Новости за 12.02.2018

Гуьржийчуьрчу Гори гIалахь гойтур йолуш ю кху беттан 23-чу дийнахь Сталинан депортацин заманчохь Хьайбахахь хиллачу зуламах "Дицдан тIедожийна" филм. Нохчийчуьра оцу барамехь хир ву кинон режиссер Коканаев Руслан 2014-чу шарахь яьккхинчу оцу филмехь дуьйцу 1944-чу шарахь нохчаша лайначу депортацех. Эзарнашкахь адамаш дагийна хIетахь Хьайбахахь. Оьрсийчоьнан территори тIехь дихкина ду кино гайтар, къаьмнашна юкъахь мостагIалла даржадо аьлла. Кино яьккхинарш реза бац оцу версина.

Прагехь лаьцна оьрсийн хакер Никулин Евгений Iамеркан Цхьанатоьхначу Штаташка а ца луш, Оьрсийчоьне дIавала гIерта пачхьалкхан президент Земан Милош. Никулин Iамерко бехкево шайн пачхьалкхан компанийн социалан машанаш а, компьютерийн системаш а яьстина, персоналан хаамаш лачкъорна. Чехин Respekt а,  Aktualne а хаамийн гIирсаша дийцарехь, байначу баттахь Земана шозза къамел дина юстицин министрца Пеликан  Робертца Никулинан кхолламах. Кхелийн масех инстанцехь хакер дIавала веза, кхи дIа гIуллакх талла аьлла... Читать дальше...

Пакистанерчу тIалибаша тIечIагIдина, Къилбаседа Вазирстанехь Iамеркан кемано вийна хиларх боламан командиран гIовс Мехсуд Халид. Оршотдийнахь тIалибаша динчу дIахьедарехь, Мехсуд вийна Горвак олучу эвланна тохарш деш. Пакистанан къайлахчу сервисаша хьалхо хаамбинера, Саджна аьлча вевзаш волу Мехсуд верах. Пакистанан тIалибийн хьалханчас Фазлулла Муллас группан керла гIовс хIоттийна кхечу тобан командир Вали Нур. Дийцарехь, Саджнас тIелатар динера Пакистанан Карачи гIаларчу тIеман-хIордан базанна 2011-чу шарахь. Читать дальше...

Нохчийчоьнан куьйгалхочунна Кадыров Рамзанна биткоин эца дагадеана, криптовалюта кхуьуш терго латтон лаамца. "Технологийн даим а хийцалучу дуьненахь юкъадолучу керлачунна тIаьхьакхуьуш хила веза стаг. Ас хьалхо дIакхайкхийра, Нохчийчохь блокчейн юкъаялор ю аьлла. Суна интересе ду инновацин эцначу хIуманах мах дIабала аьтто бен машанаш а, криптовалютан кхиам а гуш", - аьлла, яздина Кадыровс шен Телеграм-каналехь. "Бакъдерг дийцича, биткоинах ахча юкъадиллар шеконе хIума ду, доллучух вала а тарло. Читать дальше...

Нах беха тIекIал комплекс а, дуьненчохь а уггар доккха 20 эзар стаг чу тарлуш маьждиг а дина Iедалхоша Шелахь. Иштта битаме далош ду гIалин хатI а, маьршша дIасалелийта шордеш ду некъаш а. Оцу Iалашонца  Шелара цхьадолу цIенош а, гIишлош а дIахьаькхира Iедало дайначу шеран тIаьххьарчу баттахь. ХIусамашкара арабаьхначу бахархошна меттигаш елира Шелана юьстахарчу майданахь. "Шали-Ситина" юкъайогIуш хир ю 7 гIишло: 12-ра 16-нна тIе кхаччалц гIаташ, нохчийн  ширачу бIаьвнан кепехь 21 гIатах лаьтташ хир ю цхьа гIишло. Читать дальше...

Террорхошца зIенаш хилла аьлла, Азербайджано бехкевина,  13 шо набахтехь даьккхина Нохчийчоьнан вахархо, 4 беран да Такаев Сайд-Хьусейн гергарчу хенахь пачхьалкхера аравоккхуш ву Iедалхоша. Карарчу беттан хьалхарчу деношкахь депортацин куьпа валийна Такаев, Оьрсийчу дIахьажо. Бакун Iедало официалехь еллачу политикан мухIажиран статусех ваьккхина иза лоцучу хенахь. Такаев Сайд-Хьусейнан гергарчара а, доттагIаша а кхайкхамбина бакъонашларъяран организацешка, нагахь Оьрсийчоьне дIалахь, цуьнан дахарна кхерам буйла а хууш,  гIо доьхуш.

Оппозиционеран политик Немцов Борис дагалоцуш марш дIахьош хиларх хаамбина Москохан мэрига. Кху беттан 25-чу дийнахь дIабахьа билгалбаьккхина и барам, хаамбо Твиттерехь бакъонашларъярхочо Давидис Сергейс. Акци вовшахтоха леринчара маршрут ехна Калужскан майданара Васильевскан басе кхаччалц, Немцов вийначу Москворецкан тIай тIе зезагаш а дохкуш. Дахначу шарахь Iедалхоша магийтира акци дIаяхьа, альтернативе некъашкахь бакъо елира – булварашкахула Пушкинан майданера Сахаровн проспекте кхаччалц дIабаха. Читать дальше...

Шела кIоштарчу "Гвардеец" полигонехь кхийсархойн а, танкистийн а Iамораш дуьйладелла. Герз тохар гойтуш, танкан, артиллерийн гIирсаш караберзош Iамораш дIахьо 42-чу дивизин дакъойн эскархоша. Цу Iаморашкахь ву 1000 сов салтий, 200 техника а, дийцина "Кавказан узел" агенталле Нохчийчуьрчу комендатуран векало. Иштта Къилбаседа ХIирийчуьрчу "Тарское" олучу полигонехь а дIахьош ду оршотдийнахь Iамораш.

Шемарчу Алеппохь 1,5 шарахь эскарехь а лаьттина Нохчийчу бирзина полисхой. Мехкан куьйгалхочо Кадыров Рамзана бина и хаам. "Оьрсийчоьнан тIеман министраллан батальонера полисхой цIа бирзина тIаьххьарчу цхьана шарахь 6 баттахь а Шеман Алеппо гIалахь декхарш кхочушдинчул тIаьхьа. Майора Нумухаджиев Руслана куьйгалла динчу тобанера 393 тIемало могуш-маьрша даймахка вирзина", -  аьлла шен ВКонтактерчу агIонехь хаамбина Кадыровс. Мехкан куьйгалхочо дийцарехь, Оьрсийчоьнан тIеман министраллан коьрта объекташ ларъярехь... Читать дальше...

"Саратовн авиалинеш" авиакомпанино ханна сацийна шайн Ан-148 кеманийн дIасалелар. Компанин векалша Домодедовон кIоштахь чудеанчу кеманчохь веллачу 71 стеган гергарчаьрга кадам бина. Оршотдийнахь Саратоверчу аэропортехь митинг хIоттош ю кеман экипаж а, пассажираш а дагалоцуш. Оренбурган кIоштахь оршотде тезетан де санна дIакхайкхийна, 30 гергга кеманчохь хилла пассажир цигара хилла. Iедало церан гергарчарна компенсацеш лур ю аьлла. Москох оршотденна лерина хилла массо а културан барамаш дIатеттина. Читать дальше...

Оьрсийчохь хиллачу авиакатастрофехь беллачийн гергарчаьрга кадамбарца лерина тезетан зона билгалъяьккхина Дуьненаюкъарчу олимпикан комитето Пхенчханехь. Организацино яржийначу пресс-релизехь бу и хаам. Иштта кадам бина кеман тIера 71 стаг валарца масех пачхьалкхийн векалша а. Ю царлахь Iамеркан Цхьанатоьхна Штаташ а, Украина а, Гуьржийчоь а. Ан-148 "Саратовн авиалинийн" кема доьхначу меттигехь орцанхоша дIахьош хилла гIоьналлин операци дIайирзина. Орцан министралло тIечIагIдина, салон чохь хиллачух цхьа а дийна висина цахиларх. Читать дальше...

Оьрсийчоьнан дешархойн Iаьнан садоIу хан дIататтар дийцаредо кабинетийн министрехь. Къилбаседа Кавказехь когсаласаш хохкуш садаIарна пропаганда ярхьама беш бу и хийцам аьлла вице-премьера Хлопонин Александра "Оьрсийчоьнан газетане". Цо бахарехь, берийн садоIу денош когсалазаш хохкучу хенаца цхьана нисдина хила дезаш ду. Доккхачу декъанна, Хлопонина билгалдаккхарехь, и кепаш оьшу Къилбаседа Кавказерчу туристийн когсалазаш хоьхку курорташ кхиорхьама. Европан мехкашкахь берийн садоIийла Альпашкахь... Читать дальше...

Куьрчалара 37 цIа дIахьакха дагахь бу Iедалхой. КIира хьалха хиина оцу хIусамашкахь бехачу нахана цунах. Меттигерчу администрацин белхахой чекхбевлира оцу урамех, цул тIаьхьа маьждига хьалха схьа а гулбина, дIакхайкхийра цIенош дIахьокхуш хиларх яздо "Мемориало". ЦIенош лаьттинчу меттигехь йоккха йохка-эцаран, самукъадаккхаран комплекс дIахIотто Iалашо ю шайн, белхаш карабогIучу беттан хьалхарчу деношкахь дIаболо оьшу аьлла, шайн лаам бовзийтина Iедалхоша бахархошна. Оцу юкъанна хIусамийн долахошца... Читать дальше...

Куьрчалара 37 цIа дIахьакха дагахь бу Iедалхой. КIира хьалха хиина оцу хIусамашкахь бехачу нахана цунах. Меттигерчу администрацин белхахой чекхбевлира оцу урамех, цул тIаьхьа маьждига хьалха схьа а гулбина, дIакхайкхийра цIенош дIахьокхуш хиларх яздо "Мемориало". ЦIенош лаьттинчу меттигехь йоккха йохка-эцаран, самукъадаккхаран комплекс дIахIотто Iалашо ю шайн, белхаш карабогIучу беттан хьалхарчу деношкахь дIаболо оьшу аьлла, шайн лаам бовзийтина Iедалхоша бахархошна. Оцу юкъанна хIусамийн долахошца... Читать дальше...