د فراه مرکز او د ابو نصر فراهي بندر د دویم سړک جوړول بیا پیل شو
د فراه لپاره د طالبانو د حکومت مرستیال والي مولوي عبدالصمد فاروق پرون چهارشنبه(د لړم ۱۲مه) د دغه سړک د رغونې د کار پیل په مهال رسنیو ته وویل، یاد سړک چې د فراه مرکز د ابو نصر فراهي له سوداګریز بندر سره نښلوي، ۱۲۰ کیلومتره اوږدوالی لري چې ۶۰ کیلومتره به یې د ایران په مالي مرسته جوړیږي.
د دغه سړک د جوړولو چارې په ۱۳۸۶ کال کې پیل شوی او هغه مهال یوازې ۶۰ کیلو متره جوړ، خو د امنیتي ستونزه له امله ۶۰ کیلو متره له جوړېدو پاتې وو.