Новости за 23.04.2019

Воронежера бизнесхо Москох вер кечдина аьлла, жоьпе озийна ФСБ-н Нохчийчуьрчу урхаллан белхахо хилла Алероев Iаьрби а, цуьнан ши накъост Нальгиев Ислам а, Замуруев Иван а бехказваьккхина Москох кхелехь бехккъастрхойн коллегино, яздо "Коммерсанто". Талламхойн версица, Нальгиев Ислама мила ву ца хуучу стагера 30 эзар доллар ахча эцна хилла, Воронежера бизнесхо Корнев Кирилл верна. Иза кхочуш дар Нальгиевс тIедиллина шена вевзаш волчу шина стагана Алероевна а, Замуруевна а. Бизнесхо вен цара лаьцнарг зулам дечу меттана полице вахана. Читать дальше...

Перевозчиков Валерий Шайна Iедало компесацеш яларе хьоьжуш Iа стохка хихьадча зен хилла кубанхой Бала Iаьвшинарш Йоьлхуш дагалоьцу Краснодар-махкарчу Кривенское юьртахь яьхначу, алссам бераш долчу нанас стохкалерчу ГIадужу-беттан 24-гIа де. ВорхI стагах лаьтта доьзал белира шен мел хиллачух – цIийнах, йийбарх, гIирсах, пхьегIех , машенах. Балхахь яра Наталья Iалам карзахдаьлла аьлла хезча. "Ирча хьал дара иза, бераш а, майра а цигахь бара, со гIалахь балхахь яра, доьзална дан гIо дацара", дагалоьцу цо. Читать дальше...

Ток йоккху станци юьллуш ПIангаза чIожерчу бахархошна хетарг тидаме оьцур ду Iедалша аьлла, дIахьедар дина цIаьрга леррина вистхиллачу Гуьржийчоьнан премьер-министро Бахтадзе Мамукас. "Къаьсттина ларамца вистхила лаьа суна ПIаьнгазарчу бахархошка. Оха цкъа а, цхьана а регионехь, цхьана а адамаш дехачу меттигехь я эвлахь цхьа а проект кхочуш ца йина бахархошца дага ца довлуш а, цаьрца къамел ца деш а", - дIахьедар дина Гуьржийчоьнан Iедалан куьйгалхочо. Премьеро дийцарехь, Гуьржийчоьно эшо езаш ю къоьлла... Читать дальше...

Украинан президентан харжамийн шолгIачу турехь эшначу президента Порошенко Петрос баркаллица дош элира карарчу беттан 22-чохь Киеверчу шен администрацина уллохь гулбеллачу шен агIончашка. Ишта дош делла цо, гурахь хинболчу парламентан харжамашкахь шен партис толам боккхур бу, ша юха а вогIур ву аьлла.

5 мегаватт ондалла йолу ток йоккху станцин дуьхьа 5000 мегаватт политикан хало кхоьллина Iедало аьлла, дIахьедар дина Гуьржийчоьнан "Кхолламаллехьа болам" политикан партин хьалханчо стохка хиллачу президантан харжамашкахь дакъалаьцначу Усупашвили Давида, хаам бо "Грузия онлайн" хааман агенталло. Усупашвилис дийцарехь, ПIаьнгазарчу бахархошца "БТР-ийн а, лерринчу ницкъаллин тобанан а маттаца къамел дан" бахьана а дацара, леррина операци цу чIожехь говзалла йоцуш дIаяьхьна а яра.   Политикна хетарехь... Читать дальше...

Тасадаларш дирзинчу шолгIачу дийнахь хиллачух меттаян гIерташ ю Панкиси. Биркиани олучу эвлахь дахначу оршотдийнахь гулбеллера меттигера бахархой, юха а шайн позици билгалъяккха Iалашонца. Шайн чIожехь "Хадори -3" олу тоькан станци (ГЭС) хIоттайойтур яц шаьш боху наха.   Ветеранийн-ницкъахойн а, Гуьржийчоьнан патриотийн а Боламан векалша бахархойн хиллачу цхьанакхетарехь шаьш цаьрца цхьана хилар дIахаийтина. Йоллу юрт бохург санна гулъеллера ветеранаша олучуьнга ладогIа а, шайна хетарг дIакхайкхо а Iалашонца. Читать дальше...

Нохчийчохь ток эрна яр лахдан оьшу инфраструктура кхуллуш 5 миллиард 600 миллион сом дойур ду аьлла, хаам бина Къилбаседа Кавказерчу МРСК (регионийн юкъара ток йоькху) компанин инарлийн директоро Иванов Виталийс. И программа болх беш хир ю 2022 шаре кхаччалц.  Шен и дIахьедар дина Ивановс белхан визитца Соьлж-ГIалахь волуш, хаам бо ТАСС агенталло. МРСК компанин куьйгалхочо билгалдаккхарца, Нохчийчуьра тоькаца йоьзна комплекс лаккхара тидам тIебахийтар оьшуш ю. Нохчийчуьрчу Iедалан куьйгалхочо Хучиев Муслима шен агIор дIахьедар дина... Читать дальше...

Шаьш шайн махкахь гидроэлектростанци юьллуьйтур яц боху паьнгазхоша Биркиани юьртана гергахь, Алазани хи тIехь, йилла йолош яра гидроэлетростанци. Дуьхьалбевллачу наханий, полициний юкъа дов доьлла болийна белхаш бахьанехь. ГIожмаш, тIулгаш дара бахархойн "герз". Царна дуьхьал резаьнкин даьндаргаш, бIаьргех хидоккху газ йиттира полицино. Иттаннаш  лазийна шина а агIор. Паьнгазхой Iедалан проектна – хи тIехь юьллучу жимачу  гидроэелектростанцина – дуьхьал буйла хьалхе дуьйна а хаьара Тбилисехь. Читать дальше...

Соьлжа-ГIаларчу Боков Iабдуллина хазахеташ программа яра цуьнан бераллехь "Мохкгезбархойн клуб" ("Клуб путешественников"). 39 шо ду цуьнан тахана. Кхечу мехкашкахула ша лелачу метта, шен хьоме Нохчийчоь йовзуьйту цо дозанал дехьара кхочучу хьешашна. Дуьйцу къоман исторех, ламастех. Амма коьрта ду цунна ингалс мотт хьехар – сатуьйсуIабдуллас нохчий дуьненан хазанашна гергабига.

Нохчийчохь дIатарйина 42-чу гIашсалтийн дивизин ши полк цIеххьана гIаттийна цу республикехь доладеллачу тIеман Iаморашкахь. Цунах лаьцна хаам бо ТАСС агенталло, Къилбан тIеман гонан зорбан сервисна тIе а тевжаш. Верриг а "мостагIчуьнан" эскарш юхатоха Iемаш ву 2000 сов эскархо. ТIеман Iамораш дIадоьрзуш яккхийн тоьпаш кхуьссур ю танканашна чуьра а, БМП-шна чуьра а. Болчу хаамца, Нохчийчуьрчу тIеман Iаморашна иштта юкъаозийна ю 300 гергга гIагI диллина техника, шайна юкъахь Су-25СМ кеманаш а, шаьш дIасалела "Акация" яккхийн тоьпаш а... Читать дальше...

Нохчийчохь Гуьмсан кIоштан БоргIанерчу културан кхерчахь даздарш дIадаьхьна гIумкийн културан денна хьажийна. Цу мероприятехь дакъалаьцначу Нохчийчоьнан къоман политикехула а, арахьарчу уьйрашкахула а, зорбанан а министро Умаров Джамболата сийлахь кехаташ делира цхьацца сферашка похIма а, говзалла а гайтинчу Нохчийчохь дехачу къаьмнийн юкъаметтигаш цхьаьнатохарехула къахьегначу гIумкийн къоман векалшна. Даздарш дIадирзира йоккха концерт гайтарца.

Шуьйтан кIоштан кхело 16 шо хан тоьхна Казбулатов Шамильна 2000-чу шарахь Псковерчу десантхошна тIелатар деш дакъалацарна. Цунах лаьцна хаам бина Оьрсийчоьнан Талламан комитето. Казбулатов бехке лерина эскархой байа гIортарна. Талламхойн версица, нохчийн тIемалойн хьалханчо Басаев Шемила куьйгалла дечу тIемалойн могIаршкахь цо, хьежа а еш, Калашниковн автомат йиттина оьрсийн десантхошна. 2000-чу шарахь Чиллан-беттан 29-чохь даккхийн дарашца Соьлж-ГIалара арабевллачул тIаьхьа гIело хьоьгуш Ведана... Читать дальше...