د ارمنستان د بهرنیو چارو وزیر 'ارا ایوازیان' استعفی وکړه
![د ارمنستان د بهرنیو چارو وزیر 'ارا ایوازیان' استعفی وکړه](https://gdb.rferl.org/fe21abd3-1aeb-4e7e-953b-6be9f1f4383c_cx45_cy16_cw54_w800_h450.jpg)
د ارمنستان د بهرنیو چارو وزیر، ارا ایوازیان، پرون پنجشنبه (د غبرګولي ۶مه) په داسې حال کې استعفی وکړه چې د دندې یې شپږ میاشتې کېدې.
بل خوا د ارمنستان او اذربایجان ترمنځ د سرحدي کړکېچ په اړه اندېښنې په زیاتېدو دي.
ایوازیان د خپلې استعفی دلیل نه دی روښانه کړی، خو د ارمنستان د بهرنیو چارو وزارت ویاندې وانا ناګدالیان دا خبر تایید کړی او د ازادې اروپا/ ازادۍ راډیو ته یې ویلي، د استعفی د موضوع اړه د اوس لپاره تبصره نه شي کولی.
داسې ښکاري چې ایوازیان د ارمنستان د امنیتي شورا تر یوې بېړنۍ غونډې وروسته خپله استعفی وړاندې کړې ده.
په هغه غونډه کې د ارمنستان او اذربایجان ترمنځ د سرحدي کړکېچ پر زیاتېدو بحث وشو.