Новости за 19.12.2019

(Казан, 19 декабрь, «Татар-информ»). Актаныш спортчылары Фарис Хуҗин һәм Илфир Әнвәров «Ел спортчысы-2019» җиңүчеләре булып танылда. Бу турыда Актаныш муниципаль районы сайтында хәбәр ителә.

(Казан, 19 декабрь, «Татар-информ», Гөлия Хәсбиуллина). Бүген «Ак Барс» хоккей командасы Казанда Спорт сараенда Уфаның «Салават Юлаев»ы белән көч сынашты.

(Казан, 19 декабрь, «Татар-информ»). Бу атнада Яңа Чишмә районында абсолют җиңүче һәм районның иң югары бүләгенә ия булучы дип Гарев Владимир танылды, аны Fiat Albea автомобиле белән бүләкләделәр. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә.

(Казан, 19 декабрь, «Татар-информ», «Ватаным Татарстан», Сәрия Мифтахова). 28 декабрьдә кышкы каникул башлана. Россия мәгърифәт министры Ольга Васильева балаларга кышкы каникулда өй эше бирмәскә дигән фикердә. Ә менә җәйге ялны үзгәрешләр көтәргә мөмкин. Мәгариф түрәләре канкулны кыскартырга тәкъдим итә. Кыскарган җәйнең файдасы булырмы?

(Казан, 19 декабрь, «Татар-информ», Зилә Мөбәрәкшина филология фәннәре докторы, КФУ профессоры Ләйлә Минhаҗева шәхес, беренче чиратта, туган ягында хөрмәт казанырга тиешлеген әйтте. Бу хакта ул «Татар-информ» хәбәрчесенә Балтач урта мәктәбендә татар язучылары hәм галимнәре катнашында узган юбилей кичәсеннән соң сөйләде.

(Казан, 19 декабрь, «Татар-информ»). Казанның «Мәскәү» мәдәният үзәгендә «Игелек чәчәге» дигән хәйрия очрашуы узачак. Очрашуда катнашучыларга профессиональ рәссам натюрморт ясау буенча мастер-класс күрсәтәчәк. Бу хакта Татарстан башкаласының Киров һәм Мәскәү районнары матбугат хезмәте хәбәр итә.

(Казан, 19 декабрь, «Татар-информ», Марат Ишкильдин). Күренекле эстрада җырчысы һәм тенор-альтино Альберт Әсәдуллин Париждагы авиасалонда тәкъдим ителергә тиешле җырның фонограммасын туктатып, аның урынына Габдулла Тукай шигыренә язылган татар халык җырын башкарган. Артист ТАССР оешуның 100 еллыгына старт бирүгә багышланган тантаналы чарада шулай дип белдерде.

(Казан, 19 декабрь, «Татар-информ», Екатерина Ларионова). Татарстан һәм Башкортстанның халык, Россиянең атказанган артисты Алсу бөтен дөньядагы татарларны берләштергән өчен ТР Президенты Рөстәм Миңнехановка рәхмәт белдерде. Республика җитәкчелегенә рәхмәт сүзләрен ул «Казан Экспо» халыкара күргәзмәләр үзәгендә ТАССР оешуның 100 еллыгына старт бирүгә багышланган концерт вакытында әйтте.

(Казан, 19 декабрь, «Татар-информ»). «Бердәм Россия» партиясе активистлары дәүләт программасы булдыру инициативасы белән чыгарга ниятли. Ул киләчәктә илдә барлык ятим балаларны да торак белән тәэмин итәргә мөмкинлек бирәчәк. Татарстан - мондый программа инде гамәлгә ашырыла торган Россиянең тәүге төбәкләреннән берсе. Бу хакта «Татар-информ» агентлыгына «Бердәм Россия» Бөтенроссия сәяси партиясенең Татарстан төбәк бүлеге мәгълүмат үзәгеннән хәбәр иттеләр.

(Казан, 19 декабрь, «Татар-информ»). Казанда автобус кисәк туктау нәтиҗәсендә, бер пассажир салонда егылып, умыртка баганасын сындырган. ТР Автотранспорт предприятиеләре ассоциациясе социаль челтәрдәге үз сәхифәсендә шул хакта һәм башка юл һәлакәтләре турында видеороликлар урнаштырган.

(Казан, 19 декабрь, «Татар-информ», Лилия Гаделшина). Татарстанның беренче Президенты Минтимер Шәймиев республика халкын ТАССРның 100 еллыгы белән котлады. «Татарстан тарихында без бу вакыйганы горурланып, үз-үзебезгә хөрмәт хисләре белән бәйрәм итәбез», — диде ТР Дәүләт Киңәшчесе бүген Татарстанда 2020 елда ТАССРның100 еллыгы елын ачу тантанасында.

(Казан, 19 декабрь, «Татар-информ»). Осиново бистәсендә калдыкларны термик зарарсызландыру заводын төзү проекты хакында Татарстан Президенты Рөстәм Миңнеханов дәрәҗәсендә халыкара экспертиза нәтиҗәләре алынганнан соң гына фикер алышып булачак. Казан Кремленең рәсми вәкиле Лилия Галимова «Татар-информ» агентлыгы хәбәрчесенә шулай дип белдерде.

(Казан, 19 декабрь, «Татар-информ», Лилия Гаделшина). Татарстан соңгы 100 елдагы тарихында зур уңышларга ирешеп, бүген иң алдынгы төбәкләр сафына басты. Бу хакта Татарстан Президенты ТАССРның 100 еллыгын ачу тантанасында әйтте. Бәйрәм вакыйгасы бүген «Казан Экспо» Күргәзмәләр үзәгендә урнашкан Илһам Шакиров исемендәге концерт залында оештырылды.

Рәсми булмаган мәгълүматларга караганда, Мәскәүдә ФСБ бинасы янында махсус хезмәтләрнең берничә вәкиле үтерелгән яки яраланган. Ут ачучы үтерелгән.

(Казан, 19 декабрь, «Татар-информ», Надежда Гордеева). Россия Президенты Владимир Путин 31 декабрьне ял көне итү тәкъдимен максатка ярашлы дип саный. Бүген зур матбугат конференциясе барышында ул шул хакта хәбәр итте.

2016 елда Кара диңгездә булган Ту-154 очкычы казасы эше җинаять составы булмау сәбәпле ябылды. Бу турыда Русия тикшерү комитеты зыян күрүчеләргә хәбәр иткән.

(Казан, 19 декабрь, «Татар-информ», Лилия Гаделшина). Бүген Татарстан Республикасы Президенты Рөстәм Миңнеханов «ТАССР төзелүнең 100 еллыгы» медальләрен тапшырды. Беренче булып әлеге дәүләт бүләгенә Татарстанның беренче Президенты, ТР Дәүләт Киңәшчесе, Россиянең Хезмәт герое Минтимер Шәймиев лаек булды.

(Казан, 19 декабрь, «Татар-информ», Надежда Гордеева). Киләсе елда Россиядә пенсия 6,6 процентка артачак. РФ Президенты Владимир Путин зур матбугат конференциясе барышында шул хакта белдерде.

ТАССРның 100 еллыгы бәйрәм итә башлауга фатиха бирелде.

(Казан, 19 декабрь, «Татар-информ», Гөлнар Гарифуллина). Бүген һәр биш авылның берсендә халык саны 50 дән ким. Бу хакта бүген ТР Муниципаль берәмлекләр советы съездында совет рәисе Әгъзам Гобәйдуллин әйтте.

(Казан, 19 декабрь, «Татар-информ», Зилә Мөбәрәкшина). Австралиядә яшәүче татар җырчысы Зуля Камалова чит ил татарлары белән «Ай, былбылым» татар халык җырына «Казан Экспо»да бүген флешмоб уздырачак. Бу хакта «Татар-информ» хәбәрчесенә Yummy music лейблы җитәкчесе Ильяс Гафаров сөйләде.

(Казан, 19 декабрь, «Татар-информ», Надежда Гордеева). Дәүләт башлыгы Владимир Путин РФ Конституциясенә Президент срокларына кагылышлы үзгәрешләр кертү мөмкинлеге турында белдерде. РФ Президенты бүген зур матбугат конференциясе барышында шул хакта хәбәр итте.

Русия президенты җурналистлар белән очрашуы вакытында милли мәсьәләләр турында сорауга җавап биреп, кайбер кискен проблемнарны йомшартучы чаралар уздырырга кирәк диде

(Казан, 19 декабрь, «Татар-информ»). Казанның Галиев мәчетендә «Яшь вәгазьче» республика бәйгесендә җиңүчеләрне бүләкләделәр. Конкурста Тукай, Буа, Саба, Лениногорск, Апас һәм башка районнарынан вәкилләр катнашты. Бу хакта Татарстан Республикасы диния нәзарәте матбугат хезмәте хәбәр итә.

(Казан, 19 декабрь, «Татар-информ», Адилә Зыятдинова). Калинград татарларының дини оешмасының оештыручысы Хәким Биктеев Татарстанның татар халкы өчен ни дәрәҗәдә әһәмиятле булуын әйтте. Бу хакта «Казан ЭКСПО» да ул ТАССРны бәйрәм итүгә багышланган чарада «Татар-информ» журналистына әйтте.