Россиядә вакцинациядән баш тартуга өндәгән өчен җәза кертергә тәкъдим иттеләр
(Казан, 20 июль, «Татар-информ»). Иҗтимагый палата әгъзасы Петров вакцинациядән баш тартуга өндәгән өчен җаваплылык кертергә тәкъдим итте, дип хәбәр итә РИА Новости. Ленинград өлкәсе Иҗтимагый палатасы рәисенең беренче урынбасары Владимир Петров медицина күрсәткечләре булмаганда вакцинациядән баш тартуга өндәгән өчен җаваплылык кертергә кирәк дип саный. Бу хакта RT аның Юстиция министрлыгы башлыгы Константин Чуйченкога хатына сылтама белән яза. Шулай ук инициатива авторы россиялеләрнең бер өлеше вакциналарның зыяны турындагы уй-фикерләрен пропагандалавына, шул ук вакытта кайбер медицина хезмәткәрләре бу мифларны кабатлауларына игътибар иткән. Моннан тыш, аны сертификатлар һәм QR-кодлар сату кара базары борчый. «Шуңа бәйле рәвештә, медицина күрсәткечләре булмаганда вакциналаштырудан баш тартуга чакыру өчен, вакциналаштыру турында дөрес булмаган һәм зарарлы мәгълүмат таратучы медицина хезмәткәрләре өчен, гражданнарга ялган сертификатлар һәм вакциналаштыру турында башка документлар сатып алган өчен җаваплылык билгеләү өлешендә җинаять кодексын тулыландыру идеясен бәяләвегезне сорыйм», — дип яза Чуйченко.