د بېلاروس دولتي هوايي شرکت له ترکیې بېلاروس ته الوتنې وځنډولې
د بلاویا ایرلاین وویل چې د بېلاروس او اروپايي ټولنې په پوله کې د کډوالو د کړکېچ څخه وروسته د ترکي چارواکو په غوښتنه دا اقدام وکړ.
یوه ورځ وړاندې په ملګرو ملتونو کې لوېدیځو حکومتونو مېنسک د هغې تګلارې له امله وغانده چې له منځني ختیځ او نورو هېوادونو څخه یې د بېلاروس او پولنډ په پوله کې کډوال دېره کړي.
اروپايي اتحادیې بېلاروس تورن کړی چې پر دغه هېواد د بندیزونو په لګولو سره د غچ اخېستنې هڅه کوي.
په زرګونو پناه غوښتونکي له څو میاشتو راهیسې هڅه کوي چې د بېلاروس له پولي اروپايي ټولنې ته ننوځي.
د پولنډ پولیسو راپور ورکړی چې پولنډي چارواکو پرون ناوخته د مهاجرینو د دوو ډلو مخه ونیوله چې په ناقانونه توګه له پولي څخه تېرېدل.