Новости за 23.03.2020

(Казан, 23 март, «Татар-информ»). Россиядә коронавирус инфекциясе аркасында өлкән яшьтәге кешеләрне диспансерлаштыруны вакытлыча туктаттылар. РФ Хөкүмәте рәисе Михаил Мишустин имзалаган боерык хокукый мәгълүмат порталында басылып чыкты.

(Казан, 23 март, «Татар-информ»). Бүген Татарстанга Россия Президентының Идел буе федераль округындагы Тулы вәкаләтле вәкиле Игорь Комаров килде. Бу хакта республика җитәкчесенең матбугат хезмәте хәбәр итә.

(Казан, 23 март, «Татар-информ», Эльвира Зәйнуллина). «Росгосстрах-Татарстан» ҖЧҖнең элеккеге генераль директоры Фәрит Хәммәдиев 50 яшендә вафат булды. Соңгы вакытта ул эшләгән ERGO иминият компаниясенең Казан вәкиллегендә әлеге мәгълүматны расладылар.

(Казан, 23 март, «Татар-информ»). Татарстан һәм Башкортстан чигендә, коронавирус инфекциясен потенциаль йөртүчеләрне урнаштыру өчен, обсерватор ачылачак. Бу хакта күрше республика башлыгы Радий Хәбировка сылтама белән «Башинформ» хәбәр итә.

(Чаллы, 23 март, «Татар-информ», Эльвира Мөхәммәтдинова). Чаллыда ялгыз яшәүче өлкән кешеләргә ярдәм итү штабы төзелә. Өлкәннәргә үз фатирларыннан чыгарга киңәш ителми. Бу хакта журналистларга шәһәр башкарма комитеты җитәкчесе урынбасары Рамил Хәлимов хәбәр итте.

(Казан, 23 март, «Татар-информ»). Камал театры үз архивындагы легендар спектакльләрне карау мөмкинлеген тудырды. Бу хакта театрның матбугат хезмәте хәбәр итә.

(Казан, 23 март, «Татар-информ»). Башкортстанда кайбер театр һәм мәдәният сарайларының тегү цехлары марля бәйләвечләр тегү эшенә кереште. Бу хакта «Башинформ» хәбәр итә.

(Казан, 23 март, «Татар-информ»). Дини оешмаларда вирус таралуга каршы чаралар күрелүгә бәйле рәвештә, хәзер проектлар online форматта уздырылачак. Бу хакта ТР Диния нәзарәте матбугат хезмәте хәбәр итә.

(Казан, 23 март, «Татар-информ», Әдилә Зыятдинова). Казанда кунаклар көтәр чак түгел. Коронавирус белән хәл тотрыклыланырга тиеш — шуннан соң гына шәһәр туристларны янә кабул итәчәк. Бу хакта ТР башкаласы мэры Илсур Метшин эшлекле дүшәмбе вакытында җиткерде.

(Казан, 23 март, «Татар-информ», «Ватаным Татарстан», Гөлинә Гыймадова). Бөтен яратуыңны кушып икмәк саласың, өйдә туклануга күчәсең, гаиләң белән китап укыйсың, кино карыйсың. Һәр күренешнең начар ягы да, яхшы ягы да була. Коронавирус та уку, эш дип, бер-берсенә вакыт тапмаган гаилә әгъзаларын бергә тупларга, мин ничек яшим, гомумән, яшимме соң әле мин, дип уйланырга мәҗбүр итте. Яшьләр читтән торып укуга күчте, эшне дә шул рәвешкә көйләүчеләр бар. Вакытыңны якыннарыңа багышларга менә дигән форсат инде бу. Читать дальше...

(Казан, 23 март, «Татар-информ»). Бу атнада Россия территориясендә көчле стационар антициклон көтелә. Аны синоптиклар «блоклаучы» дип атый. Бу хакта РФ Гидрометеорология үзәге фәнни җитәкчесе Роман Вильфанд хәбәренә сылтама белән «Российская газета» яза.

(Казан, 23 март, «Татар-информ»). Коронавирусның яңа тибын йоктырып Covid-19 авыруы белән белән зарарланган кешеләр ризыкның тәмен тоймаска һәм исләрне аермаска мөмкин. Британия оториноларингология ассоциациясе (ENT UK) шундый нәтиҗәгә килгән. Бу хакта ТАСС хәбәр итә.

(Казан, 23 март, «Татар-информ», Гөлнар Гарифуллина). 21 март көнне Төмән өлкәсе Тобольск районында «Искер-шәһәр» тарихи-мемориаль комплексында яңа мәчеткә ярымай куелган. Ике манаралы, бер гөмбәзле мәчетнең фундаменты 2014 елда салынган була. Бу хакта «Мирас» татар иҗтимагый оешмасы җитәкчесе Луиза Шәмсетдинова «Фейсбук» челтәрендә хәбәр итә.

(Казан, 23 март, «Татар-информ»). Түбән Кама шәһәре мэры Айдар Метшин кыска вакытлы отпускта булган. Россиядә коронавирус таралуны профилактикалау белән бәйле рәвештә, ул карантинга киткән. Бу хакта бүген дүшәмбе киңәшмәсендә Түбән Кама муниципаль районы башлыгы урынбасары Эльвира Долотказина җиткерде, дип язды районның рәсми сайты.

(Казан, 23 март, «Татар-информ», Елена Сәлахова). Бүген Татарстан Республикасы Президенты Рөстәм Миңнеханов Росгвардиянең Татарстан Республикасы буенча идарәсе хезмәткәрләренә 40 яңа машина ачкычы тапшырды. «Лада Веста» һәм «УАЗ Патриот» җиңел машиналары Милли гвардия гаскәрләре көне алдыннан республика бюджеты хисабына сатып алынды.

(Казан, 23 март, «Татар-информ»). Түбән Камада ТАССРның 100 еллыгына багышланган фотоакция игълан ителә. Бу турыда районның рәсми сайтында хәбәр ителә.

(Казан, 23 март, «Татар-информ»). Россия Конституциясендә гаилә институты, гаилә кыйммәтләре һәм балалар турында кайгырту мәсьәләләрен ныгыту аерылышуларның артуы һәм туучылар санының кимүе белән көрәштә мөһим адым булып тора. Татарстан Дәүләт Советы Рәисе урынбасары Татьяна Ларионова «Татар-информ» мәгълүмат агентлыгы белән әнә шундый фикерен уртаклашты.

(Казан, 23 март, «Татар-информ»). Татарстан Президенты Рөстәм Миңнеханов Казан федераль университетында булды, ул Идел буеның иң зур югары уку йортының дистанцион укуга күчүенә әзерлеген бәяләде. Бу хакта «Татар-информ»га Татарстан Президенты матбугат хезмәте җитәкчесе Лилия Галимова хәбәр итте.

(Казан, 23 март, «Татар-информ»). Чувашия татар милли-мәдәни мохтарияте җитәкчесе Фәрит Гыйбатдинов «Чувашия Республикасы каршындагы казанышлары өчен» ордены медале белән бүләкләнде. Бу турыда Бөтендөнья татар конгрессы матбугат хезмәте хәбәр итте.

(Казан, 23 март, «Татар-информ»). Бу көннәрдә Төмән өлкәсенең «Яшь буын» татар яшьләре оешмасы «Яңарыш» газетасының 30 еллыгы уңаеннан махсус төзелгән концерт программасы белән Ялутор шәһәрендә һәм Тубыл, Вагай районнарының сазъяк арты авылларында уңышлы чыгыш ясап кайтты. Бу турыда «Яңарыш» сайты хәбәр итте.

(Казан, 23 март, «Татар-информ»). Татарстанның Цифрлы трансформация үзәгенең цифрлы платформа баш архитекторы Антон Тараев Россия Хөкүмәтенә вице-премьер Дмитрий Чернышенко ярдәмчесе вазифасына күчте. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.

(Казан, 23 март, «Татар-информ»). Россия Мәдәният министрлыгы Covid-19 коронавирусы таралу сәбәпле, барлык кинотеатрларга дүшәмбе, 23 марттан башлап ябылырга тәкъдим итте. Бу хакта ведомствоның матбугат хезмәте хәбәр итә.

(Казан, 23 март, «Татар-информ»). Рус телендә иҗат итүче Казан язучысы Булат Ханов икенче ел рәттән «Радуга» Россия-Италия әдәби премиясе финалына үтә. Дәрәҗәле премия финалистлары исемлеге Горький исемендәге әдәбият институтының рәсми сайтына урнаштырылган.

(Казан, 23 март, «Татар-информ»). Камал театры сайтыннан «Зәңгәр шәл» спектаклен карарга мөмкин. Театр спектакленең видеоязмасын сайтына урнаштырган.

(Әтнә 23 март, «Татар-информ»,«Әтнә таңы», Нәзирә Габдрахманова). Әтнә районының Ташчишмә авылында тыл һәм хезмәт ветераннарын бүләкләү тантанасы булды. Бу турыда район басмасы хәбәр итә.