Новости за 09.04.2019

1995-чу шарахь аьхка Буденновск гIалана тIелатарехь дакъалаьцначу нохчийн тIемалочун Исламов Русланн кхел кхайкхийна Ростох Къилбаседа Кавказерчу тIеман гонан кхело. 11 шо хан тоьхна цунна колонехь яккха, хаам бо РИА Новости агенталло. Исламовна бехке дуьллуш дара "низамаш лардон органийн белхахой а, ницкъаллин структурийн белхахой а байар а, могIарера бахархой "закъалтана лецар" а, "зуламан тобан декъашхо" хилар а, "терроран тIелатар дар" а. Нохчийн хилла тIемало лецира 2017-чу шарахь Товбецан-беттан 13-чохь. Читать дальше...

Казахстанехь хенал хьалха харжамаш хир бу аьлла, дIахьедар дина Назарбаев Нурсултан дIаваьлча цуьнан метта президент хIоьттинчу Токаев Касым-Жомарта. Цу пачхьалкхан конституцица а догIуш, уьш хир бу ши бутт баьлча, кху шеран Мангалан-беттан 9-чу дийнахь. Токаевс билгал ца даьккхина президентан харжамашкахь дакъалаца ша дагахь ву-вац бохург.

Стохка Дукузов а, кхин а 22 стаг Оьрсийчоьне дIавала реза хилла Украина аьлла хаам бина инарлин прокуроро Чайка Юрийс, ша Оьрсийчоьнан Федерацин Кхеташоне хьажийначу докладехь.   Оьрсийчоьнан а, Украинин а юкъаметтигаш чолхе хиллехь а, ша куьйгалла дечу прокуратура къахьер бахьана долуш аьтто баьлла и нах украинахошка схьабалийта, боху Чайкас. Амма тIаьхьо Интерфаксан хьастано хаам бина, Дукузов хIинца а Украинехь ву, иза кхечу бехктакхаман гIуллакхан фигурнт хиларна аьлла. Дукузов лецира Киевехь 2017-чу шарахь Лахьанан-беттан 17-хь. Читать дальше...

ГIалгIайчуьра протесташ Кадыров Рамзанна дуьхьал гIаттам бу аьлла, хьесап дина политолога Белковский Станиславс. Йоллу Къилбаседа Кавказна тIехь Кадыров доладан гIертар бахьана долуш иккхина конфликт ю иза, тешна ву эксперт. ГIалгIайчуьра протесташ шех хьакхалуш йоцуш санна, кеп хIоттийна Iа Москва. Путин Владимира шен хьесапехь, формалехь а доцуш декхарш дIасадекъарца, йоллу Къилбаседа Кавказах жоп дала хьакъвинчу Кадыровна тIехь ду ситуаци цхьалха яккхар, боху Белковскийс. ГIеххьачул а рол... Читать дальше...

Шен цIийнда «Хьизб-ут-ТахIрирера» ву аьлла, набахте хьажийча кхоьллина Салиева Муминас «ГIирмин Бералла» цIейолу юкъаралла. Баттахь цкъа цхьаьнакхета да я нана динца доьзна шайх къастийна деха бераш - педагогаша болх бо цаьрца. Алсамдевлла и бераш кхо кIира хьалха, кхин а цхьа бусалбаний рогIера йоккха чуйоьллича - 55 бер бара хIинццалц, хIинца ду хьехархойн Iуналлехь 166.

2018-чу шарахь Европан адамийн бакъонашкахула кхело бина сацамаш кхочуш цабарехула лидер ю Оьрсийчоь. Цу пачхьалкхо кхочуш ца бина 1500 сов сацам. Цунах лаьцна дуьйцуш ду Европан Кхеташонан министрийн комитетан дIахаийтарехь, яздо "Ведомости" газето. Оьрсийчоьнна тIаьхьайогIуш ю Туркойчоь (1000 сов), Украина (923), тIаккха Румыни (309).

Бохам хилла Шелковскойн кIоштахь Ищерскера ГIизлара боьдучу некъа тIехь. Дуьхь-дуьхьал кхеттарг ю ВАЗ а, КамАЗ а машенаш. Нохчийчуьрчу некъан полицин зорбанан белхахоша бинчу хаамца, некъахьовзам хилар бахьана долуш вийна ВАЗ машенна урхалла деш хилла стаг а, цу чохь хилла 3 некъахо а. КамАЗ-ана урхалла деш хилларг лазийна вац. Цкъачунна болчу хаамца, бохам хилла ВАЗ машен КамАз йогIучу агIор ялар бахьана долуш.

1995-чу шарахь аьхка Буденновск гIалана тIелатарехь дакъалаьцначу нохчийн тIемалочун Исламов Русланна кхел кхайкхош ю Ростох Къилбаседа Кавказан тIеман гонан кхелехь шинарин дийнахь 2 сахьт даьлча.   Цунна бехке дуьллуш ду "низамаш лардон органийн белхахой а, ницкъаллин структурийн белхахой а байар а, могIарера бахархой "закъалтана лецар" а, "зуламан тобан декъашхо" хилар а, "терроран тIелатар дар" а, аьлла ду цу хаамехь.Суьдо бинчу хаамца, Исламовс даре дина ша бехке хилар. Нохчийн хилла тIемало... Читать дальше...

Нохчийчоьнан Iедалш дагахь ду керлачу хIусамашка дехьаваккха карарчу хенахь тишачу цIеношкахь веха 3500 республикера вахархо. Иза дийр ду 2024-чу шаре кхаччалц лерина йолу "ХIусам а, гIалан гонахе а" къоман проект кхочушъеш. Нохчийчоьнан куьйгалхочуьнан а, Iедалан а зорбан сервисо бинчу хаамца, цу гIуллакхана хьажор ду 2,2 миллиард сом.

2004-чу шарахь Бесланера школа дIалаьцначу тIемалоша дитина йозанаш интернетера дIадахар тIедожийна Оьрсийчоьнан Iедалша.

2018-чу шарахь Украинин Iедалша Оьрсийчу дIавелла 22 стаг, шайна юкъахь оьрсийн маттахь арадолучу Forbes журналан коьрта редактор Хлебников Пол верна бехке лоруш волу Нохчийчуьра Дукузов Мохьмад а волуш. Цунах лаьцна хаам бина Оьрсийчоьнан инарлин прокуроро Чайка Юрийс, ша Федерацин Кхеташоне хьажийначу докладехь.   Чайкас билгалдоккхарехь, Оьрсийчоьнан а, Украинин а юкъаметтигаш чолхе хиллехь а, цо куьйгалла дечу хьукматан аьтто баьлла Оьрсийчохь зуламаш дина нах украинахошка схьабалийта. Дукузов... Читать дальше...

Акиев Тимур,                                                                                                                "Эхо Кавказа" ГIалгIайчуьра оппозици къаръяр тIедожийна гонахарчу мехкийн ницкъхошна. Хьалхо лецна хилла 12 политик-протестхо Нальчике дIавигина Iедало оршотдийнахь. Царна орцахбевлла хьийза бакъоларъярхой. Лецначех цхьамма, къаночо Барахоев Ахьмада, мацалла кхайкхийна. Магасехь айбина гулам чаккхе йоцуш хир бу лидерша баьхна массех сахьт далале, нах дIасабехира тIелаьллинчу полицино. Читать дальше...

"Пачхьакхан думин депутатан беш" карийна экологаш дагахь бу Страсбургерчу адамийн бакъонийн кхеле бовла Краснодарерчу кхело сов дахдина "Къилбаседа Кавказерчу экологийн тобан" декъашхошна Рудомаха Андрейна а, Шевченко Дмитрийна а дуьхьал айдина дов листа долор. Шина эколого арздина, цхьа шо ах шо хьалха гIаттийначу девнан материалаш вовшах а тоьхна, уьш кхеле хьовсийна ца бовлу талламчаш, аьлла. 2016-чу шерахь Пачхьалкхан думин депутато Ремезков Александра кхеле велира Рудомаха а, Шевченко а... Читать дальше...

Аджибадем Туркойчуьрчу клиникаца юкъаметтигаш латтор дIахьош ю Нохчийчоь. Вовшашна зеделларг довзуьйтуш хуьлучу цхьаьнакхетарехула Соьлж-ГIалахь хилла цу лоьрийн центран цхьамоггIа говзанчаш, хаам бо "Нохчийчоь тахана" агенталло. Нохчийн Республикан могушаллан министро Сулейманов Эльхана бинчу хаамца, хIинца Нохчийчу вогIуш ву Туркойчуьра деган цамгарийн лор-кардиолог, профессор Одимиш Эндер. ГIалахь ши де доккхуш шен говзалла гойтур ю цо нохчийн лоьрашна. Дархошна тIехIуттуш чекхвер ву лор дарбанан хIусамехь... Читать дальше...