Новости за 21.02.2020

(Казан, 21 февраль, «Татар-информ», Рузилә Мөхәммәтова). Ибраһимов исемендәге Тел, әдәбият һәм сәнгать институты гарәп графикасындагы иске татар басма текстларын уку һәм кириллицага күчерү программасын җәмәгатьчелеккә тәкъдим итте. Туган тел көне уңаеннан институт галимнәре яңа фәнни проектлары белән таныштырды. Очрашу Татарстан Республикасы Фәннәр академиясенең конференцияләр залында үтте.

(Казан, 21 февраль, «Татар-информ», Гөлнар Гарифуллина). Татарстанда Сосновский балтырганы иң күп үскән районнар билгеле. Бу хакта Дәүләт Советында Россельхознадзор хезмәтенең Татарстан буенча идарәсе җитәкчесе Нурислам Хәбипов сөйләде.

(Казан, 21 февраль, «Татар-информ», Екатерина Ларионова). Татарстан икътисад министры Фәрит Абдулганиев республика Президенты ярдәмчесе булды. Тиешле Указга Татарстан Президенты Рөстәм Миңнеханов кул куйды. Бу хакта «Татар-информ»га ТР Икътисад министрлыгының матбугат хезмәте хәбәр итте.

(Казан, 21 февраль, «Татар-информ»). ТР Президенты Рөстәм Миңнеханов Указы белән Татарстанның яңа икътисад министры итеп Мидхәт Шаһиәхмәтов билгеләнде. Бу хакта «Татар-информ»га үз чыганагы хәбәр итә.

(Казан, 21 февраль, «Татар-информ»). Рөстәм Миңнеханов Татарстан халкын туган тел бәйрәме белән котлады. Бу уңайдан Татарстан Прездиенты инстаграмында пост урнаштырган.

(Казан, 21 февраль, "Татар-информ", Зилә Мөбәрәкшина). Казан федераль университетының Филология һәм мәдәниятара багланышлар институтында “Телләргә өйрәтү методикасын камилләштерү: алдынгы тәҗрибә белән уртаклашу мәйданчыгы” дип исемләнгән IV Халыкара фәнни-методик онлайн семинар узды. Ул Халыкара туган тел көненә багышланды.

(Казан, 21 февраль, «Татар-информ»). Бүген Татарстан территориясендә аномаль җылы һава торышы саклана. Бу хакта ТР Гидрометеорология үзәге хәбәр итә.

(Казан, 21 февраль, «Татар-информ»). Түбән Камада үзенчәлекле юл — канат (бау) юллары барлыкка килергә мөмкин. Бу хакта 2020-2022 елларга Татарстанның өстенлекле инвестицион проектлары исемлеге белән таныштыру барышында белдерелде. Бу турыда Түбән Кама муниципаль районы рәсми сайтында хәбәр ителә.

(Әлмәт, 21 февраль, «Татар-информ», «Әлмәт таңнары», Гөлназ Гыйззәтуллина). Әлмәттә яшәп иҗат итүче язучы Альберт Хәсәновның ике китабы кытай теленә тәрҗемә ителгән. Гомәр Бәшировның «Намус» романыннан соң, татар язучылары арасында мондый уңышка Альберт Хәсәнов иреште. Бу турыда район басмасы хәбәр итә.

(Казан, 21 февраль, «Татар-информ»). Ульяновск шәһәренең «Бердәмлек» китапханәсендә Халыкара туган тел көненә багышланган «түгәрәк өстәл» узды. Биредә шәһәр китапханә мөдирләре, милли автономия җитәкчеләре катнашты. Бу турыда Бөтендөнья татар конгрессы сайтында хәбәр ителә.

(Казан, 21 февраль, «Татар-информ»). Башкортстанда татар теле һәм әдәбияты буенча «Ел укытучысы» билгеләнәчәк. 17-19 февраль көннәрендә, читтән торып үткәрелгән турда жюри укытучыларның шәхси сайтларының эчтәлегенә бәя бирде, аларның педагогик кейс биремнәрен хәл итү осталыгын тикшерде. Бу турыда Бөтендөнья татар конгрессы сайтында хәбәр ителә.

(Зәй, 21 февраль, «Татар-информ», «Зәй офыклары», Клара Ермолаева). Зәйдә бер укучы мәктәптә телефонын гардеробта калдырган, ә аннары аның ул урында булмавы ачыкланган. Бу турыда район басмасы хәбәр итә.