د اسپانیا پولیسو د داسې شبکې مخه نیولې چې اروپا تهیې پاکستانیان قاچاقي وړل
د اروپايي ټولنې د پولیسو ادارې د پنجشنبې په ورځ وویل چې قاچاقبرانو اکثره پاکستاني مهاجرین د بوسنیا هرزګوېنا له کمپونو څخه ایټالیا یا اسپانیا ته په لاریو کې قاچاق کول.
د دې شبکې یو مشر نیول شوی او اسپانیا ته سپارل شوی دی.
د پولیسو د اټکلونو له مخې د انسانانو د قاچاق دې ډلې په وروستیو میاشتو کې اروپا ته د شااوخوا ۴۰۰ کسانو د قاچاق له لارې لږ تر لږه دوه ملیون او درې لکه ډالر ګټلي دي.
د اروپايي ټولنې پولیسو دا هم ویلي چې په کروېشیا کې پولیسو یوه لارۍ چې ۷۷ پناه غوښتونکي پهکې سپاره وو نیولې.
په دوو نورو عملیاتو کې هم، کروېشیايي پولیسو دوه نور موټرونه کشف کړي چې پهکې شااوخوا ۶۸ پناه غوښتونکي ناست وو.