Новости за 08.02.2020

(Казан, 9 февраль, «Татар-информ», Ольга Исаева). 7 февральдә -Татарстан гербы кабул ителгән көндә һәм ТАССРның 100 еллыгы кысаларында «Татарстан символикасы» дип аталган күргәзмә оештырылган. Бу турыда «Камская новь» газетасы хәбәр итә.

(Лениногорск, 8 февраль, «Татар-информ», «Заман сулышы»). Лениногорскида 38нче мәртәбә «Чаңгы юлы -2020» спорт чарасы узды. «Чаңгы юлы-2020» спорт чарасында 1 мең 500 дән артык кеше катнашты. Бу турыда район баасмасы хәбәр итә.

(Казан, 8 февраль, «Татар-информ», «Баулы-информ»). 7 декабрьдә Фәнис Яруллин исемен йөрткән Кызылъяр мәктәбендә «Яруллин укулары» шигырь бәйгесе узды. Фәнис Яруллинның шигырьләрен татар, инглиз, рус, хәтта итальян телләрендә дә сөйләделәр. Бу турыда район басмасы хәбәр итә.

(Казан, 8 февраль, «Татар-информ»). 2020 елның 6-7 февралендә Татарстан Ютазы муниципаль районында Бөтендөнья татар конгрессы Ютазы бүлекчәсенең киңәйтелгән утырышы узды. Анда «Ютазының җиде капкасы» туристик маршруты проекты турында сөйләштеләр. Бу турыда Бөтендөнья татар конгрессы хәбәр итә.

(Кукмара, 8 февраль, «Татар-информ», «Хезмәт даны»).Кукмара районы халкы «Татарстан чаңгысы-2020» массакүләм чаңгы ярышларында катнашты. Район җитәкчелеге, төрле структура, оешма һәм предприятие вәкилләре, мәктәп укучылары һәм актив яшәү рәвешен яратучылар чаңгы ярышында стартка басты. Бу турыда район басмасы хәбәр итә.

(Казан, 8 февраль, «Татар-информ», Надежда Гордеева). Татар дәүләт филармониясендә Дәүләт Думасы депутаты Айрат Хәйруллин истәлегенә матәм митингы узды. Чарада Дәүләт Думасының Аграр мәсьәләләр комитеты рәисенең беренче урынбасары Владимир Плотников та катнашты.

(Казан, 8 февраль, «Татар-информ»). Иртәгә, 9 февральдә, Татарстан Республикасы территориясендә төнлә һәм иртән томан төшәчәк, шулай ук юлларда көчле бозлавык хасил булачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

(Казан, 8 февраль, «Татар-информ», Полина Шевчук). Татарстанда шәхси йортта чыккан янгында ике яшьлек сабый һәм ир-атның гомере өзелгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 8 февраль, «Татар-информ», Валерия Белова). Татарстан сәламәтлек саклау министры урынбасары Фәридә Яркәева, Росздравнадзор һәм Монополиягә каршы федераль хезмәтнең ТР буенча идарәсе вәкилләре Казан даруханәләренә тикшерү белән килде.

(Казан, 8 февраль, «Татар-информ», Шабдан Ниязов). Мамадышта ел саен үткәрелә торган гадәти булмаган чаналар фестивале – SunnуФЕСТ-2020 старт алды. Ярышларда 25 чит илдән һәм Россиянең 50 төбәгеннән килгән кунаклар катнаша, дип искәртте Мамадыш муниципаль районы башлыгы Анатолий Иванов.

(Казан, 8 февраль, «Татар-информ», Полина Шевчук). Татарстанда М7 трассасында фура һәм җиңел машина катнашындагы авариядә дүрт кеше төрле тән җәрәхәтләре алган. Бу хакта «Татар-информ» агентлыгына юл һәлакәтен күргән кешеләр хәбәр итте.

(Казан, 8 февраль, «Татар-информ», Лилия Гаделшина). Татарстанның Минзәлә Татар дәүләт драма театры режиссеры Дамир Сәмерханов Туфан Миңнуллинның беркайчан да сәхнәләштерелмәгән «Әбрәкәй» пьесасын яңа сезонда куям дип белдерде. Бу хакта ул бүген Казанда «Әбрәкәй» пьесасын театраль җәмәгатьчелеккә тәкъдим итү кичәсендә әйтте.

(Казан, 8 февраль, «Татар-информ», Егор Никитин). Россиядә һава торышын яңа суперкомпьютер тарафыннан эшкәртелгән мәгълүматларга таянып җиткерә башлаячаклар. Ул РФ Гидрометеоүзәгенә шактый озак вакытка төгәл фаразлар ясарга ярдәм итәчәк. Профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев Андрей Кузьминга биргән интервьюсында шундый фикерен белдерде.

(Болгар, 8 февраль, «Татар-информ», Гөлнар Гарифуллина). Бүген Татарстанның мәдәният министры Ирада Әюпова Болгар цивилизациясе музеенда Дәүләт Эрмитажы директоры Михаил Пиотровскийны озата йөрде. Үзе дә урыны белән экскурсовод сыйфатында Идел буе Болгар дәүләте тарихына кагылышлы кызыклы мәгълүматларны сөйләде.

(Казан, 8 февраль, «Татар-информ»). «Бердәм Россия» партиясе рәисе, РФ Куркынычсызлык Советы рәисе урынбасары Дмитрий Медведев, РФ Дәүләт Думасына Татарстаннан сайланган депутат, бердәмроссияле Айрат Хәйруллинның фаҗигале рәвештә һәлак булуына бәйле рәвештә, туганнары һәм якыннарының кайгысын уртаклашты. Бу хакта «Бердәм Россия» Бөтенроссия сәяси партиясенең Татарстан төбәк бүлеге матбугат хезмәте хәбәр итә.

(Болгар, 8 февраль, «Татар-информ», Гөлнар Гарифуллина). Болгар ислам академиясенең дөньяви һәм дини өлкәләрдә конкурентлы булуына ирешү өчен, киләчәктә дөньяви юнәлешләр буенча магистрлар әзерләү күздә тотыла. Бу хакта академиянең Попечительләр советы утырышында ректор Данияр Абдрахманов хәбәр итте. Ул академиянең үсеш стратегиясен тәкъдим итте.

(Казан, 8 февраль, «Татар-информ»). Талантлы шәхес, танылган җитәкче һәм киң колачлы дәүләт эшлеклесе арабыздан китте. Айрат Нәҗип улы – исемен зур хәрефтән язарга лаеклы Кеше. Ул гомер буе туган республикасының алга китүе өчен тырышты, туган җирендә бизнес белән шөгыльләнде, авыл хуҗалыгын сыйфат ягыннан яңа дәрәҗәгә күтәрде.

(Казан, 8 февраль, «Татар-информ», Зилә Мөбәрәкшина). Татар теле һәм татар әдәбиятыннан VIII Халыкара олимпиада Казанда 21 — 24 апрель көннәрендә узачак. Бу хакта «Татар-информ» хәбәрчесенә ТР мәгариф һәм фән министрлыгының төбәкара хезмәттәшлек секторы җитәкчесе Гөлия Мусина хәбәр итте.

(Казан, 8 февраль, «Татар-информ», Полина Шевчук). ТР Сәламәтлек саклау министрлыгында Лаеш районында депутат Айрат Хәйруллинның вертолеты һәлакәткә юлыгу нәтиҗәсендә зыян күргән кешеләрнең хәле турында сөйләделәр.

(Казан, 8 февраль, «Татар-информ», Зилә Мөбәрәкшина). Татар теле һәм татар әдәбиятыннан IV төбәкара олимпиада быел ТАССРның 100 еллыгына багышланган. Ул хәзерге вакытта «Татар телендә белем бирүче 27 гимназия» бинасында үтә. Бу хакта «Татар-информ» хәбәрчесенә ТР мәгариф һәм фән министрлыгының төбәкара хезмәттәшлек секторы җитәкчесе Гөлия Мусина сөйләде.

(Болгар, 8 февраль, «Татар-информ», Гөлнар Гарифуллина). 2022 елда Болгар ислам академиясендә Бөтенроссия ислам китапханәсен булдыру ниятләнә. Бу хакта уку йортының Попечительләр советы утырышында ректор Данияр Абдрахманов сөйләде.

(Болгар, 8 февраль, «Татар-информ», Гөлнар Гарифуллина). Ислам мәдәнияте, фән һәм мәгарифенә ярдәм фондын финанслауны арттыру карары кабул ителгән. Бу хакта Болгар ислам академиясе Попечительләр советының беренче утырышында РФ Президенты Администрациясе җитәкчесенең беренче урынбасары, Попечительләр советы рәисе Сергей Кириенко хәбәр итте.

(Казан, 8 февраль, «Татар-информ»). «Эдельвейс Групп» АҖ коллективы, РФ Дәүләт Думасы депутаты Айрат Нәҗип улы Хәйруллинның фаҗигале рәвештә гомере өзелүенә бәйле рәвештә, Хәйруллиннар гаиләсенең тирән кайгысын уртаклашты.

(Болгар, 8 февраль, «Татар-информ», Гөлнар Гарифуллина). Бүген Болгар ислам академиясе Попечительләр советының беренче утырышы уза. «Болгар ислам академиясенең алга таба үсеше кирәк», — диде Татарстан Президенты Рөстәм Миңнеханов РФ Президенты Администрациясе җитәкчесенең беренче урынбасары Сергей Кириенко рәислегендә уза торган утырышта.

(Казан, 8 февраль, «Татар-информ»). Бүген Казанда Дәүләт Думасы депутаты Айрат Хәйруллинны соңгы юлга озаттылар. Хушлашу мәрасимендә Госман хәзрәт Исхакый да катнашты.