ҚР Қорғаныс министрлігі журналистерді марапаттады
Ұйымдастыру комитетіне Қазақстанның түкпір-түкпірінен шамамен 70 өтінім келіп түсті. Байқауға газет, радио және телевидение, ақпараттық агенттіктердің журналистері, сондай-ақ Екінші дүниежүзілік соғыстың тарихы, майдангерлердің, тыл еңбекшілерінің соғыстан кейінгі тағдырлары, ҰОС ардагерлерінің қоғамдық ұйымдары, ұрыс алаңында қаза болғандарды іздеу туралы материалдарды жариялап, басып шығаратын штаттан тыс авторлар қатысты.
Жеңімпаздар мемлекеттік және орыс тілдерінде бес номинация бойынша анықталды.
Сонымен, «Баспасөз басылымдардағы үздік жарияланым» номинациясында «Егемен Қазақстан» газетінің журналисі Жағыпар Жылқыбай және «Екібастұз жаршысы» газетінің журналисі Қанат Алдабаев жеңімпаз атанды.
«Үздік телесюжет/телебағдарлама» номинациясында «24.kz» телеарнасының журналисі Жасын Біркенов пен «МИР» телеарнасының журналисі Татьяна Жигунова марапатталды.
«Үздік радиосюжет/радиобағдарлама» номинациясында «Қазақ радиосы» журналисі Мәдина Ишанова мен «Тенгри FM» радиосының журналисі Ирина Лелявская жеңіп шықты.
«Интернет-басылымдардағы үздік жарияланым» номинациясында «Қазинформ» ақпараттық агенттігінің журналисі Мұрат Жакеев пен «Тengrinews.kz» интернет-порталының журналисі Батыр Қазыбаев атанды.
«Үздік фотоочерк/фоторепортаж» номинациясында «Казахстанская правда» газетінің фототілшісі Юрий Беккер.
Одан басқа, ұсынылған материалдарды қарау нәтижелері бойынша комиссия белсенді азаматтық қағидат үшін жеке аталымдарды қосымша беруге шешім қабылдады.
ҚР Қорғаныс министрінің арнайы дипломдарымен «Егемен Қазақстан» газетінің журналисі Ержұман Сымайыл, Ақтөбе облыстық әлеуметтік-саяси газетінің журналисі Өтеміс Әкімов, «24.kz» телеарнасының «Әскер.kz» бағдарламасының журналисі Дмитрий Олейников пен «Қазақстан» телеарнасының «Ақсауыт» бағдарламасының журналисі Ернұр Нұрғалиев табыс етілді.
68665 әскери бөліміндегі ресми марапаттау рәсімінен кейін журналистер соғыстан кейінгі жылдардың нақышына келтірілген дәуірге енді. Тілшілерге сарбаз асханасында дастархан жайылып, ҚР ҚМ Орталық ансамблі әртістерінің өнері паш етілді.