خامنهيي د قاسم سلیماني په اړه د جواد ظریف پر خبرو تُندې نیوکې وکړې
خامنهيي د ظریف خبرو ته په اشارې ویلي دا خبرې "د امریکا او دښمنانو د خصمانه څرګندونو" تکرار دی.
هغه په خپله وینا کې چې دولتي ټلوېزیون خپروله د ظریف نوم په مستقیم ډول وانهخیست.
د بهرنیو چارو وزیر جواد ظریف یو غږیز کلېپ تېره اوونۍ نړیوالو فارسي ژبو رسنیو ته لیک شوی و چې پهکې ظریف د ایران په بهرني سیاست د پوځیانو له بېساري کنټرول او برلاسۍ انتقاد کوي.
ظریف په دې غږیز کلېپ کې د قاسم سلیماني نوم هم یاد کړی او د ایران د ډیپلوماسۍ په زیانمنولو یې تورن کړی دی.
د بهرنیو چارو وزیر همداراز ویلي و چې د ایران حکومت د سپاه پاسداران فعالیتونه په ډیپلوماسۍ باندې غوره ګڼلي دي.
د همدې صوتي کلېپ تر خپرېدو او لانجو یوه اوونۍ وروسته محمد جواد ظریف د قاسم سلیماني له کورنۍ بخښنه غوښتې.