სოფელ ფარიზში მომხდარ მკვლელობაში დამნაშავე პირი გამოვლენილია
სამართალდამცველებმა ბოლნისის რაიონის სოფელ ფარიზში მომხდარ მკვლელობაში დამნაშავე პირი ამხილეს.
გამოძიებით დადგინდა, რომ 1938 წელს დაბადებული ნარიმან მ.-მ ბოლნისის რაიონის სოფელ ფარიზში, ღამით, ეჭვიანობის ნიადაგზე, საკუთარ სახლში, მეუღლე - 1951 წელს დაბადებული სამარგანდ მ. საკუთარი ორლულიანი სანადირო თოფიდან ერთი გასროლით მუცლის არეში სასიკვდილოდ დაჭრა. სამარგანდ მ. მიყენებული ჭრილობის შედეგად ადგილზე გარდაიცვალა.
მეუღლის გარდაცვალების შემდეგ, მხილებულმა დანაშაულის ჩადენის იარაღით გულმკერდის არეში თვითდაზიანება მიიყენა. დაჭრილი ნარიმან მ. მარნეულის საავადმყოფოში გადაიყვანეს. მას სასწრაფო ოპერაცია ჩაუტარდა. ამჟამად მისი ჯანმრთელობის მდგომარეობა მძიმეა.
სამართალდამცველებმა დანაშაულის ჩადენის იარაღი - ორლულიანი სანადირო თოფი შემთხვევის ადგილიდან ნივთმტკიცებად ამოიღეს.
გამოძიება განზრახ მკვლელობის ფაქტზე მიმდინარეობს.