Ўзстандарт агентлигидан якуний хисобот

Барчамизга маълумки «Ўзстандарт”агентлиги томонидан бир қатор ишлар амалга оширилди. Президентимиз томонидан 2018 йил 12 декабр куни “Техник жиҳатидан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида”ги қарорига мувофиқ йил якунлари мобайнида жуда кўплаб ишлар амалга оширилди. Жахон стандартларига мос равишда янги қарорларни қабул қилиниши ҳам бежиз эмас. Ушбу қарор асосида ҳалқаро лабораторияларни акредитация қилиш ташкилоти (ILAC) тўлақонли аъзолари ҳисобланган давлатларнинг сертификатлаштириш органлари томонидан берилган мувофиқлик сертификатлари ёки синов баённомалари тақдим этилганда устав капиталида 50 фоиздан кўп миқдорда давлат улуши бўлмаган тадбиркорлик субъектлари (эркин иқтисодий зоналар иштирокчилари бундан мустасно) ўз ишлаб чиқариш эҳтиёжлари учун олиб кирадиган Ўзбекистон Республикасида ишлаб чиқарилмайдиган ихтисослашган ва қишлоқ хўжалиги техникаси , технологик ускуналар,ва уларнинг бутловчи ва эҳтиёт қисмлари, шунингдек мажбурий сертификатланиши лозим бўлган маҳсулот ишлаб чиқаришда фойдаланиладиган ноозиқ-овқат хом-ашё, материал ва буюмлармажбурий сертификатлаштиришдан озод қилинади. Албатда бу айни пайтда аҳолининг эҳтиёжларини ошиб борилишига ҳам моддий манфаат сифатида ҳам ҳизмат қилиши шубҳсиз. Энди ўзингиз ўйлаб кўринг, тадбиркор сотиб олаётган маҳсулотини қай даражада сифатли эканлигини назорат қила оладими? Албатда, йўқ. Сабаби ўша маҳсулотнинг мониторинг қилиш ҳам агентликнинг зиммасига юклатилган. Бозорларга олиб чиқилаётган ҳар бир маҳсулотнинг ўзига яраша талаблари бор. Сифатли маҳсулотларни етказиб берилиши, назоратдан ўтказилиши ҳам ушбу агентликнинг зиммасига юклатилган. Бугун айнан “Ўзстандарт” агентлиги томонидан Оммавий ахборот вакиллари учун йиллик хисобот бериб ўтилди. Келгусида олиб бориладиган режалар ҳақида айтиб ўтилди. Лобар Мирзо журналист