Ковидтан бушлай дарулар алу белән кыенлыклар булганда мөрәҗәгать итү урыны билгеле

(Казан, 8 гыйнвар, «Татар-информ»). Дәүләт Думасының сәламәтлек саклау комитеты әгъзасы Борис Менделевич россиялеләрне коронавирустан бушлай дарулар алу белән кыенлыклар килеп чыккан очракта баш табибка һәм COVID-19 буенча кайнар линиягә мөрәҗәгать итәргә өндәде. Ул колл-үзәк эшен шәхсән үзе тикшергәнен әйтте. Бу турыда РИА Новости хәбәр итә. Парламентарий аңлатканча, төбәкләргә коронавирус белән авыручылар өчен даруларга 5 миллиард сумнан артык акча җибәрелгән. Сүз амбулатор шартларда медицина ярдәме алучы пациентлар турында бара, ягъни авырулар табиблар күзәтүендә өйдә дәвалана. Авыруның тискәре агымын һәм катлаулануын кисәтү өчен профилактикалау өчен дәвалауның катнаш схемаларын билгелиләр. Барлык кирәкле препаратлар дәвалаучы табиб рецепты буенча бушлай бирелә. Менделевич сүзләренчә, барлык пациентларга да бушлай даруга рецепт бирмәве буенча шикаятьләр килә. «Һәркемнең организмы төрле, вирусларның симптомнары охшаш булуын аңларга кирәк. Шуңа күрә бу очракта төп карарны табиб кабул итә. Әгәр пациент диагнозның дөреслегеннән шикләнә икән, медицина учреждениесенең баш табибына, шулай ук Россия сәламәтлек саклау күзәтчелеге хезмәтенең төбәк бүлегенә һәм Сәламәтлек саклау министрлыгына мөрәҗәгать итә ала. Мисал өчен, Мәскәүдә +7 (495) 870-45-09 номеры буенча коронавирус буенча кайнар линиягә шалтыратырга мөмкин, ә Санкт-Петербургта — 8-800-555-49-43, Татарстанда- 8-800-222 59-00.