Новости за 15.02.2021

(Казан, 15 февраль, «Татар-информ», Зилә Мөбәрәкшина). Татарстан Язучылар берлеге 19 февраль 14:00 сәгатьтә Тукай клубында Халыкара туган тел көненә багышланган «И Туган тел!» дип аталган әдәби-музыкаль кичә була. «Халыкара туган тел көне — язучыларыбыз өчен мөһим чара. Әлеге кичәдә төрле телләрдә әлеге милләт вәкилләре туган телләренә багышланган шигырьләрен укыячак. 21 февраль — Халыкара туган тел көнендә Язучылар берлегенең Фейсбук, Вконтакте, Инстаграм битләрендә флешмоб үткәреләчәк», — диде... Читать дальше...

(Казан, 15 февраль, «Татар-информ», Марат Ишкильдин). Башкарма комитеты җитәкчесенең яңа урынбасары Гүзәл Сәгыйтовага Казан яшьләре һәм мәдәният өчен җан аткан кешеләр теләктәшлек күрсәтә. Казан мэры Илсур Метшин Башкарма комитетта узган эшлекле дүшәмбе киңәшмәсендә шулай дип белдерде. «Аңа бер мандатлы округта Казан шәһәр Думасына керергә тәкъдим ителгән иде. Анда ул Мәгариф, мәдәният, сәламәтлек саклау һәм социаль сәясәт комитетын җитәкләде. Аңа яшьләр дә, мәдәният өчен чын күңелдән җан аткан кешеләр дә теләктәшлек күрсәтә. Читать дальше...

(Казан, 15 февраль, «Татар-информ»). ЛДПР фракциясе депутатлары Дәүләт Думасына туучылар саны аз булган төбәкләрдә өченче һәм аннан соң дөньяга килгән балаларга ана капиталын түләүне күздә тоткан закон проекты тапшырды. Бу хакта РИА Новости агентлыгы әлеге инициатива авторларының берсе, Думаның хезмәт һәм социаль сәясәт комитеты башлыгы Ярослав Ниловка сылтама белән хәбәр итә. Акчаны 2022 елның 1 гыйнварыннан моңа кадәр ана капиталы хокукыннан файдаланмаган гаиләләргә түләргә тәкъдим ителә, диелә инициативаның аңлатма язуында. Читать дальше...

(Казан, 15 февраль, «Татар-информ»). Казанда ТР Арбитраж судының элеккеге рәисе Рәшит Сәлахов белән хушлашу мәрасиме башланды. Хушлашу чарасы Татарстан Арбитраж суды бинасында уза. «Рәшит Ислам улы – авыр язмышка ия кеше, аңа күпне кичерергә туры килгән. Шуңа да карамастан, ул югары профессионал, киң күңелле кеше булып калды, сүзе белән дә, гамәлләре белән дә ярдәмгә килергә әзер иде», - дип аның турында хис-кичерешләре белән уртаклашты ТР Арбитраж суды рәисе урынбасары Олег Логинов. Шунысын да искәртик... Читать дальше...

(Казан, 15 февраль, «Татар-информ», Гадел Әхмәтҗанов). Бүген каһарман-шагыйрь, Советлар Союзы Герое Муса Җәлилнең тууына 115 ел. Шул уңайдан «Татарстан» радиосы Җәлил атналыгын игълан итә. Атналык күренекле композитор Нәҗип Җиһановның Муса Җәлил либреттосына иҗат ителгән «Алтынчәч» операсы язмасы белән башлана. Бу — Муса Җәлил исемендәге Татар академия дәүләт опера һәм балет театрының алдынгы артистлары катнашында 1993 елда язылган тарихи язма. «Көндәлек эфирда „Алтынчәч“ операсының кайбер фрагментлары гына кулланылса... Читать дальше...

(Казан, 15 февраль, «Татар-информ», Лилия Гаделшина). Татарстанның Биектау районы Өбрә авылындагы Сәйдәш музеенда гасырлык тарихка ия фортепиано саклана. «Борынгы музыка уен коралын рәтләргә-көйләргә оста кирәк», — диде музей мөдире Гөлназ Гиниятова «Татар-информ» хәбәрчесенә. «Салих Сәйдәшев (1900-1954) заманында әлеге музыка уен коралы Казанның Татар дәүләт академия театрында торган. Композиторның дистәләгән татар спектакленә көйләр язганы билгеле. Аның еш кына шушы фортепианода уйнаганына шик юк», — ди музей мөдире. Читать дальше...

(Казан, 15 февраль, «Татар-информ»). Татарстан Республикасы Россиянең тормыш сыйфаты иң югары булган төбәкләре рейтингында дүртенче баскычта урнашты. РИА Новости агентлыгы үткәргән тикшеренүдә хәбәр ителгәнчә, рейтингтагы беренче өч урынны, моннан алдагы еллардагы кебек үк, Мәскәү, Санкт-Петербург һәм Мәскәү өлкәсе били. Тыва Республикасы, Байкал арты крае һәм Карачай-Черкас Республикасы - рейтингның иң соңгы баскычында. «Беренче унлыкка шулай ук Татарстан, Белгород өлкәсе, Краснодар крае, Ленинград өлкәсе... Читать дальше...

(Казан, 15 февраль, «Татар-информ»). Узган ял көннәрендә Татарстанда ике укучыны автомобиль бәрдергән. Алар җәрәхәт алган, дип хәбәр итәләр республика Дәүләт автоинспекциясендә. Бер очрак шимбә көнне, 13 февральдә, Казанда булган. «Шевроле» шоферы Батыршин урамындагы бер йортның ишегалдында куркынычсыз тизлек сайламыйча, 15 яшьлек кызны бәрдерә, шуннан соң ул имгәнә. Шундый ук очрак Чаллыда да булды. Якшәмбе, 14 февраль көнне, көндез Усманов урамы буенча хәрәкәт иткәндә җиңел машина йөртүче 10 яшьлек... Читать дальше...

(Казан, 15 февраль, «Татар-информ»). Агымдагы елның март ахырына кадәр 20 дәүләт хезмәте порталның яңа версиясенә күчәчәк, дип хәбәр итә «Татмедиа» Республика матбугат һәм массакүләм коммуникацияләр агентлыгы. Ел ахырына кадәр яңа платформада халыкка иң кирәкле 100 дән артык хезмәт күрсәтеләчәк, дип белдерде РФ Хөкүмәте Рәисе урынбасары Дмитрий Чернышенко. Яңа платформада сервисларның яңа формалары кертеләчәк. Әйтик, апрель аенда порталның яңа версиясе буенча ясалма интеллект технологияләрен кулланып эшләячәк тавышлы ярдәмче барлыкка киләчәк. Читать дальше...

(Чаллы, 15 февраль, «Татар-информ», « Шәһри Чаллы », Зөлфия Галим). Чаллы шәһәре мэры Наил Мәһдиев «Адымнар» — белемгә һәм килешүгә юл» республика прграммасы буенча төзелә торган полилингваль мәктәптә төзелеш эшләренең барышы белән танышты. Яңа белем бирү учреждениесе 59нчы гимназия булачак. Хәзерге вакытта төзүчеләр мәктәпнең өченче катын төзи. Тышкы диварларны өяләр, фасад җылытыла, тәрәзәләр куела, эчке электр челтәрләрен монтажлау дәвам итә. «Шәһәр һәм «КАМАЗ”ны төзегән кебек мәктәпләрне дә рекордлы срокларда төзибез. Читать дальше...

(Казан, 15 февраль, «Татар-информ»). Covid-19 коронавирусы белән җиңел формада авыручылар ныңSARS-CoV-2 Британиянең яңа штаммы белән зарарлану куркынычы югарырак. Бу хакта «Медицина лидеры» медицина үзәгенең баш табибы Евгений Тимаков белдерде, дип хәбәр итә РИА Новости. «Коронавирус инфекциясе мутацияләнә. Британия штаммы барыбер Россиягә киләчәк. Һәм <… > чирләмәгән кешеләр төркемендә Британиянең коронавирус штаммы белән авыру куркынычы югарырак булачак», — дип аңлатты табиб-инфекционист. Читать дальше...

(Казан, 15 февраль, «Татар-информ»). Дүшәмбе көнне Россия коронавирус пандемиясе аркасында өзелгән Азәрбайҗан һәм Әрмәнстан белән авиаэлемтәне яңадан башлап җибәрә. 15 февральдән Мәскәү-Баку (атнага ике рейс) һәм Мәскәү-Ереван (атнага дүрт рейс) рейслары башкарылачак, дип хәбәр итә.РИА Новости. Россия коронавирус пандемиясе аркасында 2020 елның 27 мартыннан башлап башка илләр белән даими һәм чартерлы авиаэлемтәне туктатты. Узган елның августыннан Россия акрынлап башка илләр белән авиаэлемтәне яңадан гамәлгә кертә башлады.

(Казан, 15 февраль, «Татар-информ»). Уфада Башкортстан Республикасының халык артисты, Фәйзи Гаскәров исемендәге Дәүләт халык биюе академия ансамбле оркестры ветеран-музыкантларының берсе вафат булды Җәүдәт Моратов вафат. «Башинформ» хәбәр итүенчә, мәрхүм белән хушлашу 15 февральдә, 12.30 сәгатьтә Уфаның Көньяк зиратында узачак. Җәүдәт Моратов 1970 елдан Ф.Гаскәров исемендәге халык бию ансамбле баянчы-концертмейстеры. 1989 елда — «ТАССРның атказанган артисты», 1995 елда — «Башкортстан Республикасының халык артисты» исеме бирелә. Читать дальше...

(Казан, 15 февраль, «Татар-информ»).  Алабуга районында Яңа Мурзиха авылында яшәүчеләр даруханә булмавыннан зарланды. Авылда яшәүчеләр шушы проблема белән район башлыгы Рөстәм Нуриевка мөрәҗәгать итте. Район башлыгы авыл җирлеге башлыгының хисап сессиясе алдыннан гражданнарны кабул итте. Галина Путина сүзләренчә, даруханәне ачу өчен лицензия бар, әмма касса аппараты һәм түләүне үткәрү өчен компьютер юк. Бу турыда «Новая Кама» газетасы хәбәр итә. «10-20 көн дәвамында ачарга кирәк. Пандемия вакытында даруханә мәсьәләсе бигрәк тә мөһим... Читать дальше...

(Казан, 15 февраль, «Татар-информ»). Бу көннәрдә Алексеевскида яшәүче сигез кеше «Ятим балаларны торак белән тәэмин итү» программасы буенча төзелгән яңа йортлардан фатир алды. Яңа фатир ачкычларын район башлыгы Сергей Демидов һәм Татарстан Дәүләт Советы Рәисе урынбасары Юрий Камалтынов тапшырды. Бу хакта «Заря» газетасы яза. Яңа фатир алучылар өчен ике дүрт бүлмәле йорт төзелде. Бүлмәләр яшәү өчен әзер. Яңа фатир алучылар бүген үк тәртип салырга һәм күченергә җыена. «Сезнең күбегез яшь гаиләләр.... Читать дальше...

(Казан, 15 февраль, «Татар-информ»). Тәтеш районының  Льяш авылында «Маяк» авыл хуҗалыгы предприятиесе 200 баш мөгезле эре терлеккә исәпләнгән сыер абзары һәм тагын ашлык склады төзүне, дым каплату өчен киң колачлы тырма сатып алуны планлаштыра. Шулай ук яңа ашлык җыю комбайнына да заказ биргән. Узган ел «Маяк»та 900 кв. метр мәйданлы ашлык склады төзелде, чәчү комплексы сатып алынды. Күптән түгел югары продуктлы 30 тана сатып алганнар. Бу хакта «Авангард» газетасы яза. Авыл хуҗалыгы предприятиесе... Читать дальше...

(Казан, 15 февраль, «Татар-информ»). Мамадышта 81 яшьлек кияү белән 65 яшьлек кәләш туй ясаганнар. Мәсләви Гаффаров һәм Мөнирә Нәбиуллина 2016 елда район мәдәният йортында концертта танышкан. Мәсләви белән Мөнирә концертта янәшә утырган. Мөнирәнең ирен җирләвен һәм улының гаиләсе белән яшәвен белгән. Алар телефоннар белән алмашкан һәм очрашудан соң һәр иртәдә шалтыратышканнар. Бу турыда «Нократ» газетасы хәбәр итә. Мәсләви хатыны үлгәч 19 ел үзе генә яшәгән. Беркөнне Мәсләви Мөнирәне өеннән чакырып чыгарган һәм тәкъдим ясаган. Читать дальше...

(Нурлат, 15 февраль, «Татар-информ», «Нурлат-информ» , Гүзәл Самерханова). Нурлат районы башлыгы Алмаз Әхмәтшин коммуналь хезмәтләр һәм идарәче компанияләр эшен кискен тәнкыйтләде. Нурлат районында махсус комиссия, карны һәм боз катламын чистарту буенча, ишегалды территорияләрен, юлларны һәм микрорайоннардагы тротуарларны тикшерде.