГIалана а, Анталья  гIалина а юкъахь кеманан рейсаш ян йолийна туркойн Pegasus компанино. Кема лелар ду кIиранах шозза - шинарин а, шот а деношкахь. Соьлж-ГIаларчу аэропортера хьалхара рейс йина Анталья курорте Мангалан-беттан 8-чохь, хаам бо ТАСС агенталло. Нохчийчуьрчу туризман министро Байтазиев Муслима дийцарехь, гергарчу хенахь Гуьржийчу а, Казахстане а рейсаш схьаелла дагахь бу Соьлж-ГIаларчу аэропортан куьйгалхой.

Батукаев Iаьзизан гIуллакхехула нах дIалецар доьзна ду юкъаллан тидам дIабаккха гIертарца Таможнин сервисан куьйгалхочуьнан когаметта хиллачу Матраимов Райымбекана тIера (Матраимов бехке веш ву харцонца рицкъ гулдарна) аьлла, дIахьедар дина ГIиргIизойчоьнан хиллачу президенто Атамбаев Алмазбека. Цунах лаьцна хаам бо "Азаттык" радионо. ГIиргIизойчоьнан социал-демократин партино вовшахтоьхна Бишкекехь кху беттан 8-чу дийнахь хиллачу коррупцина дуьхьал митингехь вистхуьлуш Атамбаевс дIахьедар дира... Читать дальше...

Хенал хьалха билламе маьршаваккхарх лаьцна Титиев Оюбан дехар луьстур ду тахана Нохчийчуьрчу кхело. Зазадоккху-баттахь "Мемориалан" Соьлж-ГIаларчу офисан куьйгалхо чувоьллира, 4 шо колонехь даккха хан а тоьхна, наркотикаш лелорна бехке а вина. "Мемориалан" кхеташонан гIантдас Орлов Олега чIагIдарехь, Титиевна цу тайпа кхел кхайкхон бахьана дацара. Цо дийцарехь "Мемориал" кхин дIа а дагахь ю Титиевна гIортор ян, яздо "Эхо Москвы" радионо. Титиевс латкъам ца бира шена хан тохарна, Стигалкъекъа-баттахь... Читать дальше...