افغان چارواکي: تخار کې ۳۰ طالبان وژل شوي
د کورنیو چارو وزارت ویاند طارق ارین دا خبره په خپله ټوېټرپاڼه لیکلي.
ارین زیاته کړې، افغان امنیتي ځواکونو بېګا د تخار په چاه اب ولسوالۍ او څو نورو سیمو کې له طالبانو سره جګړه کړې ده.
هغه ادعا کړې چې د افغان پوځیانو په بریدونو کې دېرش وسله وال طالبان وژل شوي او ۲۰ تنه نور یې ټپیان دي.
آرین منلې چې په بریدونو کې څلور افغان ځواکونه ټپيان شوي.
وسله والو طالبانو تر اوسه د کورنیو چارو وزارت د دې ادعا په اړه څه نه دي ویلي.
په سیمه کې هم خپلواکو سرچینو د دې بریدونو او مرګژوبلو د کره والي یا ناسموالي په اړه تبصره نه ده کړې.