Новости за 18.02.2021

(Казан, 18 февраль, «Татар-информ», Полина Шевчук). Ир-ат Казанда автобус һәм җиңел машиналар бәрелешендә зыян күргән. Авария бүген 10.40 сәгатьтә Әмәт магистрале белән Даурия урамы киселешендә булды, дип хәбәр иттеләр «Татар-информ»га шәһәр автоинспекциясендә. Биредә 12 нче модель «Лада» машинасы һәм автобус бәрелешкән. Бәрелүдән җиңел машина юлга аркылы баскан,шунлыктан хәрәкәт туктатылган. Юл-транспорт һәлакәтендә автомобиль йөрткән 35 яшьлек ир-ат зыян күргән. Башы авыртуга зарланган ир-атны хастаханәгә илткәннәр. Читать дальше...

(Казан, 18 февраль, «Татар-информ», Гөлнар Гарифуллина). Татарстанның Дәүләт Советы депутатлары берничә көн дәвамында тавыш бирү мөмкинлеген хуплады. Бүген Татарстанның «Сайлау кодексына һәм республиканың аерым закон актларына үзгәрешләр кертү турында» ТР закон проекты икенче укылышта каралды. 87 төзәтмәнең 81 е кире кагылды. ТР Сайлау кодексына үзгәрешләр кертү турында закон проекты беренче укылышта 2020 елның 26 ноябрендә кабул ителгән иде. Дәүләт корылышы һәм җирле үзидарә комитеты рәисе Альберт Хәбибуллин һәр төзәтмәгә аерым тукталды. Читать дальше...

(Казан, 18 февраль, «Татар-информ», Алинә Айдарова). Татарстанда «Казанда төрек базары» Халыкара төрки эстрада фестивален үткәрү нияте бар. «Күптәннән төрки эстрада фестивален үткәрү хыялым бар иде. Бер 3-4 ел хокүмәт белән рәсми сөйләшүләр алып бардык. Быел, гыйнвар аенда, премьер-министр Алексей Песошинның махсус карары белән әлеге проект республика планына керде», — диде Рәшит Ваһапов фонды җитәкчесе Рифат Фәттахов. Фонд җитәкчесе сүзләренчә, «Казанда төрек базары» исеме әлегә вакытлыча. «Бу исем русча матур... Читать дальше...

(Казан, 18 февраль, «Татар-информ»).Уфада 80 яшендә Башкортстанның атказанган артисты Рива Исхакова вафат булган. «Башинформ» хәбәр итүенчә, аның танылган рольләре арасында Әнгам Атнабаевның «Балаларым минем» спектаклендә - Фәния, М. Бурангуловның «Башкорт туе» спектаклендә - Казнабикә һәм башка күп рольләр бар. Тамашачыларга аның күренекле режиссер Әнвәр Нурмөхәммәтовның «Ай кызы» телесериалында җитди драматик Әби роле бик ошады. Артист җәмәгать эшендә актив катнаша иде, диелгән хәбәрдә. «Башинформ»... Читать дальше...

(Казан, 18 февраль, «Татар-информ», Рифат Каюмов). Татарстанда 2020 елда азык-төлек җитештерү, алдагы ел белән чагыштырганда 14,1 процентка арткан. Җитештерүнең үсүе республика продукциясенең чит илләргә чыгуын арттырган. «2020 ел авыл хуҗалыгы продукциясен җитештерүче өчен уңышлы булды. Азык-төлек җитештерү алдагы елга караганда 14,1 процентка үсте. Бәя мәсьәләсендә дә җитештерүче өчен ел яхшы булды», — диде ТР авыл хуҗалыгы һәм азык-төлек министрының беренче урынбасары Наил Залаков. Татарстан Хөкүмәт йортында узган брифингта хәбәр ителгәнчә... Читать дальше...

(Казан, 18 февраль, «Татар-информ», Алинә Айдарова). «Яңа татар җыры» бәйгесендә 28 номинантка барлыгы 2 миллион 300 мең сум премия биреләчәк. «2 миллион 300 мең күләмендә премия тапшырылачак. Беренче план буенча бары тик 14 җырны бүләкләү каралган булган. «Әмма жюри фикеренчә, лауреат булуга лаеклы җырлар тагы бар иде. Алар [өстәмә урыннар булдыруга — ТИ] мөмкинлек табуыбызны сорады. Нәтиҗәдә, өстәп 14 җырны бүләкләячәкбез», — диде Рәшит Ваһапов фонды директоры Рифат Фәттахов. Рәшит Ваһапов фонды җитәкчесе сүзләренчә... Читать дальше...

(Казан, 18 февраль, «Татар-информ»). Татарстанда яшәүче 81 яшьлек ир-ат янгын хәбәр итү җайланмасы тавышы аркасында уттан коткарылды. 18 гыйнварда көндез 101нче янгын сагы чакыру номерына Әгерҗе районының Салагыш авылында Ленин урамында бүрәнәдән салынган шәхси йорт януы турында хәбәр килгән. Янгынның гомуми мәйданы 42 квадрат метр тәшкил итте, дип хәбәр иттеләр «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә. Янгын хәбәрчесе сигналы ярдәмендә... Читать дальше...

(Казан, 18 февраль, «Татар-информ», Гадел Әхмәтҗанов). Соңгы елларда Татарстанда яшьләр тарих белән күбрәк кызыксына башлады, ди Татарстан Фәннәр академиясенең Шиһабетдин Мәрҗани исемендәге Тарих институты директоры Радик Салихов. «Бездә туган төбәкне өйрәнү хәрәкәте нык үсеш алды. Бу эштә өлкәннәрнең генә түгел, яшьләрнең дә өлеше бар. Күп кенә авыл, район, шәһәрләрдә музейлар эшләп килә. Балалар музей каршындагы тарих түгәрәкләренә йөри, туган яклары, гаиләләре, нәселе турында мәгълүмат туплый. Читать дальше...

(Казан, 18 февраль, «Татар-информ», Гөлүзә Ибраһимова). «Татмедиа» акционерлык җәмгыяте «Язылган өчен кар чистарту машинасы, гаджет, кухня техникасы» акциясендә катнашучыларына бүләкләрне тапшырды. Төп бүләк — кар чистарту машинасын Татарстанның Саба районыннан Кәримулла Гатауллин алып китте. Акциядә 2021 елның беренче яртыеллыгында «Татмедиа» тарафыннан нәшер ителә торган газета һәм журналга язылган һәркем катнаша алды. Бүләкләр уйнатуда Татарстанның барлык районыннан, Башкортстаннан, Нижгар өлкәсеннән барысы 773 абунәче катнашкан. Читать дальше...

(Казан, 18 февраль, «Татар-информ», Полина Шевчук). Баулы янындагы авариядә зыян күргән 18 яшьлек егетнең хастаханәдә гомере өзелгән. ТР Сәламәтлек саклау министрлыгының матбугат хезмәтеннән «Татар-информ» агентлыгына хәбәр итүләренчә, авариядә зыян күргән тагын бер кешене Әлмәттәге бер хастаханәгә озатканнар. «Татар-информ» агентлыгы узган шимбәдә, 14 февральдә, Баулы янында берничә кешенең үлеменә китергән юл һәлакәте булуы хакында хәбәр иткән иде. Биредә йөк автомобиле «Хендэ» машинасы белән кара-каршы бәрелешкән. Читать дальше...

(Казан, 18 февраль, «Татар-информ», Гөлнар Гарифуллина). Татарстан Дәүләт Советы Рәисе Фәрит Мөхәммәтшин фикеренчә, митинглар турында законга үзгәрешләр кертү акцияне уңышлы уздыру җаваплылыгын арттыра. Бүген парламентның унтугызычы утырышында «Татарстан Республикасында гражданрарның җыелышлар, мтинглар, демонстрацияләр, урам йөрешләре һәм пикетлар уздыруга хокукларын гамәлгә ашыру шартларын тәэмин итү турында» Татарстан Республикасы законының 3 статьясына үзгәреш кертү хакында» ТР закон проекты каралды. Читать дальше...

(Казан, 18 февраль, «Татар-информ», Арсений Кәримов). «Татмедиа» акционерлык җәмгыятендә «Кышкы чорда газета-журналларга язылган өчен кар көри торган машина, гаджет яки кухня техникасы» бәйгесендә җиңүчеләргә бүләкләр тапшырдылар. Төп бүләк – кар көри торган машинага Татарстанның Саба районыннан Кәримулла Гатауллин лаек булды. «Без үткән атнада бүләкләр уйнаттык һәм аларны тиз арада тапшырырга ниятләдек. Өстәвенә, бүгенге көндә кар көри торган машина аеруча актуаль — быел кар күп. Шунлыктан бүләк тапшыруны озакка сузмаска булдык»... Читать дальше...

(Казан, 18 февраль, «Татар-информ», Рузилә Мөхәммәтова). «Татар сүзе» республика бәйгесе финалына өч профессионал артист чыккан. Финалистлар исемлеге филармония сайтында урын алган. «Татар сүзе» конкурсына профессионаллардан кырыклап гариза кергән. «Аларның өчесе генә финалга чыкты. Уйлап карагыз — комиссиянең эше нинди авыр», диде жюри рәисе, Татар дәүләт филармониясенең сәнгать җитәкчесе Айдар Фәйзрахманов. Финалга Әлмәт театры артисты Мәдинә Гайнуллина, «ГТРК» телеканалы журналисты Идел Кыямов... Читать дальше...

(Казан, 18 февраль, «Татар-информ», Гөлнар Гарифуллина). Бүген парламент утырышында «Татарстан Республикасында органик продукция җитештерүне үстерү турында» ТР закон проекты беренче укылышта кабул ителде. «Республикада һәм тулаем илдә шушы эшкә тотыныр вакыт җитте», — диде Дәүләт Советы Рәисе Фәрит Мөхәммәтшин Закон проекты буенча, Татарстан Республикасында органик продукция җитештерү өлкәсендә дәүләт сәясәтенең төп юнәлешләре һәм дәүләт хакимияте органнарының вәкаләтләре билгеләнгән. «Халык сәламәтлегенә... Читать дальше...

(Казан, 18 февраль, «Татар-информ», Алинә Айдарова). Рәшит Ваһапов исемендәге фонд тарафыннан үткәрелүче «Яңа татар җыры» бәйгесенә Чехия, Италия, Швеция илләреннән дә гаризалар килгән. «Бәйгедә Чехия, Италия, Швеция илләреннән катнашучылар бар. Швеция авторы Казанга килә алмаячак. Ул үзенең сәламен видео аша җибәрәчәк», — диде Рәшит Ваһапов исемендәге фонд директоры Рифат Фәттахов «Яңа татар җыры» бәйгесенә багышланган матбугат конференциясендә. Журналистлар белән очрашуда Италиядән катнашучы Рафис Хөснетдинов та катнашты. Читать дальше...

(Казан, 18 февраль, «Татар-информ», Гөлнар Гарифуллина). ТР буенча эчке эшләр министры Артем Хохорин әйтүенчә, Татарстанда дистанцион караклык проблемасы кискен тора. «Дистанцион караклык һаман арта бара. Узган ел нәтиҗәләре буенча, алар барлык җинаятьләрнең чирек өлешен тәшкил итә», — диде министр Дәүләт Советының унтугызынчы утырышында. Артем Хохорин дистанцион караклык, мошенниклык республикада гына түгел, илдә дә актуаль темага әйләнүен билгеләп узды. 100 мең кешегә дистанцион караклык саны буенча Татарстан Идел буе округында беренче... Читать дальше...

(Казан, 18 февраль, «Татар-информ»). Уфада Башкортстанның халык артисты, Башкорт дәүләт опера һәм балет театрының элеккеге солисты, танылган педагог Флүрә Ногманова озакка сузылган авырудан соң үзенең туган көнендә вафат булган. Бу хакта « Башинформ » агентлыгы хәбәр итә. Бүген иртән генә «Башинформ» агентлыгында аңа 85 яшь тулу уңаеннан юбилей материалы дөнья күргән булган. «Моннан берничә көн элек Zoom буенча интервью оештырылганда, язма басмага әзерләнгән чагында аның соңгысы булачагын беркем дә белмәгәндер. Читать дальше...

(Казан, 18 февраль, «Татар-информ», Рузилә Мөхәммәтова). «Татар сүзе» республика бәйгесенә катнашучылардан 3955 видеоязма килгән, шулар арасыннан 31 кеше финалга чыккан. «Бу гаризаларның һәрберсе безнең жюри әгъзалары тарафыннан җентекләп өйрәнелде», дип ышандырды конкурсның жюри рәисе, профессор, Тукай исемендәге Татар дәүләт филармониясенең сәнгать җитәкчесе Айдар Фәйзрахманов. «Бер катнашучының да әсәре безнең игътибардан читтә калмады. Һәрберсен күзебез аша үткәреп без лаеклыларны II турга чыгардык. Читать дальше...

(Казан, 18 февраль, «Татар-информ», Алинә Айдарова). Рәшит Ваһапов исемендәге фонд тарафыннан гамәлгә куелган «Яңа татар җыры» бәйгесендә катнашырга 347 кеше теләк белдергән. Шулар арасыннан йөздән артык гариза Башкортстаннан килгән. «Бәйгенең нәтиҗәләре, без көткәнгә караганда, әйбәтрәк булды. Без якынча 100 хезмәт килер, дип уйлаган идек. Әмма нәтиҗәдә безгә 347 гариза килде. Шушы 347 җырның йөздән артыгы Башкортстан килде. Җиңүчеләр арасында да Башкортстан вәкилләре шактый», — диде Рәшит Ваһапов исемендәге фонд директоры Рифат Фәттахов. Читать дальше...

(Казан, 18 февраль, «Татар-информ», Гөлнар Гарифуллина). ТР буенча эчке эшләр министры Артем Хохорин әйтүенчә, «Финико» да финанс пирамидасының барлык билгеләре бар. Дәүләт Советының унтугызынчы утырышында финанс пирамидаларына кагылышлы сорауны депутат Камил Ногаев бирде. «Кызганыч, яңа пирамидалар чыгып тора. Бездә 30 лап яңа материал бар, алар буенча шактый җитди зыян китерелгән. Күбесенчә Интернет өлкәсенә керәләр, криптовалютаны актив кулланучылар бар. „Финико“ да пирамиданың барлык билгеләре бар... Читать дальше...

(Казан, 18 февраль, «Татар-информ»). 1 марттан республиканың шәһәрләре һәм районнары буенча танылган артистлар Артур Исламов һәм Эльза Заяриның зур гастроль туры башлана. Иҗади тандем тамашачыларга үзенең яңартылган «Бер сулышта» программасын тәкъдим итә. Җырчылар тамашачыларга татарча әсәрләрне башкаруның бер җыр кысаларында жанрдан жанрга күчүне күзаллаган «кроссовер» стилен күрсәтәчәк, ди оештыручылар. Концертта тамашачылар тере музыка тыңлаячак. «Безнең программаның уникальлеге — берничә музыкаль стильнең бергә үрелеп баруында. Читать дальше...

(Казан, 18 февраль, «Татар-информ»). Казанда бер ир-ат өстенә түбәдән боз төшкәннән соң, прокуратура торак-коммуналь хезмәткәрләренә җәза бирүне таләп итә. ТР прокурорының өлкән ярдәмчесе Руслан Галиев «Татар-информ» агентлыгына шулай дип белдерде. Гаммәви мәгълүмат чараларында Казанның Мәүлетов урамында бер ир-атның өстенә түбәдән боз төшүе хакында язып чыкканнар иде. Күзәтү ведомствосы ачыклаганча, гадәттән тыш хәл 24 гыйнварда Мәүлетов урамындагы 9нчы йорт янында булган. Нәтиҗәдә, ир-атның борыны җәрәхәтләнгән. Читать дальше...

(Казан, 18 февраль, «Татар-информ»). АГРОСИЛА функциональ продуктлар линейкасын үстерүне дәвам итә һәм «Пятерочка» сәүдә челтәренә Хәләл традицион стандартына караган май тәкъдим итәргә әзерләнә. Продукцияне холдинг структурасына кергән «Агросила-Молоко» ҖЧҖ эшләп чыгара. Ул Хәләл юнәлеше өчен мондый продукциянең башка төрле продукция белән кисешүенә юл куймый торган технологик схема булдырган. «Агросила» АҖ генераль директоры Светлана Барсукова Татарстан Республикасы товар җитештерүчеләре катнашында... Читать дальше...

(Казан, 18 февраль, «Татар-информ», Ксения Перепеченова). Нефть чыгара торган төбәкләр Россия Президенты Владимир Путинга «кара алтын»ның рентабельле булмаган запасларын табуда ярдәм күрсәтүгә бәйле мәсьәләләрне кузгаткан хат юллады. ТР Президентының матбугат хезмәте хәбәр иткәнчә, хатны Ханты-Манси автономияле округы башлыгы Наталья Комарова һәм Татарстан Президенты Рөстәм Миңнеханов имзалаган. Татарстанның мөрәҗәгате югары үзле нефтькә кагыла. «Бу – уртак хат, анда Ханты-Манси автономияле округының мөрәҗәгате күп өлешне алып тора. Читать дальше...

(Казан, 18 февраль, «Татар-информ», Гөлнар Гарифуллина). Татарстанның Эчке эшләр министрлыгы Казан мэриясенең номерсыз машиналарның хуҗаларын җаваплылыкка тарту турында инициативасын хуплады. «Тулаем алганда, без бу теманы аңлыйбыз һәм хуплыйбыз», — диде ТР буенча эчке эшләр министры Артем Хохорин Дәүләт Советының унтугызынчы утырышында. «Тукталышларда, парковкаларда номерсыз машиналар өчен административ җаваплылык каралмаган. Күптән түгел Казан башкарма комитеты мондый җаваплылыкны кертү турында закон проектын кертте. Читать дальше...