Новости за 08.04.2019

ГIалгIайчохь лаьцна Зазадоккху-беттан 26-хь Магасехь хиллачу митинган кхин а цхьа декъашхо. Иза ву Плиев Мусса. Цунна бехке дуьллуш ду, дуккха а адамаша дакъа а лоцуш, къепедацарш вовшахтохар. ДIадаханчу кIиранах Нальчикан гIалин кхело талламан изоляторе хьажийра ГIалгIайчуьра 8 жигархо. Царна дуьхьал бехктакхаман гIуллакхаш долийна, низамаш лардечу органийн белхахошна ницкъ барна.

Емельянов Павел Ставрополна 300 километр юьстах ю Нефтекумск. Бахархоша ишта олу шайн гIалех: "Елла яц, амма эхартан хьожа-м лаьтта" ТIекхIелдинчу цIенна хьалха доккха сийна четар лаьтта. Чохь – стаг дIаволла кечдина барма. Гонах – гергарнаш, лулахой, доттагIий. Жима ю гIала, хилларг хIуъа а юкъахь луьсту. Четар меттигерчу администрацера деана – чIагIделла ламаст ду иза. Декъеш ханна чудохку меттиг а ю гIалахь. Амма шело ца тоьу чоьнашна, шабийриг йоьхна тоххара. Тоян а гIиртина нах, амма севцца – кIордийна и тишбелла гIирс. Читать дальше...

Туркойчоьнан президент ЭрдохIан Реджепа дIахьедар дина, шайн эскарш Шемахь тIеман операци дIаяхьа кечлуш ду аьлла. Москох визитца веача Оьрсийчоьнан президентца Путин Владимирца и хаттар дийцаре дан дагахь ву туркойн куьйгалхо. ЭрдохIана хьалхо дIахьедар динера, тIеман операци хир ю шайн малхбалерчу дозанца йолчу Шеман кIошташкахь а, такъа иштта Манбиджехь а дIатарйеллачу курдийн тобанашна дуьхьал, нагахь уьш Iамерко цигара ара ца яхахь аьлла. ТIаьхьо Туркойчоьно тIаьхьатеттира иза дIаяхьар,... Читать дальше...

Нохчийчоьно шен территорина юкъахь лаьррера КIизларан кIоштахь дозанца долу лаьттан дакъа, Дагестанан агIоно цхьа а жоп ца деллачул тIаьхьа. Цунах лаьцна хаам бина Нохчийчоьнан парламентан куьйгалхочо Даудов Мохьмада, яздо "Кавказский узело". Нохчийчуьрчу куьйгаллан векало бинчу хаамца, маслаIат каро аьтто боцуш цхьа а хIума дац Дагестанца. Цо дийцарехь, хьалхо нохчийн агIоно Дагестанан Iедалшка кховдийнера 73 гектар латта хийцича дика хир дара аьлла. Цо билгалдаккхарехь, ГIизларан кIошт йоцург... Читать дальше...

Vienna City Marathon 2019 – ишта цIе яра Австрехь хIора бIаьста дIахьочу 36-чу марафонан. Кху мукъаденошкахь Вене хьалхабовларх къовсабала баьхкинера 125 пачхьалкхера нах. Дакъалацархойн терахь дара 42000. Марафонхошка хьажа, уьш ир-кара хIитто аравелира миллион гергга вахархо. Бовдархошлахь вара Маршо Радиоца къамел дина венахо-нохчо а.

Украинин президентан харжамашкахь дакъалоцучу кандидато Зеленский Владимира дIахьедар дина, карарчу хенахь президент волчу шен дуьхьалончица Порошенко Петроца дебаташ хила еза Киевехь "Олимпийский" стадионехь Оханан-беттан 19-чу дийнахь аьлла, Порошенкос дIахьедар динчу 14-хь а ца хуьлуш. Фейсбукехь араяьллачу видео тIехь Зеленскийс доьхе шен агIончашка, 19-хь Порошенкого ша дала деза хаттарш кечдар. Ша Порошенкос 14-хь стадионе кхайкхар комментари а йоцуш дитина цо. Украинин коьртачу харжамийн комиссино хаам бина... Читать дальше...

Юсупов Ашахан Оьрсийчоьнан статистикан урхалло (Росстат) бахарехь, зударий балор массанхьачул а лахара ду Къилбаседа Кавказехь 2018-чу шарахь статисташа даржийначу терахьашна тIехь рейтинг хIоттийна "Московский комсомолец в Пскове" ("Московский комсомолец Псковехь") газето. Оьрсийчоьнан регионашлахь уггаре кIезиг зударий балабийриг ГIалгIайчоь ю. Цигахь 1000 вахархочух кхоллабелла доьзал 3,8 бен бац (85-гIа меттиг). Рейтинган цул лакхарчу тIегIанехь ю Дагестанний, Къилбаседа ХIирийчоьй –4,9 доьзал. Читать дальше...

Гуьмсан кIоштарчу полице латкъам бина хилла Энгель-Юьртарчу вахархочо, кху беттан 3-чу сарахь курхалчо шен кисанара 4 700 сом ахча даьккхина хиларх лаьцна. Цу стага хаам бина, иза динарг Илсхан-Юьртара 41 шо долу вахархо хила мега аьлла, шеко йолуш ву ша аьлла. Полисхоша левича, и стаг кIера хилла ша къола дарна. Оьрсийчоьнан чоьхьарчу гIуллакхийн министраллан Нохчийчуьрчу урхаллан зорбан сервисо бинчу хаамца, хилларг къастош ду, бехкечунна таIзар дар Iалашонца.

ГIалгIашка питанех ца Ӏехадаларе кхайкхина вевзаш волчу журналисто Шевченко Максима, хаам бо "Нохчийчоь тахана". Цу хьокъехь леррина видео арахецна цо шен YouTube каналехь. "Нохчел а гергара халкъ дац шуна шу кху дуьнентIехь, гIалгIай. Цхьа а вац шуна нохчел а гергара. Муьлхха а хьо реза воцу нохчо, гIалгIа, иза хьан шеко йоцуш ваша ву. Хьуна иза дика хаьа. Цундела ас цкъа а къобул дийр дац нохчашца дов лелор", боху Шевченкос.

Венгрица а, Словакица а доза хадош талламаш бар 2019-чу шеран Лахьанан батте кхаччалц дахдан сацам бина шаьш аьлла, хаам бина Австрин чохьаррчу гIуллакхийн министро Кикль Херберта. Цу махкарчу Оe24.at зорбанан гIирсана интервью луш министро дIахьедар дира и раж латтор оьшуш ду шайна "каъйлаха миграцица эвсаре къийсам латто" аьлла. Еврокомиссе кехат хьажор ду шаьш тIедогIучу кIиранах, иза шайн бакъо ю, Австри ша яц иштта ойла йолуш, изза дийр ду кхечу пачхьалкхаша а, боху Кикла. Австрин чоьхьарчу гIуллакхийн министро дийцарехь... Читать дальше...

Оьрсийчуьрчу некъан полицино (ГИБДД) бинчу хаамца, 2018-чу шарахь цу пачхьалкхехь хилла 168 эзар некъахьовзам. И бахьана долуш вийна 18 эзар стаг, кхин а 215 эзар стаг лазийна ву. Уггар дукха некъахьовзамаш хилла Москох - 9157. ШолгIачу меттехь бу Краснодаран мохк (7 эзар сов некъахьовзам), кхоалгIачу меттехь – Петарбух (6463). Уггар кIезиг некъахьовзамаш хиларехула хьалхара меттиг дIалаьцна стохка Чукотко а, Ненцойн автономин гоно (32). Царна тIаьхьа йогIуш ю 206 некъахьовзам хилла ГIалгIайчоь. Читать дальше...