Новости за 09.12.2019

(Әлмәт, 9 декабрь, «Татар-информ», «Әлмәт таңнары»). Самара шәһәрендә полиция хезмәткәрләре җинаять кылуда шикләнелүче 37 яшьлек Әлмәт кешесен тоткарлаган. Ул витринаны ватып, ярты миллион сумлык алтын урлап качкан. Бу турыда район басмасы хәбәр итә.

"Сәяси репрессияләргә каршы аналар" хәрәкәтенең ике әгъзасы сәяси тоткыннарга теләктәшлек йөзеннән ачлык игълан иткән.

(Саба, 9 декабрь, «Татар-информ», «Саба таңнары», Рөстәм Исмәгыйлов). Сабада Шамил Зиннур улы Зиннуровның якты истәлегенә багышланган «Син яшәдең, сөйдең, яшьнәдең!» китабын тәкъдим иттеләр. Бу турыда район басмасы хәбәр итә

(Казан, 9 декабрь, «Татар-информ», Гөлия Хәсбиуллина). Бүген Г. Камал исемендәге Татар дәүләт академия театрында Ш. З. Закиров исемендәге XIX Төбәкара «Идел-йорт» театр коллективлары бәйгесенең бүләкләү тантансында җиңүчеләр билгеле булды. Гран-прига лаеклы Сарман халык театры коллективы 1 миллион сум белән бүләкләнде.

(Казан, 9 декабрь, «Татар-информ»). Татарстан Президенты Рөстәм Миңнеханов видеоэлемтә аша Стратегик үсеш һәм илкүләм проектлар буенча РФ Президенты каршындагы Совет Президиумы утырышында катнашты. Бу хакта республика җитәкчесе матбугат хезмәте хәбәр итә.

(Казан, 9 декабрь, «Татар-информ», Артур Шипилов). Казан Кремленең рәсми вәкиле Лилия Галимова Бөтендөнья допингка каршы агентлыкның Россиядә халыкара ярышлар үткәрүне тыю турындагы Татарстанга да кагылырга мөмкин булган карарына аңлатма бирде.

(Казан, 9 декабрь, «Татар-информ»). Татарстан һәм Казахстан хезмәттәшлекне киңәйтү яклы. Бүген Татарстан Дәүләт Советы Рәисе Фәрит Мөхәммәтшин Федерация Советы һәм Казахстан Парламенты Сенаты арасында хезмәттәшлек буенча комиссиянең 15нче утырышында әнә шулай дип белдерде. Бу хакта республика парламенты матбугат хезмәте хәбәр итә.

(Казан, 9 декабрь, «Татар-информ»).Татарстан Президенты Рөстәм Миңнеханов Казан Кремлендә Россия Федерациясе Федераль Җыены Федерация Советы белән Казахстан Республикасы Парламенты Сенаты арасында хезмәттәшлек буенча комиссия рәистәшләре белән очрашты. Бу хакта Татарстан Президенты матбугат хезмәте хәбәр итә.

(Казан, 9 декабрь, «Татар-информ»). 14 декабрьдә Мәскәүнең Татар мәдәни үзәгендә төрки дөнья язучысы һәм тикшеренүчесе Морад Аджиның (1944-2018) тууына 75 ел тулуга багышланган чара узачак. Бу хакта Татарстан Республикасының Россия Федерациясендәге Тулы вәкаләтле вәкиллеге матбугат хезмәте хәбәр итә.

(Истанбул, 9 декабрь, “Татар-информ”, Рушания Алтай). Төркиянең иң әһәмиятле өч телеканалында Төркия сәнәгать һәм технология министры Мостафа Варанкның Татарстанга рәсми сәфәре һәм Татарстан Президенты Рөстәм Миңнеханов белән күрешүе күрсәтелде.

(Казан, 9 декабрь, Татар-информ»). 2020 елгы Бөтенроссия халык санын алу 2020 елның 1-31 октябрендә узачак. Әмма ерак һәм үтеп керү кыен булган территорияләрдә ул 1 апрельдән башланачак һәм 2020 елның 20 декабрендә төгәлләнәчәк. Тиешле карарны Россия Премьер-министры Дмитрий Медведев имзалады.

(Казан, 9 декабрь, «Татар-информ», Диана Авакян). Бөтендөнья допингка каршы агентлык башкарма комитетының (WADA) Россияне дүрт елга халыкара спорт турнирларында катнашудан тыю карары 2021 һәм 2024 елларда Казан планнарына йогынты ясамаячак. Бу хакта «Татар-информ»га Татарстан спорт министры Владимир Леонов сөйләде.

(Казан, 9 декабрь, «Татар-информ» , Полина Шевчук). Чаллыда чит ил машинасы йөртүчесе юлга кинәт килеп чыккан ирне бәрдергән, ир-ат үлгән. Бу хакта «Татар-информ»га агентлыкның юл-транспорт һәлакәтләре урыныннан үз хәбәрчесе сөйләде.

(Казан, 9 декабрь, "Татар-информ', Рузилә Мөхәммәтова). Күренекле татар язучысы Әхәт Гаффар үзенең иҗат кичәсен талантлы якташлар очрашуы буларак күзаллаган. Татарстан язучылар берлегенең Тукай клубында язучының 70 яшьлегенә багышланган юбилей кичәсе бара.

(Чаллы, 9 декабрь, «Татар-информ», Эльвира Мөхәммәтдинова). Чаллы полициясе 6 декабрьдә өйдән чыгып китеп югалган 11 яшьлек малайны эзли. Бу хакта «Татар-информ»га Россия Эчке эшләр министрлыгының Чаллы бүлегендә хәбәр иттеләр.

(Казан, 9 декабрь, «Татар-информ»). Атлантик циклоннар китергән җылы һава торышына алмашка атнаның икенче яртысында Татарстанга суыклар килә. Бу хакта Татарстан Гидрометеорология үзәге хәбәр итә.

(Казан, 9 декабрь, “Татар-информ”). Роспотребнадзор мошенниклыкның яңа төре турында кисәтә. Бу хакта РИА Новости хәбәр итә.

(Казан, 9 декабрь, «Татар-информ»). Октябрь нәтиҗәләре буенча Татарстан төзелешне проектлы финанслау күләме буенча илнең топ-3 төбәге исемлегенә керде. Мондый мәгълүматлар Россия Банкы хисабында күрсәтелгән.

(Казан, 9 декабрь, «Татар-информ»). 11 декабрьдә Казанда ТР мөселманнары Диния нәзарәтенең «Лекторий» мөселман яшьләре проектының чираттагы ачык лекциясендә «Хәләл» стандартлары турында сөйләшәчәкләр. Бу хакта ТР Диния нәзарәте матбугат хезмәте хәбәр итә.

(Казан, 9 декабрь, «Татар-информ»). Мәскәү татарлары штабы резиденциясендә күренекле галим Абдулхан Әхтәмҗанны искә алдылар. Бу хакта Мәскәү татарлары Штабы матбугат хезмәте хәбәр итә.

(Казан, 9 декабрь, «Татар-информ»). Татарстан өчен Вьетнам белән хезмәттәшлекне үстерү мөһим, ул Россия-Вьетнам мөнәсәбәтләрен ныгытуга юнәлдерелгән. Татарстан Президенты Рөстәм Миңнеханов Казан Кремлендә Вьетнам Социалистик Республикасы Милли Җыены рәисе Нгуен Тхи Ким Нган ханым белән очрашуда белдерде. Бу хакта Татарстан Президенты матбугат хезмәте хәбәр итә.

(Казан, 9 декабрь, «Татар-информ»). Яңа ел каникулларында Казаннан Истанбул, Санкт-Петербург, Симферополь, Сочи һәм Мәскәүгә өстәмә авиарейслар ачылачак. Бу хакта Татарстан башкаласы аэропортының матбугат хезмәте хәбәр итә.

2020 елның 1 апреленнән Төркия кунакханәләрендә яшәү бәясеннән дәүләт файдасына салым алына башлаячак.

(Казан, 9 декабрь, «Татар-информ»). Чаллы мэры Наил Мәһдиев ябык футбол манежы төзелешенә старт бирде. Бу хакта «Челнинсие известия» газетасы яза.

ТР Сәламәтлек саклау министрлыгы хәзерге вакытта зыян күргән туристларны Мәскәүдән Казанга алып кайту мәсьәләсен тикшерә.