Новости за 14.12.2019

(Ютазы, 14 декабрь, «Татар-информ», «Ютазы таңы», Илмира Галиева). Ютазы районы хатын-кызлар советы рәисе Наилә Хөснетдинова түгәрәк өстәл артында катнашучылар игътибарын ТАССРның 100 еллык юбилее уңаеннан эшләнгән план белән таныштырды. Бу турыда район басмасы хәбәр итә.

(Чирмешән, 14 декабрь, «Татар-информ», «Безнең Чирмешән», Марат Гомәров). Чирмешән ягыннан барганда, халык телендәге «Кармалка борылышы» тирәсендә «КамАЗ» автомашиналары бәрелешкән. Берсенең йөртүчесен Әлмәт хастаханәсенә озатканнар. Бу турыда район басмасы хәбәр итә.

(Казан, 14 декабрь, «Татар-информ»). Бөгелмә спортчысы Илдан Махиянов батутта сикерү буенча дөнья беренчелегендә «алтын» һәм «көмеш» яулады. Бу турыда Бөгелмә мөниципаль районы сайтында хәбәр ителә.

(Кукмара, 13 декабрь, «Татар-информ», «Хезмәт даны»). Кукмарада Совет гаскәрләренең Әфганстаннан чыгарылуына 30 ел тулу уңаеннан әфганчы-сугыш инвалидларына, һәлак булган сугышчы-интернационалистларның тол хатыннарына бер тапкыр бирелә торган акчалата түләүләр тапшырылды. Бу турыда район басмасы хәбәр итә.

(Казан, 14 декабрь, «Татар-информ», Артур Шипилов). Бөтендөнья допингка каршы агентлыкның Россия спортчыларының дөнья чемпионатларында һәм Олимпиадаларда чыгышларын тыю турындагы карары киберспортка кагылмаячак. Бу хакта Россия Кубогының Казанда гранд-финалы вакытында Россия киберспорт федерациясе президенты Дмитрий Смит сөйләде.

(Казан, 14 декабрь, «Татар-информ», Артур Шипилов). Казанда киберспорт буенча халыкара ярышлар үткәрелергә мөмкин. Бу хакта Татарстан Республикасы Премьер-министры урынбасары Ләйлә Фазлыева сөйләде.

(Казан, 14 декабрь, «Татар-информ»). Казанда вафат дип ялгышлык белән игълан ителгән 97 яшьлек ветеран Михаил Павловны тиешле субсидияләр алу исемлекләренә яңадан керткәннәр. Бу хакта «Татар-информ» мәгълүмат агентлыгына Казан шәһәренең Киров һәм Мәскәү районнары администрациясендә хәбәр иттеләр.

Казан хакимияте чараны Киров районындагы Петров паркында уздырырга тәкъдим иткән.

(Лаеш районы, 14 декабрь, «Татар-информ», Диана Авакян). Татарстанда ашлыкны тирәнтен эшкәртү предприятиесен төзү мәсьәләсен оператив рәвештә хәл итәргә кирәк. Республика продукциясенең конкурентлыкка сәләтлелеге шуңа бәйле. Бу хакта Татарстан Премьер-министры урынбасары — республика авыл хуҗалыгы һәм азык-төлек министры Марат Җәббаров Татарстан Дәүләт Советының Экология, табигатьтән файдалану, агросәнәгать һәм азык-төлек сәясәте комитетының күчмә утырышында сөйләде.

(Казан, 14 декабрь, «Татар-информ»). 2020 елның 31 мартында Россиядә «энергия нәтиҗәлелеге этикеткасы» исемен алган ГОСТ үз көченә керәчәк. Бу хакта «Автостат» хәбәр итә.

Сегодня авторынок в России находится в пограничном состоянии между стагнацией и падением, отметил Вячеслав Зубарев.

(Казан, 14 декабрь, «Татар-информ», Валерия Белова). Бүген Казан югары танк училищесы территориясендә йөздән артык хәрби хезмәткәр гаиләсе яңа фатир ачкычлары алды.

(Казан, 14 декабрь, «Татар-информ», Вероника Ваганова). Россия Финанс министрлыгы башлыгы Антон Силуанов Казанда узган Татарстан Финанс министрлыгы, Федераль Салым хезмәтенең Татарстан буенча идарәсе, Федераль казначылыкның Татарстан буенча идарәсенең уртак коллегия утырышында федераль үзәк алдында республиканың кредит бурычын реструктуризацияләү карары турында хәбәр итте.

(Казан, 14 декабрь, «Татар-информ», Вероника Ваганова). Татарстан тәҗрибәсе буенча махсус салым режимына Россиянең барлык төбәкләрендә ихтыяҗ булачак. Мондый фикерне Татарстан Президенты Рөстәм Миңнеханов Казанда узган коллегиядән соң журналистлар белән аралашканда әйтте.

(Казан, 14 декабрь, «Татар-информ»). Татарстанда 2019 ел нәтиҗәләре буенча 2018 елга карата тулаем төбәк продукты үсеше көтелә, сәнәгать җитештерүе индексы 101,3 процент тәшкил итәчәк. Бүген бу турыда Татарстан Финанс министрлыгы, Федераль салым хезмәтенең Татарстан буенча идарәсе, Федераль казначылык хезмәтенең Татарстан буенча идарәсенең уртак коллегиясендә ТР Президенты Рөстәм Миңнеханов сөйләде. Бу хакта республика җитәкчесенең матбугат хезмәте хәбәр итә.

(Казан, 14 декабрь, «Татар-информ», Вероника Ваганова). Казанда узган Татарстан Финанс министрлыгы, Федераль Салым хезмәтенең Татарстан буенча идарәсе, Федераль казначылыкның Татарстан буенча идарәсенең уртак коллегия утырышында Россия Финанс министрлыгы башлыгы Антон Силуанов төбәктә илкүләм проектларны гамәлгә ашыруны уңай бәяләде. Киңәшмәдә Татарстан Президенты Рөстәм Миңнеханов та катнашты.

(Казан, 14 декабрь, «Татар-информ»). Торак тапшыру күләмен арттыру — барлык илкүләм проектларның иң катлаулысы. Бүген Татарстан Президенты Рөстәм Миңнеханов республика Хөкүмәте Йортында узган республика киңәшмәсендә шул хакта сөйләде. Бу хакта ТР Президенты матбугат хезмәте хәбәр итә.

(Казан, 14 декабрь, «Татар-информ», Полина Шевчук). Армиягә барудан качып йөргән Әрмәнстан гражданинын Казанда тотканнар. Бу турыда Татарстан буенча Эчке эшләр министрлыгы матбугат хезмәте хәбәр итә.

(Казан, 14 декабрь, «Татар-информ»). Татарстан Республикасы Президенты Рөстәм Миңнеханов апостол Андрей Первозванный фонды «Вера һәм верность» премиясе лауреатларының берсе булды. Бу хакта фонд сайтында хәбәр ителә.

(Казан, 14 декабрь, «Татар-информ»). Республикада авыл хуҗалыгы оешмаларының акчалата табышы быелның унбер аенда 109 млрд сум тәшкил итте, бу 2018 елның шул ук чоры белән чагыштырганда 16 процентка артык. Бу хакта Татарстан Премьер-министры урынбасары - республика авыл хуҗалыгы һәм азык-төлек министры Марат Җәббаров Татарстан Хөкүмәте Йортында узган киңәшмәдә әйтте.

(Казан, 14 декабрь, «Татар-информ», Александр Комарова). Бүген «Бөек Җиңү: мирас һәм варислар» XXVIII Халыкара Раштуа укуларының төбәк этабы ачылышында ТР Дәүләт Советы Рәисе урынбасары Татьяна Ларионова Татарстан Президенты Рөстәм Миңнехановның сәламләвен игълан итте.

(Казан, 14 декабрь, «Татар-информ»). Татарстан Президенты Рөстәм Миңнеханов бүген Татарстан Финанс министрлыгы һәм Татарстан салым органнары коллегиясенең уртак утырышын уздырачак. Киңәшмәдә Россиянең беренче вице-премьеры Антон Силуанов катнашыр дип көтелә. Бу хакта республика җитәкчесе матбугат хезмәтендә хәбәр иттеләр.

(Казан, 14 декабрь, «Татар-информ»). Чаллыга эш сәфәре кысаларында Россия Президенты Владимир Путин Татарстан Президенты Рөстәм Миңнеханов белән очрашу үткәрде. Анда Рөстәм Миңнеханов кыскача Татарстанның социаль-икътисади хәле һәм төбәктә кайбер илкүләм проектларны һәм республика программаларын гамәлгә ашыру турында хәбәр итте. Бу турыда республика җитәкчесенең матбугат хезмәте яза.

(Казан, 14 декабрь, «Татар-информ», Полина Шевчук). Татарстанда ут белән саксыз эш итү нәтиҗәсендә шәхси йортта янгын чыккан. Янгында йорт хуҗасы һәлак булган. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 14 декабрь, «Татар-информ»). Россия Президенты Владимир Путин КАМАЗның яңадан эшли башлавын һәм үсешен «көл фениксы»ның яңадан тууы белән чагыштырды. Бу хакта дәүләт башлыгы автогигант генераль директоры Сергей Когогин һәм «Ростех» дәүләт корпорациясе генераль директоры Сергей Чемезов белән очрашуда әйтте. Мәскәү Кремле матбугат хезмәте шул хакта хәбәр итә.