Новости за 23.02.2020

(Актаныш, 23 февраль, «Татар-информ», «Актаныш таңнары»). 21-23 февраль көннәрендә «Лачын» бозында, Актанышның 310 еллыгы уңаеннан район башлыгы кубогына, 2005 елгы хоккейчылар арасында турнир узды. Бүген турнир җиңүчеләре ачыкланды. Бу турыда район басмасы хәбәр итә.

(Әлмәт, 23 февраль, «Татар-информ», «Әлмәт таңнары»). Бүген «Нефтьче» Мәдәният сарае каршындагы мәйданда «Татнефть» компаниясе ярдәме белән икенче тапкыр «Санки-Ушанки» креатив чаналар фестивале узды. Анда Татарстанның төрле шәһәр-районнарыннан 17 команда катнашты.

(Әгерҗе, 23 февраль, «Татар-информ», «Әгерҗе хәбәрләре»). 20.02.20 — әлеге матур датада Әгерҗе районында өч пар никахын рәсмиләштерде. Яшь парга «ТАССРның 100 еллыгы» истәлек билгесе тапшырылды.

(Казан, 23 февраль, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Минск шәһәренең «Динамо» хоккейчыларын кабул итте. «Ак Барс» — «Динамо» уенында 5:4 исәбе белән Казан хоккейчылары җиңү яулады.

(Бөгелмә, 23 февраль, «Татар-информ», «Бөгелмә авазы»). Бөгелмә районы ЗАГС бүлегендә яшь бөгелмәлеләргә Россия Федерациясе гражданы паспортларын тапшыру тантанасы узды. Бу турыда район басмасы хәбәр итә.

(Казан, 23 февраль, «Татар-информ», Зилә Мөбәрәкшина). КФУ профессоры, филология фәннәре докторы Ләйлә Минһаҗеваның «Татар балалар әдәбияты тарихы» («Tatar Çocuk Edebiyatı Tarihi») монографиясе төрекләр тарафыннан тәрҗемә ителеп, Төркиянең Истанбул шәһәрендә дөнья күргән. Бу хакта галимә «Татар-информ» хәбәрчесенә сөйләде.

(Казан, 23 февраль, «Татар-информ»). Иртәгә, 24 февральдә Татарстанда һава шартлары бозылачак. Бу хакта республиканың Гидрометеорология һәм әйләнә-тирә мохитне күзәтү идарәсе хәбәр итте.

(Казан, 23 февраль, «Татар-информ»). Covid-2019 коронавирусы ноябрь азагында тарала башлады һәм шуннан соң гына Кытайның Ухань шәһәрендәге базарга эләккән. Кытай фәннәр академиясе каршындагы тропик ботаника бакчасы галимнәре шундый нәтиҗә ясаган. Бу хакта РИА Новости яза.

(Казан, 23 февраль, «Татар-информ», Алексей Новиков). Казанда Киров өлкәсеннән килгән «Лада» һәм «Мерседес» машиналары катнашындагы авариядә ике бала һәлак булган. Бу хакта «Татар-информ»га авариянең шаһитләре хәбәр итте.

(Казан, 23 февраль, «Татар-информ»). Уфаның сугыш еллары җырларын башкаручы җырчылары һәм иҗади коллективлары «Җиңү Җыры» бәйгесендә катнаша. Якынча биш мең кеше 9 майда Екатеринбургта Гиннессның рекордлар китабына керү өчен җырлаячак. Бу хакта «Башинформ» агентлыгы хәбәр итә.

(Казан, 23 февраль, «Татар-информ»). Россиядә аномаль җылы кыштан соң җәй уртача эсселектә булачак дип фаразлады Воейков исемендәге Баш геофизика обсерваториясе хезмәткәре Андрей Киселев. Бу хакта Ura.ru сайтында сылтама белән «Известия» яза.

(Казан, 23 февраль, «Татар-информ»). Казанда чит ил машинасы сәүдә павильонына бәрелгән. Бу хакта социаль челтәр кулланучылары хәбәр итә.

(Казан, 23 февраль, «Татар-информ»). Татарстанның элекке прокуроры Кафил Әмиров белән хушлашу 24 февральдә булачак. Бу хакта Татарстан прокурорының өлкән ярдәмчесе вазифасын башкаручы Руслан Бариев хәбәр итте.

(Казан, 23 февраль, «Татар-информ»). Татарстан Президенты Рөстәм Миңнеханов республиканың элекке прокуроры Кафил Әмировның вафатына бәйле рәвештә кайгы уртаклашты. Хөкүмәт телеграммасы аның хатыны Нурия Әмировага юлланган.

(Казан, 23 февраль, «Татар-информ», Зилә Мөбәрәкшина). КФУның Г.Тукай исемендәге Милли мәдәният һәм мәгариф югары мәктәбе студентлары Уфа шәһәрендә үткән М.Акмулла исемендәге Башкорт дәүләт педагогика университетында Бөтенроссия «Ана теле-2020» конкурсында җиңгән. Бу хакта «Татар-информ» хәбәрчесенә өченче курс студенты Гөлназ Әсхәдуллина хәбәр итте.

(Казан, 23 февраль, «Татар-информ»). Роспотребнадзор Чаллыдагы бассейнда хлор концентрациясенең өч тапкыр күбрәк булуын ачыклаган. Бу хакта Татарстан Роспотребнадзор идарәсенең матбугат хезмәтендә хәбәр иттеләр.

(Казан, 23 февраль, «Татар-информ», Эльвира Зайнулина). Казанның Җиңү паркында Мәңгелек ут янына чәчәкләр салдылар. Сугышчыларны искә алырга Татарстан Премьер-министрының беренче урынбасары Рөстәм Нигъмәтуллин һәм Башкарма комитет җитәкчесенең беренче урынбасары Рөстәм Гафаров килде.

(Казан, 23 февраль, «Татар-информ»). Республика инфекцион хастаханәсендә карантин узучы Diamond Princess лайнерындагы россиялеләр үзләрен яхшы хис итә. Бу хакта журналистларга Татарстан Президентының матбугат хезмәте башлыгы Лилия Галимова әйтте.

(Казан, 23 февраль, «Татар-информ»). Чаллыда бассейнда хлор белән агуланудан соң прокуратура тикшерү уздыра. Бу хакта Татарстан прокурорының өлкән ярдәмчесе вазифасын башкаручы Руслан Бариев хәбәр итте.

(Казан, 23 февраль, «Татар-информ»). Ватанны Саклаучылар көне — батыр һәм көчле кешеләр, тормышларын Ватанны саклауга багышлаганнар бәйрәме, ә безнең илдә алар һәрвакыт аерым хөрмәттә булды. Бу хакта Россия Президентының Идел буе федераль округындагы Тулы вәкаләтле вәкиле Игорь Комаров әйтте. Бу турыда вәкаләтле вәкилнең матбугат хезмәте хәбәр итте.

(Казан, 23 февраль, «Татар-информ»). Татарстанның элекке прокуроры Кафил Әмиров 71 нче яшендә вафат булды. Әлеге мәгълүматны Татарстан прокуроры ярдәмчесе вазифаларын башкаручы Руслан Бариев раслады.

(Казан, 23 февраль, «Татар-информ»). Чаллыда бассейнда хлор белән агуланган алты яшүсмерне хастаханәгә салганнар. Бу хакта «Челнинские известия» газетасы хәбәр итте.

(Казан, 23 февраль, «Татар-информ»). Бүген Россия Федерациясенең Кораллы көчләре үзенең төп бәйрәме — Ватанны саклаучылар көнен бәйрәм итә. Бу батыр һәм көчле кешеләр, чын патриотлар бәйрәме дип әйтте Татарстан Премьер-министры Алексей Песошин үзенең котлавында.

(Казан, 23 февраль, «Татар-информ»). Татарстанның Республика йогышлы авырулар хастаханәсенә Diamond Princess лайнерыннан китерелгән россиялеләрне карантин узу өчен бөтен кирәкле әйберләр белән тәэмин итәчәкләр. Бу хакта Татарстан Президенты Рөстәм Миңнеханов хәбәр итте.

(Сарман, 23 февраль, «Татар-информ», «Сарман», Альбина Сабирова). Сарман районы ветераннарына юбилей медальләре тапшырдылар. Бу турыда район басмасы хәбәр итә.