Новости за 29.12.2019

(Ютазы, 29 декабрь, «Татар-информ», «Ютазы таңы», Илмира Галиева). Бу көннәрдә Ютазы районы тарихында тәүге тапкыр Кыш бабайлар һәм Кар кызлары парады узды. Аларга әкияттән патшалыгыннан килгән күп сандагы персонажлар кушылды. Бу турыда район басмасы хәбәр итә.

(Чирмешән, 29 декабрь, «Татар-информ», «Безнең Чирмешән», Кадрия Гамирова). Чирмешән районының балигъ булмаганнар эшләре һәм аларның хокукларын яклау комиссиясенең чираттагы утырышына кабат спиртлы эчемлекләр яратучы әниләр чакырылган иде. Бу турыда район басмасы хәбәр итә.

(Казан, 29 декабрь, «Татар-информ»). Кичә Түбән Камада бәйрәм алды авыл хуҗалыгы ярминкәләре ачылды. Сату барышы белән шәһәр мэры Айдар Метшин танышты. Түбән Кама мэры фермерлар белән аралашты, үзенә бәйрәм өстәленә каз сатып алды. Бу турыда Түбән Кама муниципаль районы рәсми сайтында хәбәр ителә.

(Әгерҗе, 29 декабрь, «Татар-информ», «Әгерҗе хәбәрләре», Миләүшә Ягъфәрова). Бу көннәрдә Әгерҗе егете Максим Грошев Россия җыелма командасы составында Чехиядә яшьләр арасында хоккей буенча Дөнья чемпионаты уеннарында катнаша. Ярышлар 5 гыйнварга кадәр дәвам итәчәк. Командада иң яшь уенчы да ул. Бу турыда район басмасы хәбәр итә.

(Казан, 29 декабрь, «Татар-информ»). Яңа ел алдыннан Лаеш балалар йорты төшерү мәйданчыгына әверелде: анда тәрбияләнүчеләр «Россия 1 Татарстан» телеканалы тарафыннан оештырылган «Гади хыяллар» проектында катнашты. Бу хакта «Камская новь» газетасы яза.

(Казан, 29 декабрь, «Татар-информ»). Хәзер Куйбышев сусаклагычы территориясендә бозга чыгу бик куркыныч. Бу хакта Кече суднолар буенча ТР баш дәүләт инспекторы Юрий Венедиктов хәбәр итте.

(Казан, 29 декабрь, «Татар-информ»). «Россия — ислам дөньясы» стратегик караш төркеме эшенә Мальдив Республикасы кушыла ала. Бу мөмкинлек турында бүген Татарстан Президенты Рөстәм Миңнеханов һәм Мальдив Республикасының икътисад министры Файйаз Исмәгыйль фикер алышты. Бу хакта «Татар-информ»га Татарстан җитәкчесе матбугат хезмәтендә хәбәр иттеләр.

(Казан, 29 декабрь, «Татар-информ»). Татарстанда кар чанасында боз астына киткән 17 яшьлек балыкчыны коткарганнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 29 декабрь, «Татар-информ»).Һава торышы Татарстанда боз кичүләренә техник тикшерү үткәрергә мөмкинлек бирмәде. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 29 декабрь, «Татар-информ»). Россия Президенты Владимир Путин заемчыга кулланучылар кредитын яки ипотекасын вакытыннан алда түләп бетергәндә иминиятнең бер өлешен кире кайтару мөмкинлеген бирә торган законга кул куйды. Документ хокукый мәгълүмат интернет-порталында басылды.

(Казан, 29 декабрь, «Татар-информ»). 2019 елның 23 декабрендә Омск өлкәсенең Тара шәһәрендә муниципаль район хакимияте ярдәме белән 2020 елның гыйнварыннан эшли башлаячак якшәмбе татар мәктәбе ачу турында карар кабул ителде. Бу хакта Бөтендөнья татар конгрессы матбугат хезмәте хәбәр итә.

(Казан, 29 декабрь, «Татар-информ»). Лаеш районында боз чатнап, ярдан ерганак белән аерылып калган тугыз балыкчыны коткарганнар. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр

Украина хакимиятләре һәм илнең көнчыгышындагы Русия тарафлы фетнәчеләр тоткыннар алышуны башлады. Ул 29 декабрьдә Донецки өлкәсенең Горловка янында контроль-уздыру урынында оештырыла.

(Казан, 29 декабрь, «Татар-информ»). Россия психиатры, Дәүләт Думасының сәламәтлек саклау комитеты әгъзасы Борис Менделевич Яңа ел бәйрәмнәрендә гражданнарга аек булып калырга тәкъдим итә.Бу хакта Интерфакс хәбәр итә.

Израилдәге хастаханәдә "Достучаться до сердец" хәйрия проекты авторы Марсель Имәнголов вафат булган. Ул үзе дә яман шеш белән көрәште, Русиядә бу чир турында сөйләшү юк, аны аңлату юк дип сөйли иде.

(Казан, 29 декабрь, «Татар-информ»). Экспертлар метаболизмны тизләтергә теләгән кешеләргә рекомендацияләр исемлеген төзеде. Бу хакта Food News язмасына сылтама белән РИА Новости хәбәр итә.

(Казан, 29 декабрь, «Татар-информ»). РФ Президенты Владимир Путин россиялеләргә тиешле ташламалар турындагы мәгълүматны үзләре теләгән ысул белән сайлау алу хокукын бирә торган законга кул куйды. Документ хокукый мәгълүматның рәсми интернет-порталында басылып чыкты.

(Казан, 29 декабрь, «Татар-информ»). Тимераякта фигуралы шуу буенча Россия чемпионы булып 15 яшьлек Анна Щербакова танылды. Ул Красноярскта узган кыска һәм ирекле программалар прокатында 261,87 балл алды. Узган сезонда Россия чемпионатында шулай ук Щербакова җиңгән иде.

(Казан, 29 декабрь, «Татар-информ»). Аксубай районында шәхси йорт янып беткән, янгында ир-атның гомере өзелгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 29 декабрь, «Татар-информ»). Гадәттән тыш хәлләр министрлыгы хезмәткәрләре 25 декабрьдә балык тотарга киткән һәм югалган ир-атны эзләүләрен дәвам итә. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 29 декабрь, «Татар-информ»). Башкортстан язучылары юбилей елын кыш һәм, билгеле инде туган як турындагы шигырьләр һәм җырлар белән озатты. Бу хакта «Башинформ» хәбәр итә.

(Казан, 29 декабрь, «Татар-информ»). РФ Президенты Владимир Путин үзмәшгуль гражданнарга, шулай ук шул ук шартларда кече һәм урта бизнеста булган кайбер башка юридик затларга дәүләт корпорацияләре сатып алуларында катнашырга мөмкинлек бирүче законга кул куйды. Тиешле документ шимбә көнне хокукый мәгълүмат рәсми порталында басылып чыкты. Бу хакта РИА Новости хәбәр итә.

(Казан, 29 декабрь, «Татар-информ»). Кулланучылар хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) Яңа ел алдыннан тамаша-күңел ачу чараларына билетлар сатып алу һәм аларны кире кайтару буенча россиялеләргә киңәшләр бирде. Тәкъдимнәр ведомство сайтында урнаштырылган. Бу хакта РИА Новости хәбәр итә.

(Казан, 29 декабрь, «Татар-информ»). Түбән Камада Туфан Миңнуллин исемендәге татар дәүләт драма театрының яңартылган бинасы ачылды. «Яшәешнең гүзәл мизгелләре» дип аталган чара театрның 30 еллык юбилеена багышланды. Бу турыда Түбән Кама муниципаль районы рәсми сайтында хәбәр ителә.

(Казан, 29 декабрь, «Татар-информ»). Яңа 2020 елның беренче көнендә, 1 гыйнварда, Түбән Кама спортчылары йөгерешкә чыгачак. «Гаилә» паркында «Вәгъдәләр йөгереше» дип аталучы узышны активист Жениш Укубаев оештыра. Бу турыда Түбән Кама муниципаль районы рәсми сайтында хәбәр ителә.