Новости за 19.04.2019

Зазадоккху-баттахь Афинехь йолчу оьрсийн векалтна гергахь динчу эккхийтарх жоьпалла желтойн анархин "Заговор мести" цIе йолчу организацино шена тIелаьцна. Тобанхойн цу хьокъехь дIахьедар "Индимедиа" портало зорбане даьккхина. Къайлахчу сервисаша юьхьарлаьцначу оьрсийн анархисташна тIехIуьттуш дIаяьхьна шаьш акци аьлла ду документан чулацамехь. Иштта дIахьедарехь хьахийна кху шеран Чиллан-беттан 1-чу дийнахь хилла хиламаш а. ХIетахь анархистийн "Народная Самооборона" боламехь талламаш дIабаьхьира, Балашихехь карийначу оьккхуьйтурган хьокъехь. Читать дальше...

Баварерчу Байройтан административан кхело тховкIело яла дуьхьало йина гоьваьллачу нохчийн блогеран Абдурахманов Тумсон вешина Абдурахманов Мухьаммадна. "Кавказ.Реалии" портале бина цунах хаам ша Абдурахманов Мухьаммада. Миграцин хьукмато мухIажиран статус яла шена дуьхьалоярна кхеле латкъамбина цо. "Нехан ца хуьллучу кепахь дIаяьхьира сан кхел. Пхи суьдхо вара гIуллакх луьстуш, миграцин урхаллан векал а вара. Йиллина яра кхелан процесс, цхьа ши жимстаг вара цу чохь хиина Iаш, суна хетарехь Германин... Читать дальше...

Информацин тIамна журналисташ кечбеш-м вац-те Кадыров Рамзан? Бегаш бац Нохчийчоьнан куьйгалхочо хаамийн гIирсаш бийца бахар. ХIинца дуьйна дIа Iедало ца хеддаш болх бан беза шен журналисташца – "Ичкерин агIоно буьтту пуьташ" эшорхьама. Цунах жоп дала векалвина Дудаев Ахьмад, Нохчийн Пачхьалкхан "Грозный" телерадиокомпанин директор. Ткъа цунна тIехьожуш хир ву парламентан спикер Даудов Мохьмад. Оцу новкъахь тIе цхьа а декхар а ца дожош витина къоман политикан, арахьарчу зIенийн, зорбан, информацин министр Умаров Жамболат. Читать дальше...

Наьсаран кIоштахь дIалаьцна ГIалгIайчуьрчу тайпанийн Кхеташонан куьйгалхо Ужахов Малсаг. "Медиазоне" лаьцначун кIанта Ужахов Руслана дийцарехь, пIераскан Iуьйранна шина машенахь ницкъахой баьхкира церан хIусаме. Шайгара кехаташ а ца гойтуш, Ужахов Малсаг машена а хаийна, "комитете" вуьгу аьлла, дIавигира, дийцина цо. Нальчикерчу Талламан комитете вигина хила тарло иза аьлла, хьостаца къамел динчу Ужахов Малсаган адвокато Куриев Жабраила. Адвокато чIагIдарехь, хьалха а кхоазза талламчас хеттарш дан тIекхийкхина вара иза... Читать дальше...

Пачхьалкхна ямартхилла аьлла, Москварчу "Лефортово" олучу талламан изолятор чохь латтош волу Iилманча Кудрявцев Виктор катоххий могIарерчу бахархойн дарбан цIийне охьавилла аьлла, сацамбина Европан адамийн бакъонашкахула йолчу кхело (ЕСПЧ). Товбеца-баттахь дуьйна лаьцна ву 75 шо долу "Роскосмос" структуран белхахо. Кудрявцевн интересаш Страсбургерчу кхелехь Iалашъечу адвокато Москаленко Каринас "МБХ-медиа" хьостане дийцарца, хьалхо цо бинчу латкъамна пIераскандийнахь жоп делла кхелахоша, Европан кхелан Регламентан 39-чу бакъонех пайда а эцна.

Чукхуьйсучу нехаша, жил-Iалам хийцадаларо балелаьцна Каспи-хIорд. Леш ю тюленаш, лахлуш бу чIерийн барам, гомхадолуш ду хи. ТIекхочуш Лаьттан Де хиларца доьзна (кху беттан 22-гIачохь) Азербайджанерчу экологаша хаам баржийна, шаьш болх болабо Каспийна герга лаьтта Таркхойн-хIорд денбеш, аьлла.

Зазадоккху-беттан 27-чохь Iедалшкара бакъо йоцуш Магасехь хIоттийначу митингехь дакъалацарна 20 эзар сом гIуда тоьхначул тIаьхьа, тIепаза вайна 41 шо долу Озиев Тимур. "Медиазона" хьостано яздо, цуьнан йишас Озиева Мариеттас бинчу хаамна тIе а тевжина. Йишас дийцарехь, ницкъахоша дIавигина иза кху беттан 17-чохь. "Цхьанхьа герзаш диттина, цуьнан куьйгаш тIехь молхан лараш юй хьовсуш, экспертиза ян деза шайн элира цара. Цундела паргIат дIавахара иза цаьрца, ша гунахь воций хууш хиларна", - дийцина зудчо. Читать дальше...

Мисарарчу оьрсийн дипломатин миссин белхахойн аьтто ца баьлла оцу пачхьалкхехь лецначу гIалгIайн студенташца цхьанакхета, КъахIиран ницкъаллийн структурийн белхахоша йа набахте а, йа кхелан кхеташоне а ца битина уьш. Лецначийн гергарчара дийцина цунах "Кавказский узел" агенталле. Маршо Радионо хааме даьккхира, кху беттан 2-чохь Мисарахь лецначу кегийрхоша мацалла кхайкхийна, шаьш маьршадахар тIедожош, аьлла. Беттан 12-чу дийнахь церан дайша-наноша Iорадаьккхира, маьнгех дIа а боьхкуш, хих хьегабо уьш аьлла. Читать дальше...