Новости за 31.05.2023

Олы Кайбычта республика программасы нигезендә үзәкләштерелгән биологик чистарту корылмасы төзелә. Бу хакта «Кайбыч таңнары» сайтында хәбәр ителә.

Махсус хәрби операциядә катнашучыларга һәм аларның гаиләләренә кулланылмаган турларының акчасы кире кайтарылачак. Дәүләт Думасы бу темага закон кабул итте. «Российская газета» шул турыда яза.

Кырымның Җәмигъ мәчетендә белгечләр гөмбәзләрне бизәү эшенә керешә. Уникаль орнаментны Төркия Республикасы белгечләре ясый. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Иртәгә, җәйнең беренче көнендә, Татарстанда кабат һава шартлары бозылыр дип фаразлана. Шулай ук температура фоны төшәчәк, дип хәбәр итә Татарстанның Гидрометеорология үзәге.

Бүген Нурлатта көчле җилдән берничә йортның түбәсе өлешчә җимерелгән, коймаларга зыян килгән. Район кешеләре бу күренешне видеога төшергән.

Бүген Пермьдә Россия Федерациясе Идел буе федераль округы субъектларының дәүләт хакимияте закон чыгару органнары карамагындагы Яшьләр парламентлары ассоциациясе утырышы узды. Анда яшьләрнең тормышта үз урынын табуы һәм төбәкләрнең иҗтимагый-сәяси тормышында катнашуы турында фикер алыштылар. Утырыш эшендә Дәүләт Советы Рәисе Фәрит Мөхәммәтшин катнашты.

Татарстанның халык артисты, Илһам Шакиров исемендәге Республика премиясе лауреаты Әсхәт Хисмәт Илһам Шакировны якын кеше буларак искә алды.

Төркиянең яңа сайланган Президенты Рәҗәп Тайип Эрдоганның инаугурация тантанасында Россияне РФ Дәүләт Думасы Рәисе Вячеслав Володин тәкъдим итәчәк. Бу хакта Россия Президенты ярдәмчесе Юрий Ушаков хәбәр итте.

Татарстан Республика клиник хастаханәсе табиблары инфаркт булган 49 яшьлек ир-атны коткарды, моның өчен аны 15 тапкыр терелтергә туры килде, дип хәбәр иткән «РИА Новости»га клиника вәкиле.

Габдулла Тукай исемендәге Татар дәүләт филармониясендә Илһам Шакиров исемендәге III Республика премиясен тапшыру тантанасы бара. Тантанада премия лауреатларын котладылар.

Бүген социаль челтәрләрдә Азнакай районында көчле урман янгыны чыгуы турында мәгълүмат чыкты.

Татарстанның халык артисты Фердинанд Сәлахов фикеренчә, Илһам Шакиров исемендәге Республика премиясен алу - зур җаваплылык.

«Интертат» сайтының «Вконтакте» төркемендә туры эфирда уза торган «Әйтер сүз» рубрикасында «Мәдәни җомга» газетасының җаваплы сәркатибе Илгизәр Зәкиев компьютер һәм соцчелтәрләр белән бәйле күп терминнарның калька рәвешендә кулланылуын хуплавын әйтте.

Татарстан Республикасы Рәисе Рөстәм Миңнехановка «Корпорация Туризм.РФ» акционерлык җәмгыяте генераль директорының беренче урынбасары Денис Секачев «Лаеш» туристлык территориясе мастер-планының беренче этабын эшләү нәтиҗәләрен тәкъдим итте. Очрашу бүген Татарстан Республикасы Хөкүмәте Йортында узды.

28 май көнне Рязань өлкәсендә балалар һәм яшьләр арасында ислам нигезләре буенча X Өлкәкүләм «Мин исламны өйрәнәм» дигән бәйге узды. Ул Горький исемендәге өлкәкүләм универсаль фәнни китапханәнең зур залында үтте. Юбилей конкурсы Рязань шәһәрендә Дягилевода мәчет булып торган дога кылу йорты ачылуның 10 еллыгына багышлана. Россия мөселманнары Диния нәзарәте сайты шул турыда хәбәр итә.

Дәүләт Думасы депутаты Леонид Слуцкий үзмәшгуль аналарга ярдәм итәргә һәм аларга дәүләттән социаль гарантияләр бирергә тәкъдим итә. Аның фикеренчә, бала карау өчен яңа пособиеләр кертү демографиягә уңай йогынты ясаячак.

Хәрби хезмәткә чикләү белән яраклы (ограниченно годный) дип танылган Россия кешеләренә мобилизация, хәрби хәл һәм сугыш вакытында контракт белән хезмәт итүгә рөхсәт бирергә телиләр. Алар Россия Кораллы көчләре (ВС РФ) белән контракт төзи алачак, шундый положение Дәүләт Думасына кертелгән закон проектында бар. Ул Думаның электрон базасында урнаштырылган.

Татарстан Республикасы Премьер-министры Алексей Песошин Татарстанда каты коммуналь калдыклар (ТКО) белән эш итү эшчәнлеген камилләштерү буенча ведомствоара комиссия төзү турында боерык имзалады. Аның төп бурычы бу өлкәдә эшчәнлекне камилләштерүгә кагылышлы тәкъдимнәр әзерләү булачак.

«Ватаным Татарстан» иҗтимагый-сәяси гомумтатар газетасы 105 еллык юбилеен Казанда Милли китапханәдә билгеләп үтте.

Татарстанда педагоглар өчен быел бер тапкыр бирелә торган 30 мең сум күләмендә түләү булдырылды.  Акчалар мәгариф учреждениеләренә укытучыларга «педагогик эшчәнлектәге казанышлары өчен» премияләрен бирү өчен юлланачак, диелә Татарстан Республикасы премьер-министры Алексей Песошин карарында.

Журналист, язучы-публицист, педагог, Татарстан Республикасының атказанган сәнгать эшлеклесе Мәгъсүм Гәрәев Илһам Шакировның бөеклеге турында беренчеләрдән булып матбугатта язганын әйтте.

Татарча альтернатив музыка ясаучы Yummy Music инди-лейблы үзенең 11 яшьлек туган көнен бәйрәм итәчәк. Бу хакта «Татар-информ»га лейбл командасы хәбәр итте.

РФ хезмәт һәм социаль яклау министры Антон Котяков «өлешчә мәшгульлек» төшенчәсен закон белән беркетергә тәкъдим итте. Аның фикеренчә, мондый адым яшь ата-аналарга яки туганнарын караучы кешеләргә өстәмә рәвештә акча эшләргә һәм шул ук вакытта социаль түләүләргә дәгъва кылырга мөмкинлек бирәчәк. Бу хакта ТАСС агентлыгы хәбәр итә.

ТР Рәисе матбугат хезмәте

Бүген Татарстан Рәисе Рөстәм Миңнеханов Росгвардия башлыгы Виктор Золотовка ТАССРның 100 еллыгы медален тапшырды. Очрашу ТР Хөкүмәте йортында узды.

Республика җитәкчесенең матбугат хезмәте билгеләп үткәнчә, медаль җәмәгать иминлеген тәэмин итү, законлылык һәм хокук тәртибен ныгытудагы хезмәтләр өчен тапшырылган.

Татарстан Рәисе һәм РФ милли гвардия гаскәрләре Федераль хезмәте директоры – Россия милли гвардия гаскәрләре башкомандующие шулай ук... Читать дальше...

Россиядә сырлы көпшәле корал өчен патроннар, шулай ук билгеле бер калибрдагы утлы корал өчен гильзаларны илдән чыгару вакытлыча тыелды. Бу хакта Министрлар Кабинетының матбугат хезмәте хәбәр итә.