Новости за 21.02.2020

(Зәй, 21 февраль, «Татар-информ», «Зәй офыклары», Николай Шамионов). Бүген Халыкара туган тел көне билгеләп үтелә. Әлеге уңайдан Зәйнең Ринат Фәрдиев исемендәге татар гимназиясендә шәһәр-район мәктәпләренең татар теле укытучылары һәм кайбер мәктәпкәзчә яшьтәге балалар учреждениеләре тәрбячеләре семинар-киңәшмәгә җыелды. Бу турыда район басмасы хәбәр итә.

(Чирмешән, 21 февраль, «Татар-информ», «Безнең Чирмешән», Гөлсирә Шәрифуллина). «Пирамида» концертлар залында «Сәмрух-2019» Республикакүләм сәләтле балалар һәм яшьләр премиясе тапшыру тантанасында җиңүчеләрне сигез төрле номинациядә билгеләгәннәр. Кармыш кызы Гөлназ Гатина кабат зур бәйгедә танылган — ул «Ел әйдаманы» буларак «Сәмрух» ел премиясенә лаек булган. Бу турыда район басмасы хәбәр итә.

(Казан, 21 февраль, «Татар-информ», Зилә Мөбәрәкшина). Халыкара конкурслар лауреаты, яшь җырчы Сөмбел Кыямова дөньядагы иң авыр опералардан саналган Розина партиясен башкарды дип саный нәфис сүз остасы, журналист Илдар Кыямов. Бу хакта ул «Татар-информ» хәбәрчесенә Нәҗип Җиһанов исемендәге Казан дәүләт консерваториясенең Кече залында Сөмбел Кыямованың иҗат кичәсендә сөйләде.

(Казан, 21 февраль , «Татар-информ»). Мәскәү татарлары Штабында академик Индус Ризак улы Таһировның «Мирсәет Солтангалиев тарихи шәхесе һәм хәзерге Россиядә федерализм мәсьәләләре» дигән лекциясен оештырды. Бу хакта Бөтендөнья татар конгрессы матбугат хезмәте хәбәр итә.

(Казан, 21 февраль, «Татар-информ»). Киләсе чәршәмбедә, 26 февральдә, Казанда Росреестрның Татарстан буенча идарәсе хезмәткәрләре кайнар линия буенча шәһәрлеләрнең физик һәм юридик затлар банкротлык процедурасына кагылышлы сорауларына җавап бирәчәк. Бу хакта Татарстан башкаласы мэриясе матбугат хезмәте хәбәр итә.

(Казан, 21 февраль , «Татар-информ»). Синоптиклар инде өченче көн рәттән Казанда температура рекордын теркәп бара. Бу хакта ТР Гидрометеорология үзәге хәбәр итә.

(Казан, 21 февраль, «Татар-информ»). Татарстанда «Атлантис-Пак» компаниясе заводын ачу планлаштырыла. ТР сәнәгать һәм сәүдә министры Альберт Кәримов һәм предприятиенең генераль директоры Игорь Переплетчиков тиешле килешүгә кул куйды. Бу хакта ТР Сәүдә-сәнәгать палатасы матбугат хезмәте хәбәр итә.

(Казан, 21 февраль, «Татар-информ»). Татарстанның ике спектакле «Алтын битлек» Милли театраль премиясенә биш категориядә номинацияләнгән. Бу хакта Татарстаннның Россиядәге Тулы вәкаләтле вәкиллеге матбугат хезмәте хәбәр итә.

(Казан, 21 февраль , «Татар-информ»). Гадәти мәктәп укучылары һәм студентлар Татарстанның төп спорт резервын тәшкил итә. Бүген бу хакта Татарстан Президенты Рөстәм Миңнеханов Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында әйтте. Бу хакта республика җитәкчесенең матбугат хезмәте хәбәр итә.

(Казан, 21 февраль , «Татар-информ»). Уфада шагыйрь, журналист, тәрҗемәче Дамир Шәрәфиев вафат булган. Бу хакта язучының «Агыйдел» журналындагы коллегалары хәбәренә сылтама белән «Башинформ» хәбәр итә.

(Казан, 21 февраль, «Татар-информ»). Татарстанда илкүләм проектларны гамәлгә ашыру - ул торак һәм социаль инфраструктураны яңарту, тормыш сыйфатын арттыру мөмкинлеге. ТР Дәүләт Советы Рәисе Фәрит Мөхәммәтшин Мамадыш район Советы сессиясендә чыгыш ясаганда әнә шундый фикер белдерде. Бу хакта республика парламенты матбугат хезмәте хәбәр итә.

(Казан, 21 февраль, «Татар-информ»). Татарстан Икътисад министрлыгына дәүләт программаларын һәм милли проектларны гамәлгә ашырганда координацияләү системасын яңадан карарга кирәк булачак. Төп бурыч — тулай төбәк продукты күләмен арттыру. Бу хакта ТР Премьер-министры Алексей Песошин республиканың яңа икътисад министрын тәкъдим иткәндә әйтте.

(Казан, 21 февраль, «Татар-информ»). Татарстан һәрвакыт физик культура һәм спортны популярлаштыру һәм үстерү буенча тәҗрибә уртаклашырга әзер. Бүген бу хакта Татарстан Республикасы Президенты Рөстәм Миңнеханов Россия Федерациясе Президентының Идел буе федераль округындагы Тулы вәкаләтле вәкиле каршындагы Совет утырышында әйтте. Бу хакта республика җитәкчесенең матбугат хезмәте хәбәр итә.

(Буа, 21 февраль, «Татар-информ», Гөлнар Гарифуллина). ТР Министрлар Кабинетының Баш ветеринария идарәсе башлыгы Алмаз Хисаметдинов мал табибларына ихтыяҗ булган районнарны атады. Белгечләр җитешмәү проблемасы турында ул Буа ветеринария техникумында узган очрашуда сөйләде.

(Казан, 21 февраль, «Татар-информ», Гөлүзә Ибраһимова). Ислам мәдәнияте музеенда Ибраһим Идриснең «Тәрбияле ата» китабының яңа басмасы тәкъдим ителде.

(Казан, 21 февраль, «Татар-информ», Алсу Исмәгыйлева). Татарстан Фәннәр академиясе вице-президенты, академик Дания Заһидуллина узган гасырның 60-80нче елларында Башкортстанда татар телендә иҗат иткән әдипләрнең иҗатындагы татар мотивларына бәя бирде. Фикерен ул «Татар әдәбияты тарихы» фәнни хезмәтенең җиденче томы басылып чыгуга багышланган очрашуда әйтте.

(Казан, 21 февраль, «Татар-информ», Полина Шевчук). Казанда ипподром каршындагы юл-транспорт һәлакәтеннән соң ике кеше хастаханәгә эләккән. Бу хакта «Татар-информ»га шәһәр автоинспекциясендә сөйләделәр.

(Казан, 21 февраль,”Татар-информ”, Назлыгөл Мәсәлимова). 21 февральдә Пирамида күңел ачу комплексында “Әдәби марафон” проектының ун еллык юбилее узды.

(Казан, 21 февраль, «Татар-информ», Рузилә Мөхәммәтова). Тукайның әнисе Бибимәмдүдә абыстай рухына багышлап җәмәгатьчелек белән Корьән уку мәҗлесен оештыручылар моны тарихи вакыйга дип бәяли. Бибимәмдүдә абыстай рухына дога кылу мәҗлесе Халыкара туган тел көненә туры китерелеп бүген Мәрҗани мәчетендә үтте.

(Казан, 21 февраль, «Татар-информ», Надежда Гордеева). Татарстанда умарталарга чип урнаштыру буенча Башкортстан тәҗрибәсен өйрәнәләр. Чиплау республика умарталыкларын паспортлаштырганнан соң киләсе адым булачак. Бу хакта бүген умартачылар форумында Татарстан Республикасы Министрлар Кабинеты Баш ветеринария идарәсенең дәвалау-профилактика чаралары бүлеге башлыгы Солтан Латыйпов хәбәр итте.

(Чаллы, 21 февраль, «Татар-информ», Эльвира Мөхәммәтдинова). Бүген Чаллы шәһәр советының хисап сессиясе барышында депутатлар «Электротранспорт» ҖЧҖнә муниципаль бюджетның өстәмә кеременнән 62 млн 800 мең сум бүлеп бирүне хуплады. Әмма халык ышанычлылары арасында шәһәр хакимиятенең бу инициативасына каршы чыккан кешеләр дә табылды.

(Казан, 21 февраль, «Татар-информ», Эльмира Нигъмәтҗан). Ижевск шәһәрендә милли көрәш федерациясе оештырылган. Бу хакта агымдагы елда Фаиз хәзрәт тәкъдиме һәм ярдәме белән оешкан федерациянең җитәкчесе Илнур Рамазанов хәбәр итте.

(Казан, 21 февраль, «Татар-информ»). Татарстан Тикшерү комитеты машина йөртүче үлеме буенча тикшерү үткәрә. Аның өстенә йөк машинасы баскычы төшкән. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

(Казан, 21 февраль, "Татар-информ"). Халыкара туган тел көне уңаеннан, Татарстан имамнары һәм мөселман яшьләре социаль челтәрләрдә туган тел турында шигырьләр укый. Алар дин кардәшләрнең игътибарын әлеге күркәм датага юнәлтте һәм берьюлы инстаграмда игълан ителгән “Туган тел ул – ...” дигән темага игълан ителгән флешмобта катнашты. Бу турыда Татарстан Диния нәзарәте матбугат хезмәте хәбәр итте.

(Казан, 21 февраль, «Татар-информ», Надежда Гордеева). Татарстанда 3 меңгә якын умарталык паспортлаштыру узган. Паспортларны район ветеринария берләшмәләре бирә. Бу хакта бүген Татарстан умартачылары форумында республика Министрлар Кабинетының Баш ветеринария идарәсе дәвалау-профилактика чаралары бүлеге башлыгы Солтан Латыйпов сөйләде.