سمنګان کې د فوټسال سیالۍ امیر علي شیر نوايي لوبډلې وګټلې
د افغانستان د فوټبال فدارسیون ویاند پرویز مشعوف ازادي راډيو ته وویل، دغه سیالۍ ۲۵ ورځې وړاندې، د دغه ولایت د غوره لیګ او الف لیګ د ۲۰ لوبډلو ترمنځ پيل شوې وې.
د نوموړي په وینا د دغو سیالیو پای لوبو ته امیر علي شېر نوايي او یاشلر لوبډلې وتلې وې چې امير علي شېر نوايي لوبډلې په پایلوبه کې یاشلر لوبډلې ته د پينالټیو په شوټونو کې ماته ورکړه او د اتلوالۍ کپ يې خپل کړ.
په دغو لوبو کې د امیر علي شېر نوايي لوبغاړي محمد عظیم شاهین د غوره لوبغاړي او احمد فرید ابراهیمي د غوره ګول ساتونکي په توګه وپېژندل شول.