Новости за 27.07.2021

(Казан, 27 июль, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 49 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, алты кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «18 кеше хастаханәгә озатылган, 31 кеше өендә дәвалана», - диелә ведомство хәбәрендә. Казанда — 30, Чаллыда — сигез, Тукай районында — җиде, Бөгелмә районында – ике, Актаныш һәм Баулы районнарында берәр очрак ачыкланган. Читать дальше...

(Казан, 27 июль, «Татар-информ»). Дәүләт Думасына балалар пособиесен нәни гражданнар өчен каралмаган товарлар, эшләр һәм хезмәтләргә, аерым алганда, тәмәке һәм исерткеч эчемлекләргә сарыф итүне тыя торган закон проекты тапшырылган. Бу хакта «Интерфакс» агентлыгы хәбәр итә. Документ нигезендә, балалар пособиесе өчен ата-аналар яки опекуннарның «Мир» картасына беркетелгән «социаль электрон счет» булдырырга тәкъдим ителә. Дәүләт, финанс булмаган процессинг үзәге мәгълүмати системасын кулланып, әлеге... Читать дальше...

(Казан, 27 июль, «Татар-информ», Гөлнар Гарифуллина). Татарстанда капиталь төзекләндерүдән соң алты хастаханә ачылачак. Татарстанның төзелеш, архитектура һәм торак-коммуналь хуҗалык министры урынбасары Илдус Насыйров «Татар-информ» агентлыгында матбугат конференциясендә 15 объектта эш баруын әйтте. Барлык объектларда төзелеш-монтаж эшләре яртысыннан артыграк күләмдә башкарылган. «Азнакай, Буа, Түбән Кама, Мөслим, Лениногорск үзәк район хастаханәләрендә, Түбән Каманың Менделеев урамындагы балалар хастаханәсендә ремонт эшләре төгәлләнеп килә»... Читать дальше...

(Казан, 27 июль, «Татар-информ», Гөлнар Гарифуллина). «Казан Экспо» үзәгендә узачак KazanSummit-2021 күргәзмәсенә шәһәр халкы да килә алачак. ТР Инвестицион үсеш агентлыгы җитәкчесе Талия Миңнуллина Министрлар Кабинетында брифингта 5 мең квадрат метр мәйданда күргәзмәдә 89 экспонент катнашырга теләк белдергәнен әйтте. «Татарстан гына түгел, башка төбәкләр, Казахстан, Азәрбайҗан, Төркия стендлары да булачак. Хәләл товарлар сатып алып булачак. Казан шәһәре халкын һәм кунакларын күргәзмәдә катнашырга чакырабыз», — дип белдерде Талия Миңнуллина. Читать дальше...

(Казан, 27 июль, «Татар-информ», Полина Шевчук). Кичә Нурлат районының Чуаш Мәнҗесе авылында бер йортның ишегалдындагы коеда 35 яшьлек хатын-кызның мәете табылган. Тикшерүчеләр аның тәнендә киселгән урыннар һәм буган эзләргә юлыккан. Шул ук көнне Нурлатта тимер юл рельсында аның 57 яшьлек ирен табып алганнар. Ул үз-үзенә кул салган дип фаразлана. Тикшерүчеләр әйтүенчә, ир белән хатын арасында низаг купкан. Ир-ат, хатыныннан көнләшеп, аны үтергән һәм мәетен коега ташлаган. Шуннан соң Нурлатка киткән һәм үз-үзенә кул салган. Читать дальше...

(Казан, 27 июль, «Татар-информ», Гөлнар Гарифуллина). KazanSummit-2021дә чит илләрдән иң зур делегация Төркиядән булачак. Аңа 50 ләп кеше керәчәк. ТР Инвестицион үсеш агентлыгы җитәкчесе Талия Миңнуллина Министрлар Кабинетында брифингта Төркиянең Татарстанның төп инвестицион партнерларының берсе булуын искәртте. «Инвестицияләрнең күпчелеге Төркиядән килә. Төрек инвесторлары Татарстан икътисадына 2 млрд доллардан артык инвестиция керткән. Төрекләр моңарчы „Алабуга“ икътисади зонасына гына килә иде... Читать дальше...

(Казан, 27 июль, «Татар-информ»). Мөфти Равил Гайнетдин журналистика ветераны, «Ярдәм» фонды хезмәткәре Әлмирә Әдиятуллина вафат булу сәбәпле кайгы уртаклашу белдерде. Бу хакта Россия Мөфтиләр шурасы матбугат хезмәте хәбәр итә. «Россия Федерациясе мөселманнары Диния нәзарәте һәм шәхсән үз исемемнән ветеран журналист, җәмәгать эшлеклесе, фидакарь зат — Әлмира Лотфулла кызы Әдиятуллинаның вафаты сәбәпле, аның туганнарының, каләмдәшләренең һәм бар өммәтебезнең кайгысын уртаклашам», — диелгән кайгынамәдә. Читать дальше...

(Казан, 27 июль, «Татар-информ», Зилә Мөбәрәкшина). «Яңа кешеләр» («Новые люди») партиясеннән алты кандидат Татарстан Үзәк сайлау комиссиясенә документларын тапшырган. Аларның кандидатураларын партия съездында раслаган булганнар. 17-19 сентябрьдә узачак Дума сайлауларында катнашу өчен «Яңа кешеләр» партиясе 239 кандидат тәкъдим иткән. Алар арасында Татарстанда яшәүче алты кеше бар. Алар үзләрен тәкъдим итү өчен документлар әзерләгән һәм аларны Үзәк сайлау комиссиясенә теркәү өчен тапшырганнар. Косметика... Читать дальше...

(Казан, 27 июль, «Татар-информ», Зилә Мөбәрәкшина). Ветеран журналист, «Ярдәм» фонды хезмәткәре Әлмирә Әдиятуллина белән бүген Самосырово мөселман зиратында хушлашачаклар. «Җеназа намазы 14:30да Мамадыш трактында урнашкан Самосырово зиратында булачак», — дип хәбәр итте «Татар-информ» хәбәрчесенә «Ярдәм» фонды матбугат хезмәткәре. Искәртеп үтик, Әлмирә Әдиятуллина бүген Казанда вафат булды .

(Казан, 27 июль, «Татар-информ»). Казанда Бәйсез Дәүләтләр Бердәмлеге илләренең I Уеннарына әзерлек төгәлләнеп килә. Әлеге ярышлар спорт бәйрәме булып кына калмаячак, ә анда катнашучы халыкларның дуслык символына да әвереләчәк, дип искәртте ТР Президенты Рөстәм Миңнеханов республика оештыру комитеты киңәшмәсендә. «Бу – спорт бәйрәме генә түгел, ә уртак тарих, мәдәни һәм рухи кыйммәтләр белән бәйләнгән халыкларның дуслык символы да», - дип белдерде ТР Президенты. Аның сүзләренчә, мондый дәрәҗәдәге... Читать дальше...

(Казан, 27 июль, «Татар-информ»). Татарстан Республикасы мөфтие Камил хәзрәт Сәмигуллин күренекле җәмәгать эшлеклесе Әлмирә ханым Әдиятуллинаның вафат булуы уңаеннан кайгы уртаклашу сүзләрен җиткерде. Бу хакта ТР Диния нәзарәте матбугат хезмәте хәбәр итә. «Татар милләте һәм Россия өммәте олы югалту кичерә: безнең арадан бүген халкыбызның горурлыгы һәм йөз аклыгы, күренекле шәхес, танылган җәмәгать эшлеклесе, „Мөслимә“ оешмасы җитәкчесе, илебез мөселманнарының хокукларын яклаган һәм милли яңарышның... Читать дальше...

(Казан, 27 июль, «Татар-информ»). Хокук саклау органнарына Finiko финанс оешмасы вкладчыларыннан йөздән артык гариза килгән. ТР буенча Эчке эшләр министрлыгының икътисади куркынычсызлык һәм коррупциягә каршы тору идарәсе башлыгы Руслан Дәүләтьяров «Татар-информ» агентлыгына шулай дип белдерде. «Акчаның күләме – төрле, кемдер – 100-500 мең, кемдер бер миллион сум салган. Хәтта 8 миллион сум салучылар да бар. Бүген Россия буенча гаризаларның саны меңнән артып китә», - дип искәртте спикер. Дәүләтьяров чынлыкта вкладчыларның күбрәк булуын әйтте. Читать дальше...

(Казан, 27 июль, «Татар-информ»). Халык шагыйре, Габдулла Тукай исемендәге Дәүләт премиясе лауреаты Гамил Афзалның тормыш иптәше Нәфисә Гани кызы Афзалова вафат. Бу хакта Татарстан Язучылар берлегенең Әлмәт бүлеге рәисе Рәфкать әфәнде Шаһиев җиткерде, дип яза ТР Язучылар берлеге матбугат хезмәте. "Нәфисә ханым озак еллар Татарстан Язучылар берлегенең Әлмәт бүлегендә сәркатип булып эшләде. Исемнәре татар дөньясына танылган язучыларның бик күп әсәрләре аның кулы гына түгел, җаны аша узып укучыга барып иреште", диелә хәбәрдә. Читать дальше...

(Казан, 27 июль, «Татар-информ»). «Созвездие-Йолдызлык» эстрада сәнгате фестивале лауреатларының Кырымда традицион концерты узган. «Кырым Республикасының Саки шәһәрендә урнашкан „Зәңгәр дулкын“ шифаханәсенең балалар сәламәтләндерү лагеренда „Созвездие-Йолдызлык“ эстрада сәнгате фестиваленең җәйге иҗади сменасы уза. Шул уңайдан лагерьда фестивальнең төрле еллардагы лауреатлары катнашында концерт күрсәтелде», — дип хәбәр итә фестивальнең матбугат үзәге. Әмма быел дөньядагы катлаулы санитар-эпидемиологик... Читать дальше...

(Казан, 27 июль, «Татар-информ»). Әлмирә Әдиятуллина мөселман журналистикасының легендасы, Татарстан яшьләренең йөзен үзгәрткән кеше иде. «Татмедиа» АҖ генераль директоры Шамил Садыйков мәрхүмәнең якыннары һәм туганнарына юллаган кайгы уртаклашу телеграммасында шулай диелә. «Әлмирә Әдиятуллина - мөселман журналистикасының легендасы. Ул үзенең актив эшчәнлеге белән бүгенге Татарстанның һәм Россиядәге мөселман өммәтенең йөзен үзгәртте. 80нче еллар ахыры – 90нчы еллар башында ул татар халкының милли күтәрелеше хәрәкәтендә актив катнашты. Читать дальше...

(Казан, 27 июль, «Татар-информ»). Британия тикшеренүчеләре коронавирус инфекциясеннән үлү куркынычы югары булган кешеләрнең тагын бер төркемен ачыклаган. Бу хакта Daily Mail газетасы яза. Вакцинациядән баш тарткан, 40 яшьлек һәм аннан өлкәнрәк пациентлар еш кына вирус корбанына әверелә. Аларның кайберләре сау-сәламәт булган һәм инфекцияне көчәйтә торган авырулардан да интекмәгән, дип искәртә РИА Новости агентлыгы. Моннан тыш, табиблар коронавируска каршы прививка ясаткан кешеләр арасында үлем-китем очракларын өйрәнгән. Читать дальше...

(Казан, 27 июль, «Татар-информ», Эвелина Киселева). Узган елда Татарстанда яңа коронавирус инфекциясе белән авыручы пациентларны медицина кислороды белән тәэмин итү өчен 15 мең метр көпшә әзерләнгән. ТР сәламәтлек саклау министры урынбасары Илдар Фатихов «Татар-информ» агентлыгында узган матбугат конференциясендә шулай дип белдерде. «2020 елда коронавирус инфекциясе таралу куркынычын киметү, республикада барлык йогышлы авырулар госпитальләрен модернизацияләү максатыннан госпитальләрне медицина... Читать дальше...

(Казан, 27 июль, «Татар-информ»). Сишәмбе иртәсенә дөньяда коронавирус инфекциясе йоктыручылар саны 194 721 008 кешегә җитте, дип хәбәр итте Американың Джонс Хопкинс университеты. «Интерфакс» агентлыгы язуынча, вирус тарала башлаганнан бирле ковид белән бәйле авырулардан 4 167 618 кеше вафат булган. Коронавирус инфекциясе йоктыручылар саны 15 миллионнан артып киткән илләр арасына АКШ, Һиндстан һәм Бразилия керә.

(Казан, 27 июль, «Татар-информ»). Бары тик мәҗбүри вакцинация генә коронавирус инфекциясеннән күмәк иммунитетка ирешергә мөмкинлек бирәчәк. Кешеләр – шул ук хайваннар алар, «көтү законы» буенча аларның 60 проценттан артыгы прививка ясатырга тиеш, дип белдерде Татарстан Дәүләт Советы депутаты Илшат Әминов. Бу хакта РИА Новости агентлыгы хәбәр итә. «Бу фикерем өчен мине тәнкыйть утына тотачаклар. Безнең мәҗбүри вакцинациядән башка бүтән юлыбыз юк... Мин биредә доктор Мясников белән (ул «кешеләр ... Читать дальше...

(Казан, 27 июль, «Татар-информ»). Быелгы җәйдә Татарстанда эш бирүчеләр төзелеш, автомобиль бизнесы һәм файдалы казылмалар табу сәнәгатендә мәшгуль кешеләргә югары хезмәт хакы тәкъдим итә. HeadHunter сервисының тикшеренүләр хезмәте шул хакта хәбәр итә. Җәй башыннан республикада тәкъдим ителә торган уртача хезмәт хакы күләме 42 мең сум (Россиядә ул 48,9 мең сумга тигез) тәшкил итә. Эш бирүчеләр «Төзелеш, күчемсез милек» (48,8 мең сум), автомобиль бизнесы (48,6 мең сум) һәм «Чимал чыгару» (46,3... Читать дальше...

(Казан, 27 июль, «Татар-информ»). Киләчәктә Россиядә яшәүчеләрнең газлаштыруга тоткан чыгымнарын (бу социаль газлаштыру программасы гамәлгә ашырыла башланганчы эшләнгән очракта) компенсацияләргә рөхсәт итәргә мөмкиннәр. Бу хакта «Бердәм Россия» партиясенең матбугат хезмәте үзенең Telegram-каналында хәбәр итә. РФ Президенты Владимир Путин программаны гамәлгә ашыра башлау турында күрсәтмә биргәннән соң, әмма тиешле карар кабул ителгәнче эшкә керешкән россиялеләрнең шундый мөмкинлеге барлыкка киләчәк. Читать дальше...

(Казан, 27 июль, «Татар-информ», Зилә Мөбәрәкшина). Бүген 83 яшендә журналистика ветераны, «Ярдәм» фонды хезмәткәре Әлмирә Әдиятуллина вафат булган. Бу хакта «Татар-информ» хәбәрчесенә «Ярдәм» фондының матбугат хезмәткәре хәбәр итте. «Әлмирә Әдиатуллина бүген Казанда вафат булды. Татарстан журналистикасы легендасы иде. Ул тормышын дистәләгән еллар татар журналистикасына багышлады, Татарстанның һәм Россиянең мөселман өммәтенә үзгәреш кертте. Ул чын мәгънәсендә татар халкының горурлыгы иде. Соңгы ике елда Әлмирә апа урын өстендә иде»... Читать дальше...

(Казан, 27 июль, «Татар-информ», Гөлнар Гарифуллина). Республикадагы 1971 алданган өлешченең 80 проценты быел өченче квартал азагына фатир алачак. Татарстанда өлешләп төзелештә катнашучыларга ярдәм фондының башкаручы директоры Иван Новиков «Татар-информ» агентлыгында матбугат конференциясендә «икенче дулкын»ның проблемалы объектлары файдалануга тапшырылачагын әйтте. Казанда алданган өлешчеләр өчен 7 йорт төзелешенә быел 9 млрд сум акча бүлеп бирелгән, шуның өчтән бере республика бюджетыннан күчерелгән. Читать дальше...

(Казан, 27 июль, «Татар-информ»). ТР Экология министрлыгының Үзәк территориаль идарәсе инспекторлары ТР буенча Эчке эшләр министрлыгының ЮХИДИ хезмәткәрләре белән берлектә транспорт чараларын зарарлы нормаларны арттырып эксплуатацияләү очракларын ачыклау буенча рейд үткәрде. М7 федераль трассасында «Малиновка» ЮХИДИ посты белгечләре тарафыннан 220 автомобиль тикшерелде, аларның 5се таләпләргә туры килми иде, дип хәбәр итә республиканың Экология министрлыгы. Нормативларны үтәмәүче машина йөртүчеләргә... Читать дальше...

(Казан, 27 июль, «Татар-информ»). Татарстан мөфтие Камил хәзрәт Сәмигуллин Нәзарәттә «Продукцияне маркировкалау һәм мониторинг буенча экспертиза үзәге» ҖЧҖ директоры Александр Иванович Даган һәм эшмәкәр Рамил Миңнеханов белән очрашты. Очрашуда шулай ук Нәзарәтнең «Хәләл» стандарты комитеты рәисе Габбас хәзрәт Кадыйров катнашты, дип хәбәр итә нәзарәтнең матбугат хезмәте. Җитәкчеләр якынлашып килүче XII «Россия — Ислам дөньясы: KazanSummit-2021» халыкара икътисад саммитының программасы буенча фикер алыштылар. Читать дальше...