Әлмәт районында өч машина бәрелешкән, зыян күрүчеләр арасында берничә бала да бар
(Казан, 5 гыйнвар, «Татар-информ»). Әлмәт районында өч машина бәрелешкән, зыян күрүчеләр арасында берничә бала да бар. Бу хакта аварияне күргән кешеләр хәбәр итте. Бүген Әлмәт районында Кичуй авылы янында «Киа», «Нива» һәм «Фольксваген Тигуан» автомобильләре бәрелешкән. Шаһитлар әйтүенчә, авария нәтиҗәсендә алты кеше зыян күргән, алар арасында дүрт бала да бар.