Новости за 28.12.2019

(Азнакай, 28 декабрь, «Татар-информ», «Маяк»). Азнакайның Халыклар дуслыгы йортында мигрантларның балалары өчен Яңа ел тамашасы узды. ​​​​​​​Әлеге чарага районда яшәүче төрле милләт диаспоралар гаиләләре чакырылды. Бу турыда район басмасы хәбәр итә.

(Кукмара, 28 декабрь, «Татар-информ», «Хезмәт даны»). Кукмараның Мәчкәрә коррекция-интернат мәктәбе үзенең 60 еллык күркәм юбилеен билгеләп үтте. Бәйрәм котлаулар, тәбрикләүләр, истәлекләрне барлау белән үрелеп барды. Бу турыда район басмасы хәбәр итә.

(Казан, 28 декабрь, «Татар-информ», Гөлия Хәсбиуллина). Бүген Казанда «Татнефть-Арена» боз сараенда «Ак Барс» хоккей командасы Ярославль шәһәренең «Локомотив»ын кабул итте. Уен «Ак Барс» файдасына 3:0 исәбе белән тәмамланды.

(Казан, 28 декабрь, «Татар-информ», «Ватаным Татарстан», Зөһрә Садыйкова). Узып баручы елга нәтиҗә ясап, киләсесенә планнар корыр вакыт җитте. Кеше тормышында һәр ел үз буразнасын сызып, ниндидер эз калдыра. Узып баручы елда халыкның кәефе ничек булган? Нинди мөһим вакыйгалар күңелләрендә аеруча тирән эз калдырган? Без даими рубрикабызда шул турыда белештек.

(Казан, 28 декабрь, «Татар-информ»). Россия Президенты Владимир Путин 2020 елга тупланма пенсияне (кешенең пенсияне алачак срогы) түләүнең көтелгән чорын арттыру турындагы законга имза куйды, бу чор ярты елга — 252 айдан 258 айга кадәр артыр дип көтелә.

(Казан, 28 декабрь, «Татар-информ»). Балык Бистәсендә ике фатирлы йортны файдалануга тапшырдылар. Анда Балык Бистәсе үзәк хастаханәсе табиблары яшәячәк. Бу хакта Татарстан Сәламәтлек саклау министрлыгының матбугат хезмәте хәбәр итә.

(Казан, 28 декабрь, «Татар-информ»). Россия Президенты Владимир Путин балаларны мәктәпкәчә мәгариф учреждениеләренә мәгълүмати системалар кулланып яздыру өчен бердәм нигезләр формалаштыру турындагы законга имза куйды. Бу турыда РИА Новости хәбәр итә.

(Казан, 28 декабрь, "Татар-информ"). Казан Федераль университеты Социаль-фәлсәфи фәннәр һәм гаммәви коммуникацияләр институты Журналистика һәм медиакоммуникацияләр югары мәктәбенең 4 курс студенты, «Татар-информ» агентлыгының татар редакциясе журналисты Назлыгөл Мәсәлимова «ИФСНиМК — это мир» иҗади бәйгесендә беренче урын алды.

(Казан, 28 декабрь, «Татар-информ»). Казанда күпкатлы йорттагы фатирда ир-ат караватта яткан килеш янган әтисен тапкан. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 28 декабрь, «Татар-информ», Надежда Гордеева). Казанда Габдулла Тукай исемен визуализацияләү буенча «Казан» халыкара аэропортын бизәүдә балалар һәм яшьләр арасында иҗади эшләр конкурсы тәмамланды. Аның нәтиҗәләре Яңа ел бәйрәмнәрендә билгеле булачак. Бу хакта «Татар-информ» мәгълүмат агентлыгына интервьюсында «ДАШКА» балалар архитектура-дизайнерлык мәктәбе директоры Мария Латыйпова сөйләде.

(Казан, 28 декабрь, «Татар-информ»). Казан үзәгендәге биш катлы йорттагы фатирда киенү-чишенү бүлмәсендә янгын чыккан. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 28 декабрь, «Татар-информ»). 2019 елда Татарстан Россия Президенты Владимир Путин боерыгы нигезендә 2,6 млн квадрат метрга кадәр төзелеш темпларын һәм торак тапшыру күләмен арттырды. Бу хакта Татарстан Республикасы Төзелеш, архитектура һәм ТКХ министрлыгы матбугат хезмәте җитәкчесе Гөлназ Миңнеханова хәбәр итте.

(Казан, 28 декабрь, «Татар-информ»). 2020 елдан Россиядә хезмәт хакының минималь күләме 850 сумга артачак һәм аена 12 мең 130 сум тәшкил итәчәк. Россия Президенты Владимир Путин имза куйган тиешле документ хокукый мәгълүматның рәсми интернет-порталында урнаштырылган.

(Казан, 28 декабрь, «Татар-информ»). 2018 елдан башлап хәзерге вакытка кадәр Новосибирск шәһәрендә чат татарлары тарихын мәңгеләштерү буенча зур эш алып барыла. Бу турыда Бөтендөнья татар конгрессы хәбәр итә.

(Казан, 28 декабрь, «Татар-информ»). Казанда Халыкара компетенцияләр үзәге базасында биш яңа остаханә ачылды. Мәйданчыклар җитмештән артык эш урынын сыйдыра, аларда Татарстан икътисады өчен заманча белгечләр әзерләячәкләр. Бу хакта Татарстан Мәгариф һәм фән министрлыгы матбугат хезмәте хәбәр итә.

(Казан, 28 декабрь, «Татар-информ»). Бүген Чиләбедә Муса Җәлил исемендәге мәктәптә туган телләрен өйрәнүче балалар өчен Яңа ел бәйрәме узды. Бу турыда Бөтендөнья татар конгрессы хәбәр итә.

(Казан, 28 декабрь, «Татар-информ»). Татарстан Дәүләт Советы Рәисе Фәрит Мөхәммәтшин Алма-Атадан Нур-Солтанга очкан авиалайнерның һәлакәтенә бәйле рәвештә Казахстан Парламенты Сенаты Рәисе Дарига Назарбаеваның, Парламент Мәҗлесе рәисе Нурлан Нигъмәтуллинның һәм Казахстанның Казандагы Генераль консулы Жант Мурзалинның кайгысын уртаклашты.

Стали известны победители фотобатла «Новогодние игрушки нашего детства»

(Казан, 28 декабрь, «Татар-информ», Надежда Гордеева). Бүген Казанда Татарстан мәгариф һәм фән министры Рафис Борһанов «Абилимпикс» V илкүләм чемпионатында җиңүчеләр һәм призерлар белән очрашты. Мәгариф һәм фән министры чарада катнашучыларга ярышларда лаеклы чыгыш ясаулары өчен рәхмәт әйтте.

(Казан, 28 декабрь, «Татар-информ»). 24 декабрьдә 2019 елда төбәк атналыгы кысаларында Дәүләт Думасы депутаты Нурлат һәм Зәй районнарында халыкны кабул итте. Аларга Нурлат районыннан алты кеше һәм Зәйдән ике кеше төрле сораулар белән мөрәҗәгать итте.

(Казан, 28 декабрь, «Татар-информ»). Рөстәм Миңнеханов Алабугада яшәүче алты яшьлек малайның янгын сүндерү частендә булу хыялын чынга ашырды. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 28 декабрь, «Татар-информ», Рузилә Мөхәммәтова). Әтнә театры Мольер әсәренең театр сәхнәсендә беренче чиратта үзен сынап карау һәм артистларны үстерү өчен куелуын әйтә. Театр Ж.-Б. Мольерның «Мещанин во дворянстве» комедиясе буенча «Көрәктән — сәнәк» спектаклен чыгарды. Премьерада «Татар-информ» хәбәрчесе дә булды.

(Казан, 28 декабрь, «Татар-информ»). Кичә Казанның «Зилант» спорт комплексының боз мәйданчыгында мөселман һәм православие дин әһелләре катнашында хоккей матчы узды. Дусларча очрашуда ТР мөселманнары Диния нәзарәте, Казан епархиясе вәкилләре, шулай ук Казан шәһәре Башкарма комитеты Аппаратының Телләрне үстерү һәм иҗтимагый оешмалар белән үзара багланышлар бүлеге хезмәткәрләре катнашты. Бу хакта ТР Диния нәзарәтенең матбугат хезмәте хәбәр итә.

Готовь сани с лета, говорят в народе.

Смотрите в эфире в период новогодних праздников!