Новости за 02.05.2023

Россия Дәүләт Думасы депутаты Илья Вольфсон бүген Балтач районында эшлекле сәфәрдә булды. Ул Арча агросәнәгать һөнәр көллиятенең Балтач филиалында да булды. Биредә төзекләндерү эшләре бара, тиздән бина тулысы белән заманча төсмер ала. Бу хакта «Хезмәт» сайтында хәбәр ителә.

Сишәмбедән шимбәгә кадәр Татарстанда яңгырлар дәвам итәчәк. Бу көннәрдә һава температурасы 22-27 градус тирәсендә калачак, атна ахырына бераз салкынайта. Бу хакта ТР Гидрометеорология үзәгенең һава торышына күзәтүендә күренә.

Татарстанда «Хезмәт батырлыгы предприятиеләре» саны 20гә җитте. Республикада «Хезмәт батырлыгы предприятиесе. 1941-1945 еллар» дәрәҗәле исеменә Л.Я. Карпов исемендәге химия заводы һәм Кукмара киез итек комбинаты лаек булды.

kzn.ru

Бүген Казаннан Лисичанскига 90 тонна авырлыктагы гуманитар йөкнең дүртенче партиясен җибәрделәр. Азык-төлек, медикаментлар, шәхси гигиена чаралары һәм төзелеш материалларыннан тыш, биш зур йөк машинасы Татарстан шефлыгы астындагы шәһәргә ветераннар өчен Җиңү көненә бүләкләр һәм җирле халык соравы буенча утырту өчен орлыклар китерәчәк. Бу хакта Казан мэриясе матбугат хезмәте хәбәр итте.

Мобилизацияләнгән казанлылар өчен махсус йөк – тепловизорлар, төнге күрү приборлары... Читать дальше...

Татарстанда 16 ел эчендә 19 137 Бөек Ватан сугышы ветераны торак шартларын яхшыртуга субсидияләр белән тәэмин ителгән. Бу хакта Татарстан Республикасы Министрлар Кабинетында узган брифингта Татарстан Республикасы Хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

Хәрби хезмәткә чакырылган ир-ат махсус операция зонасыннан өенә, Чаллыга кайткан. Кечкенә кызына сюрприз ясап, ул аның янына чәчәк бәйләме белән мәктәпкә килгән.

Федераль монополиягә каршы хезмәт Россия авиакомпанияләре планнары нигезендә быел җәен авиабилетларга бәяләрнең 10 процентка артуын көтә, дип хәбәр итте Россия икътисади үсеш министры Максим Решетников. Бу хакта «Российская газета» яза.

Бүген, 2 май көнне Яңа Татар бистәсе зиратында имам-остазларны искә алу чарасы үтте. 1998 елдан башлап даими рәвештә уздырылган чара быел да Ислам динен кабул итүгә 1000 ел исемендәге мәдрәсә имам-хатыйбы Ильяс хәзрәт Җиһаншин җитәкчелегендә узды.

Баулы районы башлыгы Ильяс Гозәеров махсус хәрби операция зонасыннан ялга кайткан хәрбиләр белән очрашты. Ул очрашуда катнашучылардан хезмәтнең ничек үтүе, район җитәкчелеге хәл итүдә ярдәм итә алырлык сораулар бармы-юкмы икәнлеге белән кызыксынды.

Бу проектлар Клячкин хастаханәсендә ачылачак кафе дизайнында кулланылачак.

Якын арада Россиянең 22 төбәгендә янгыннар буенча вазгыятьнең начарлануы көтелә. Риск зонасында Ерак Көнчыгыш, Себер, Урал һәм Идел буе бар, дип белдерде РФ Президенты Владимир Путин белән киңәшмәдә Россия Гадәттән тыш хәлләр министрлыгы башлыгы Александр Куренков.

Ютазы районында яшәүче ир-ат 17 яшьлек кызын үтергән. Ул аның интим эчтәлектәге телефон сөйләшүен ишеткән. Бу хакта Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий хәбәр итте.

Иртәгә, 3 майда, Татарстан территориясендә алмашынучан болытлы һава торышы көтелә. Төнлә урыны белән яңгыр явачак, әмма көндез явым-төшем булу ихтималы аз. Бу хакта ТР Гидрометеорология үзәге хәбәр итә.

28-30 апрельдә «Идел» яшьләр үзәгендә «Zaman» блогинг мәктәбе узды. Анда Россиянең төрле төбәкләреннән һәм Татарстан районнарыннан җыелган катнашучылар 3 көн дәвамында блогинг өлкәсендәге белемнәрен арттырды. 

Татарстан вице-премьеры Ләйлә Фазлыева республика халкына Җиңү көнендә тикшерүләр булуны аңлауны сорап мөрәҗәгать итте. Бу хакта Татарстан Республикасы Премьер-министры урынбасары Татарстан Республикасы Министрлар Кабинетында узган брифингта әйтте.

Татарстан Рәисе Рөстәм Миңнеханов Түбән Кама районында булды. Ул муниципалитет кырларын очкычтан карап әйләнеп чыкты һәм авыл җирлекләре башлыклары, язгы кыр эшләре белән шөгыльләнүче механизаторлар белән очрашты.

Җиңү Көнендә Казанда концерт программасы тәмамланганнан соң 22.00 сәгатьтә бәйрәм салюты башлана, аны өч ноктадан күрергә мөмкин булачак. Бу хакта ТР Министрлар Кабинетында узган брифингта шәһәр Башкарма комитетының мәдәният идарәсе башлыгы Азат Абзалов хәбәр итте.

Татарстан Рәисе Рөстәм Миңнеханов «Каравон» рус халык бәйрәмен үткәрү көнен раслады. Указ хокукый мәгълүмат порталында бастырылган.

Узган тәүлектә Татарстанда коронавирус инфекциясенең тагын 26 очрагы теркәлгән. Авыручылар саны кими бара, бу хакта стопкоронавирус.рф порталы мәгълүматлары дәлилли.

Татарстан Рәисе Рөстәм Миңнеханов республиканың Тукай муниципаль районында язгы кыр эшләренең барышы белән танышты. Бу хакта Татарстан җитәкчесенең матбугат хезмәте хәбәр итә.

Татарстанда хәзерге вакытта Бөек Ватан сугышы ветераны булган 14277 кеше яши. Бу хакта Татарстан Министрлар Кабинетында брифингта республика хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

26 майда 18.30 сәгатьтә Нәҗип Җиһанов исемендәге Казан дәүләт консерваториясенең Кече залында РСФСР һәм Татарстан Республикасы халык артисты Ренат Ибраһимов истәлегенә багышланган «Классикада яңа стиль» программасының концерт-презентациясе була. Бу хакта оештыручылар хәбәр итә.

Күренекле педагог, шагыйрә, Арча үзәк китапханәсе каршында эшләгән «Каурый каләм» әдәби-иҗат берләшмәсенең беренче беренче җитәкчесе Наҗия Саттарова вафат булган, дип хәбәр итә «Арча хәбәрләре» газетасы.

Татарстан Рәисе Рөстәм Миңнеханов бүген Минзәлә районында булды. Ул муниципалитет кырларында язгы кыр эшләре барышын бәяләде, механизаторлар һәм җирлек башлыклары белән очрашты, шулай ук «Кама беконы» предприятиесендә булды. Бу хакта республика җитәкчесенең матбугат хезмәте хәбәр итә.

Хәрби хезмәткәрләр - махсус хәрби операциядә катнашучылар түләүсез яңадан укырга яки өстәмә һөнәри белем алырга мөмкин. Аларга эш бирүчеләргә субсидия түләнәчәк. Бу ярдәм чарасы шулай ук хәрби хәрәкәтләр барышында һәлак булганнарның туганнарына да кагыла. Министрлар Кабинетының матбугат хезмәте шул хакта хәбәр итә.