Новости за 27.04.2019

Бохам хилла Веданан кIоштахь Октябрьское эвлахь. 37 шо долчу стага урхалла дон ВАЗ машен тIекхетта 32 шо долчу зудчунна. Чоьхьарчу гIуллакхийн министраллан Нохчийчуьрчу урхаллан зорбан сервисо бинчу хаамца, жима зуда шен хIусаман хьалха некъаца йолчу газан биргIана басар хьокхуш хилла некъахьовзам хуьлуш. Лазийнарг дIакхачийна Веданан кIоштарчу дарбанан хIусаме. Таллам болийна полицино.

"Исламан пачхьалкх" тобано Iуналла дечу территорина тIекхача дагахь цIераяьлла аьлла чуйоьллина Москох пачхьалкхан университетан студент хилла Караулова Варвара араяьлла Вологдерчу колонера Оханан-беттан 27-чу Iуьйранна.   Цунах лаьцна хаам бо "МБХ медиа" зорбанан гIирсо. ХIара бутт юккъе болуш, колонин администраци дуьхьал йоллушехь, кхел реза хилира иза хенал хьалха маьршаялийта. Москварчу пачхьалкхан университетан философин факультетан хилла студент Караулова Варвара лецира 2015-чу шарахь Туркойчохь, Шема дехьаяла гIертачу заманчохь. Читать дальше...

Йоккхачу АтагIарчу №1 школера 11-чу классан дешархочо Мааев ВахIида толам баьккхина Москохь хиллачу немцойн меттан олипиадехь. Цу къовсадаларехь дакъалоцуш бара Оьрсийчуьра массо а регионера дешархой. Кхаа муьрехь немцойн маттахь хаарш гайта дезаш бара олимпиадан декъашхой. Эххаре а Нохчийчоьнан векало толам баьккхира, хаам бо "Нохчийчоь тахана" агенталло.

15 стаг, шайна юкъахь 6 бер а долуш, вийна Шри-Ланкан малхбалехь, террорхой хила мега аьлла тоба лоцуш. ПIераскан сарахь полицино талламаш бина цу гIайренехь лелхийтарш дарна бехке хила мега нах лохуш, хаам бо меттигерчу News 1st зорбанан гIирсо. Цара герзаш диттинчу цIа чохь карийна вийна 12 стаг. Цара кхоъ терроран Iожалхо хилла аьлла хета полицин белхахошна. Цу сов йийна 3 зуда а, 6 бер а. Гергазаш деттарехь вийна кхин а 3 стаг. Оханан-беттан 20-чу дийнахь Шри-Ланкахь маситта эккхийтар дина. Читать дальше...

Оьрсийчоьнан лерринчу эскаран тобан (спецназ) Гуьмсерчу университето (РУС) космонавташ хила лууш болу нах кечбан болийна, хаам бо Нохчийчоьнан куьйгалхочун Кадыров Рамзанан зорбан-секретаро Каримов Iаьльвис. Дуьххьарлерчу долахь долчу космосан кеманнна тIехь космосе гIур бу уьш, Бутт талларехула йолу керла программа кхочуш еш, чIагIдо цо. "Космонавташ Бутт тӀе а бахана охьаховшур бу цуьнан гуш йоцчу агIон тIе. Цигахь хин йолчу космосан экспедицийн декъашхой тIеэца а, баха а база кхолла меттиг къастор ю цара. Читать дальше...

Оханан-беттан 26-чохь дуьйна сацийна 500 еврон банкноташна зорба тохар. Оцу дийнахь чекхъяьлла и ахча уггар дукха лелачу Германин а, Австрин а коьртачу банкаша и уьш юкъара дIайохуш елла хан. Еврозонера йисинчу 17 пачхьалкхо 500 еврон банкноташна зорба тохар сацийнера кхушеран Дечкен-баттахь. Уьш кхин дIа а мах беш лолор ю, нуцкъала лелачур дIайохур яц. 500 евро йозалла долчу ахчанна зорба тохар сацо сацам бира 2016-чу шарахь. Бахаьана дара коьртачу декъана и купюраш лелош хилар низамаш дохош ... Читать дальше...

Оьрсийчуьра адамийн бакъонашларъярхой хилла "Мемориалан" Соьлж-ГIаларчу декъан куьйгалхо Титиев Оюб латточу Устрада гIаларчу №3 колония-поселениехь. Цара дийцарехь, Титиев ледарчу хьелашкахь а вац, могушалла дика йолуш а ву. Цунах лаьцна "Новая газете" хаам бина бакъонашларъярхочо Орлов Олега. Чувоьллинарг латто хьелаш вон ду ала догIуш дац. Орловс дийцарехь, Титиев цхьана а кепара латкъамаш беш вацара, кIадвелла васт долуш хиллехь а. Хенал хьалха араваларе сатуьйсуш ву ша, бохуш а хилла Соьлж-ГIаларчу "Мемориалан" куьйгалхо. Читать дальше...

Оьрсийчоьнан арахьарчу гIуллакхийн министралло бехке йина Вашингтон, Нохчийчоьнан Iедалан куьйгалхочун Хучиев Муслимана санкцеш а кхайкхийна, Оьрсийчоьнан а, Iамеркан а юкъаметтигаш талхо гIертарна. Нохчийн Республикан Iедалан куьйгалхо бехке веш ву Iамерко адамийн бакъонаш талхорна. И бахьана долуш цунна шайн махка вар дихкина Iамерко. Оьрсийчоьно дипломатин министралло къаьсттина билгалдоккхуш ду, Цхьаьнатоьхначу Штаташа кхайкхийна санкцеш Хучиевн хIусамненах а хьакхалуш хилар.    Оьрсийчоьнан... Читать дальше...