د بریتانیا صدراعظم په 'یو لړ پټو مراسمو کې واده' وکړ
بریتانوي رسنیو راپور ورکړی چې د دغه هېواد صدراعظم بورېس جانسون په یو لړ پټو مراسمو کې له خپلې کوژدنې کَري سیموندس (Carrie Symonds) سره واده وکړ.
د راپور له مخې، دغه مراسم پرون ماسپښین د ویست منسټر (Westminster) په کلیسا کې هغه وخت وشول چې لومړی کلیسا ته ورغلو کسانو ته له هغه ځایه د وتلو وویل شول.
تر اوسه د بورېس جانسون دفتر د دغو راپورونو په اړه تبصره نهده کړې، خو ډېلي مېل او سن ورځپاڼو راپور ورکړی چې د صدراعظم د واده مراسم د ۳۰ مېلمنو په حضور کې ترسره شول.
بي بي سي هم د څو ورځپاڼو په حواله د بریتانیا د صدراعظم د واده راپور تأیید کړی دی.