Шарманда. Уят. Номус. Туркияники бўлиши керак.

Тўй-ҳашамлар, оилавий тантаналар, маърака ва маросимларни иҳчам ва тартибли ўтказиш лозимлиги ҳақида ҳар доим канал ва газеталарда ҳамда интернет саитларида бонг урилмоқда. Афсуски дабдабабозлик, исрофгарчилик, шуҳрастпарастликка берилиб, миллий қадрятларимизнинг муқаддас динимизга тўғри келмайдиган салбий иллатларига йўл қўйилмоқда. Бу борада биз ҳали талайгина ишларни қилишни ортга суриб бораётганимиз ҳам ачинарли ҳолат. Ҳаттоки баъзи тўйларда келинларимиз очиқ-сочиқ кийиниб саҳнада бемалол рақс тушаётганига нима дейсиз? Бизнинг шарқ аёлларидек иболи ва ҳаёли латофатли қизларимизнинг ғурури қани. Нима учун бир кунлик тўйни деб келинларимиз ҳаттоки қайнотаси билан ҳам рақс тушиб кетаверса.Шарманда. Уят. Номус. Тўйлардаги баъзи ажабтовур ҳолатларни эса айтмай қўя қолайлик. Мебел чет элники бўлиши шарт. Қиз ёки куёвнинг кўйлаги туретиский бўлсин. Бўлмаса тўй қолдирилади. Бу қандай ҳолат. Бугун ҳашаматли тўйлар қилиб эртасига қарзга ботиб Россияга равона бўлиш шартми. Шундай савол билан мурожаът қилсак, баъзилари:-“ҳалқдан уяламиз”,-деган гапларни айтишади. Энди бир иссиқ танангизга ўйлаб кўринг. Тўйлардаги тортларга нима дейсиз. Улкан худди минора қургандек қилиб қўйишади. Ваҳолангки шу ресторанда қанчадан-қанча одамлар рақсга тушиб, ҳамма жойдан чанг кўтарилиб ҳаммаси шу тортга ёпишади. Тўй ўтгач шу тортни келган меҳмонларга тарқатиб беришади. Тортга эса қанчадан-қанча микроб ёпишган бўлади. Бундай иллатларга қачонгача қўл қовуштириб ўтирамиз. Тўйларнинг иҳчамлаштириш пайти келмадимикан! Лобар Мирзо