Новости за 28.03.2020

(Казан, 28 март, «Татар-информ»). Россия Пенсия фонды Бөек Ватан сугышы ветераннарына Җиңүнең 75 еллыгына түләүләрне дә кертеп, апрель ае өчен пенсия һәм пособиеләрне билгеләнгән вакыттан алданрак күчерде. Бу хакта Россия Пенсия фонды матбугат хезмәтенә сылтама белән ТАСС хәбәр итә.

(Казан, 28 март, «Татар-информ», Егор Никитин). Хәзерге вакытта коронавирус эпидемиясе белән бәйле вазгыятьтә кайбер мәгълүмати каналлар икътисади файда алу өчен кешеләр арасында коткыны махсус оештыра. Бу хакта Андрей Кузьмин белән әңгәмә вакытында Татарстан Республикасы Фәннәр академиясе каршындагы Перспективалы икътисади тикшеренүләр үзәге директоры, КФУның икътисад һәм стратегик үсеш мәсьәләләре буенча проректоры Марат Сафиуллин сөйләде.

(Казан, 28 март, «Татар-информ», Рәмис Латыйпов). Бүген Камал театры каршындагы мәйданда шагыйрь Роберт Миңнуллин белән хушлашу чарасында Татарстан Дәүләт Советы Рәисе Фәрит Мөхәммәтшин Татарстан Дәүләт Киңәшчесе Минтимер Шәймиевнең дүртьюллыгын укыды.

(Казан, 28 март, «Татар-информ», Рузилә Мөхәммәтова). Башкортстанның Илеш районы Шәммәт авылында Роберт Миңнуллинның музее булачак. Бу хакта Башкортстан Мәдәният министры урынбасары Рәмис Алтынбаев халык шагыйре белән хушлашу мәрасимендә әйтте. 

(Казан, 28 март, «Татар-информ»). Татарстанның халык шагыйре Роберт Миңнуллинга багышланган #робертминнуллингабагышлап хештегы белән урнаштырыла торган мөрәҗәгатьләр флешмобына Татарстанның һәм Башкортстанның халык артисты, Россиянең атказанган артисты Идрис Газиев кушылды.

(Казан, 28 март, «Татар-информ»). Татар әдәбиятын сөючеләр һәм артистлар халык шагыйре Роберт Миңнуллин истәлегенә оештырган флешмобка Россиянең һәм Татарстанның халык артисты Винера Ганиева кушылды. Алар #робертминнуллингабагышлап хештегы белән мөрәҗәгатьләр урнаштыра. 

(Казан, 28 март, «Татар-информ»). Татарстан Президенты Рөстәм Миңнеханов 20-27 августта Казанда узачак БДБ илләренең беренче уеннарының оештыру комитеты составына керде. Бу хакта Россия Хөкүмәте карарына сылтама белән ТАСС хәбәр итә.

(Казан, 28 март, «Татар-информ», Рузилә Мөхәммәова). Халык шагыйре Роберт Миңнуллин Тынычлык бистәсендәге зиратка җирләнәчәк. 

(Әлки, 28 март, «Татар-информ», «Әлки хәбәрләре»). Әлки районда белем бирүнең яңа ысулына актив әзерлек бара. Киләсе атнада уку елының яңа чиреге башлана. Әмма укучылар мәктәпкә килмәячәк. 1 апрельдән районның барлык мәктәпләре дистанцион укуга күчә. Бу илдәге санитар-эпидемиология вазгыяте, коронавирус инфекциясе таралуга юл куймау зарурлыгы белән бәйле. Бу турыда район басмасы хәбәр итә.

(Тәтеш, 28 март, «Татар-информ», «Тәтеш таңнары»). Бу көннәрдә «Әкият» балалар бакчасында «театр көне» узды.Ул көнне көлке, күңел ачу, уңай эмоцияләр, иҗади уй-фикерләр һәм шатлыклы очрашулар күп булды. Бу турыда район басмасы хәбәр итә.

(Мөслим, 28 март, «Татар-информ», «Авыл утлары», Әлфинур Ногманова). Бөтендөнья татар хатын-кызлары иҗтимагый оешмасының Мөслим районы бүлеге үз эшен активлаштыра, җанландыра бара. Алар Сабантуйга сөлге чигә башлаган. Бу турыда район басмасы хәбәр итә.

(Лаеш, 28 март, «Татар-информ», «Кама ягы», Надежда Ихсанова). Яшел Үзән районының Васильево бистәсендә 2006-2007 елгы егетләр һәм кызлар арасында самбо буенча Татарстан Республикасы беренчелеге узды. Лаеш районы балалар һәм үсмерләр спорт мәктәбендә тәрбияләнүчеләр призлы урыннар алды. Бу турыда район басмасы хәбәр итә.

(Арча, 28 март, «Татар-информ», «Арча-информ», Гөлсинә Зәкиева). Арча районының Иске Чуриле авылында ике

(Әлки, 28 март, «Татар-информ», «Әлки хәбәрләре»). Бу язда Әлки районы үзәгендә ике яңа аллея барлыкка киләчәк. Район урман хуҗалыгы эшчеләре ТАССР төзелүнең 100 еллыгына һәм Бөек Җиңүнең 75 еллыгына багышланган аллеялар утыртырга җыена.