Новости за 01.02.2020

(Әгерҗе, 1 февраль, «Татар-информ», «Әгерҗе хәбәрләре»). Әгерҗе районының Тирсә авылы өлкәннәре озын кышны бик файдалы уздыра. Алар, атна саен китапханәгә җыелып, кул эшләре серләренә өйрәнә. Бу турыда район басмасы хәбәр итә.

(Казан, 1 февраль, «Татар-информ»). 24 февральдә Мәскәүдә Зуев исемендәге Мәдәният сарае сәхнәсендә Рәшит Ваһапов исемендәге татар җыры фестивале лауреатлары — Гөлсирин Абдуллина һәм Азат Абитовның беренче концерты булачак. Бу хакта Татарстанның Россиядәге Тулы вәкаләтле вәкиллегенең матбугат хезмәте хәбәр итә.

(Чаллы, 1 февраль, «Татар-информ», Эльвира Мөхәммәтдинова). Чаллыда Җәмигъ мәчете төзелешен активлаштырырга ниятлиләр. Бу турыда бүген мәчетнең попечительләр советы башлыгы, автошәһәр мэры Наил Мәһдиев хәбәр итте.

(Казан, 1 февраль, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Риганың «Динамо» командасын кабул итте. Уен Казан хоккейчылары файдасына тәмамланды. Матч исәбе — 2:0.

(Казан, 1 февраль, «Татар-информ»). Түбән Камада март аеннан «Яшь эшмәкәр мәктәбе» һәм «Хатын-кызлар өчен бизнес мәктәбе»нең чираттагы курслары башлана. Бу турыда Түбән Кама муниципаль районы рәсми сайтында хәбәр ителә.

(Казан, 1 февраль, «Татар-информ»). Бүгенге көннән «Урал авиалинияләре» авиакомпаниясе яңа коронавирус инфекциясе таралу сәбәпле, Казаннан Харбинга һәм Кытайга тагын ун рейсны туктатты. Бу хакта авиакомпаниянең матбугат хезмәтенә сылтама белән РИА Новости хәбәр итә.

(Казан, 1 февраль, «Татар-информ»). Иртәгә, 2 февральдә, Татарстанда һава шартлары начарланачак. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 1 февраль, «Татар-информ»). Районнар башлыклары һәм Татарстан агросәнәгать комплексы предприятиеләре җитәкчеләре квалификацияле механизаторларны җәлеп итәргә омтылырга тиеш. Татарстан Республикасы Хөкүмәте Йортында узган республика киңәшмәсендә Татарстан Президенты Рөстәм Миңнеханов шул хакта сөйләде. Бу турыда республика җитәкчесенең матбугат хезмәте хәбәр итә.

(Казан, 1 февраль, «Татар-информ», Полина Шевчук). Татарстанда М7 юлында фура җиңел машинаны бәрдергән. Бу турыда һәлакәт шаһитлары хәбәр итә.

(Казан, 1 февраль, «Татар-информ»). 2020 елның 4 февралендә 14.00 сәгатьтә Татарстан Республикасы Милли музеенда «Мин – Россия гражданины! Мин – Татарстан баласы!» акциясе – Казанның 14 яше тулган яшь гражданнарына паспортлар тапшыру тантанасы узачак. Яшь гражданнар ил гражданины документын Россия Федерациясенең атказанган, Татарстан Республикасының халык артисты – Георгий Мифодиевич Ибушев кулыннан алачак. Бу хакта ТР Милли музее хәбәр итә.

(Казан, 1 февраль, «Татар-информ»). Авыл хуҗалыгы оешмалары җитәкчеләре техник карау узмаган машиналарны эшкә җәлеп итәргә тиеш түгел. Бу хакта Татарстан Хөкүмәте Йортында узган республика киңәшмәсендә ТР вице-премьеры — авыл хуҗалыгы һәм азык-төлек министры Марат Җәббаров искәртте.

(Түбән Новгород, 1 февраль, «Татар-информ»). «Россия лидерлары» конкурсында катнашучылар составы профессиональ дәрәҗәдән күтәрелә бара, шул ук вакытта ярымфинал этабында Татарстан вәкилләре активлык күрсәтә. Бу хакта Түбән Новгород өлкәсе губернаторы Глеб Никитин «Россия лидерлары 2020» конкурсының ярымфиналында хәбәр итте.

(Түбән Новгород, 1 февраль, «Татар-информ»). «Россия лидерлары» конкурсы сәләтле идарәчеләрне ил алдында торган зур бурычларны хәл итүгә җәлеп итәргә мөмкинлек бирә. Бу хакта РФ Президентының Идел буе федераль округындагы Тулы вәкаләтле вәкиле Игорь Комаров Түбән Новгородта ярымфинал ярышларын ачу чарасында сөйләде.

(Казан, 1 февраль, «Татар-информ», Полина Шевчук). Казанда Росгвардия хезмәткәрләре баскычтан егылып башын ярган ир-атка ярдәм иткән. Бу хакта Росгвардиянең Татарстан буенча идарәсе матбугат хезмәте хәбәр итә.

(Казан, 1 февраль, «Татар-информ»). Татарстанда 1 мартта 9 сыйныф укучыларыннан дәүләт йомгаклау аттестациясендә катнашуга гаризалар кабул итү тәмамланачак. Анда катнашу өчен 9 сыйныф укучылары үз мәктәбендә тапшыру өчен сайланган предметларны күрсәтеп гариза язарга тиеш. Бу турыда Россия мәгариф һәм фән өлкәсендә күзәтчелек хезмәте хәбәр итә.

(Казан, 1 февраль, «Татар-информ», «Идел», Миләүшә Гафурова).«Мода һәм миллилек турында язам», — дигәч, бер журналисттан мондый фикер ишеттем: «Миллилек — кеше үзе сайлап ала торган стильдер ул хәзер, шул ук бизәнү әйберләрендә, киемдәге бизәкләрдә генә чагыладыр. Мода — бөтен кеше өчен бит инде ул…»

(Казан, 1 февраль, «Татар-информ»). ТАССРның 100 еллыгы флагы эстафетасы Владивостокка килеп җитте. Бу хакта Бөтендөнья татар конгрессы матбугат хезмәте хәбәр итә.

(Казан, 1 февраль, «Татар-информ»). Татарстан мөселманнары Диния нәзарәте тарафыннан әзерләнгән «Калям Шариф. Перевод смыслов» басмасы 2000 данәдә кабаттан сатуга чыкты. Бу хакта ТР Диния нәзарәте матбугат хезмәте хәбәр итә.

(Казан, 1 февраль, «Татар-информ», Марат Ишкильдин). Коронавирус бары тик һава-тамчы юлы белән һәм авыру хайван яки кеше белән элемтә булганда тарала, шуңа күрә җиләк-җимеш һәм яшелчәләр аша йоктыру мөмкин түгел диярлек. Бу хакта Андрей Кузьминга интервьюда вирусолог һәм биология фәннәре докторы Альберт Ризванов сөйләде.

(Казан, 1 февраль, «Татар-информ», Зилә Мөбәрәкшина). Язучы, шагыйрә Наилә Ахунова «Татар-информ» хәбәрчесенә Габдулла Тукай музеенда «Зәйнәп Максудова китапханәсе» хезмәтен тәкъдим итү кичәсендә ни өчен рус телендә чыгыш ясавын әйтте. Аны бу чыгышы өчен тәнкыйтьләгәннәр иде.

(Казан, 1 февраль, «Татар-информ»). Татарстан Президенты Рөстәм Миңнеханов бүген ТР Хөкүмәт Йортында узган традицион республика киңәшмәсендә торак тапшыру күләмен арттыру өчен барлык резервларны эшкә җигәргә өндәде. Бу хакта республика җитәкчесенең матбугат хезмәте хәбәр итә.

(Казан, 1 февраль, «Татар-информ»). РФ Хезмәт һәм социаль яклау министрлыгы массакүләм мәгълүмат чараларының 1 февральдән Россиядә эштән азат итү кагыйдәләренең үзгәрүе турындагы хәбәрен кире какты. Бу турыда РИА Новости хәбәр итә.

(Казан, 1 февраль, «Татар-информ»). Татарстанның Даими вәкиллеге, Санкт-Петербургта татар яшьләре клубы җитәкчесе Рөстәм Абдулла улы Хучашев вафат булу сәбәпле, туганнары һәм якыннарының кайгысын уртаклаша. Бу турыда Татарстан Республикасының Ленинград өлкәсе һәм Санкт-Петербургтагы Даими вәкиллеге хәбәр итә

(Казан, 1 февраль, «Татар-информ»). 1 февральдән Россиядә хезмәткәрләрне эштән азат итүнең яңа кагыйдәләре гамәлгә керде. РФ Хезмәт министрлыгының яңартылган стандартлары нигезендә эштән азат ителүче хезмәткәргә хәзер СТД-Р формасы буенча хезмәт эшчәнлеге турында белешмә бирелергә тиеш.

(Казан, 1 февраль, «Татар-информ»). Татарстан Президенты Рөстәм Миңнеханов эскроу-счетлар системасында эшләү буенча барлык төзүчеләр белән аерым очрашулар уздырырга җыена. Ул бу хакта республика Министрлар Кабинетында төзелеш алып баручылар һәм банклар вәкилләре белән киңәшмәдә сөйләде. Бу турыда ТР Президенты матбугат хезмәте җитәкчесе Лилия Галимова хәбәр итте.