Новости за 27.03.2020

(Казан, 27 март, «Татар-информ»). Мөселманнар карантин вакытын файдалы итеп уздырсын өчен, Татарстан мөселманнары Диния нәзарәтендә башланып киткән «ОНЛАЙН МӘДРӘСӘ @MUSLIMMOL» проекты кысаларында «Шәригать һәм аның өстенлекләре» темасына онлайн-лекция узды. Бу хакта ТР мөселманнары Диния нәзарәте матбугат хезмәте хәбәр итә.

(Казан, 27 март, «Татар-информ»). Казанда кичә, 26 мартта, температура 2008 елда теркәлгән рекордны узып китте. Бу хакта ТР Гидрометеорология үзәге хәбәр итә.

(Казан, 27 март, «Татар-информ», Эвелина Киселева). Татарстан буенча Федераль салым хезмәте идарәсе бүлекчәләренә онлайн-сервис аша алдан язылу буенча гына килергә мөмкин булачак. Тиешле чаралар яңа типтагы Covid-19 коронавирусын таратуны кисәтү өчен күрелде. Бу хакта ведомствоның матбугат хезмәте хәбәр итә.

(Казан, 27 март, «Татар-информ»). Гомумроссия халык фронтының Түбән Кама командасы гражданнарның адреслы мөрәҗәгатьләре белән эшли. Яшьләр 60 яшьтән өлкәнрәк кешеләргә һәм инвалидларга  булыша. Бу турыда Түбән Кама муниципаль районы рәсми сайтында хәбәр ителә.

(Казан, 27 март, «Татар-информ»). Халыкара театр көне уңаеннан Татарстан мәдәният министры Ирада Әюпова республика халкын әлеге бәйрәм белән котлады.

(Казан, 27 март, «Татар-информ»). VI Бөтендөнья Фольклориадасы короновирус пандемиясе аркасында кичектерелә. Бу хакта республикасы башлыгы Радий Хәбиров сүзләренә сылтама белән «Башинформ» мәгълүмат агентлыгы хәбәр итә.

(Казан, 27 март, «Татар-информ»). Татарстан Республикасы Хөкүмәте йортында бүген ТР Инвестицион советы һәм «Чаллы», «Түбән Кама», «Чистай» өстенлекле социаль-икътисади үсеш территориясендә (ТОСЭР) эшчәнлек турында килешү төзергә гаризаларны карау буенча комиссияләрнең уртак утырышы узды. Бу хакта ТР Президенты матбугат хезмәте хәбәр итә.

(Апас, 27 март, «Татар-информ», «Апастово-информ», Ләлә Сафиуллина). Апаста сугыш ветераннары яшәгән йорт капкаларына элмә такталар куела. Элмә такталар йортта сугыш ветераны яшәгәнен белгертеп торачак. Бу турыда район басмасы хәбәр итә.

(Казан, 27 март, «Татар-информ»). Әлмәт театры артисты Илшат Агиев юл фаҗигасендә һәлак булды. Бу хакта театр җитәкчелеге хәбәр итә.

(Казан, 27 март, «Татар-информ», Рузилә Мөхәммәтова). Халык шагыйре Роберт Миңнуллин вафат. Бу хакта шагыйрьнең бертуганы Ким Миңнуллин хәбәр итте.

(Чирмешән, 27 март, «Татар-информ», «Безнең Чирмешән», Кадрия Гамирова). Чирмешәннең «Багетный» авыл хуҗалыгы эшкәртү һәм сату кулланучылар кооперативы, ТАССРның 100 еллыгы уңаеннан, үзе җитештергән эшләнмәләрне махсус билге — логотип белән тәкъдим итә башлый. Бу турыда район басмасы хәбәр итә.

(Әтнә, 27 март, «Татар-информ», «Әтнә таңы», Сүрия Мингатина).Әтнәнең 9 кешесе карантинда утыра, берсе республика йогышлы авыруларны дәвалау больницасына озатылды.

(Казан, 27 март, «Татар-информ»). Бөгелмә мөхтәсибәте Татарстанда балалар арасында дистанцион вәгазь бәйгесе игълан итә. Бу турыда Бөтендөнья татар конгрессы матбугат хезмәте хәбәр итә.

(Әлмәт, 27 март, «Татар-информ», «Әлмәт таңнары»). Әлмәт районында «Мәдәни мохит» федераль проекты тулы көченә гамәлгә ашырыла. Аның кысаларында Миңлебай станциясе халкы 200 урынга исәпләнгән яңа клублы булган. Бу турыда район басмасы хәбәр итә.