Новости за 30.12.2019

(Баулы, 30 декабрь, «Татар-информ», «Баулы-информ», Кадрия Гыймазова). Бүген, Яңа ел алдыннан, Баулы районының Васькино Туйралы һәм Николашкино авылларында ветеринария табибларына яңа йорт ачкычлары тапшырылды. Бу турыда район басмасы хәбәр итә.

(Әлмәт, 30 декабрь, «Татар-информ», «Әлмәт таңнары»). Шушы көннәрдә полиция бүлегенә Әлмәттә яшәүче хатын-кыз мөрәҗәгать иткән. Аның дүрт яшьлек улын эт тешләгән. Ханым эт хуҗасын җаваплылыкка тартуны таләп иткән. Бу турыда район басмасы хәбәр итә.

(Казан, 30 декабрь, "Татар-информ"). Милли китапханәнең Күргәзмәләр һәм мәдәни чаралар бүлеге (Кремль ур., 33 йорт) яңа елны «Әдәби премия лауреатлары» дигән экспозиция белән ачып җибәрә. Анда дөнья, Россия һәм Татарстан премияләре лауреатлары булган язучыларның китаплары куелган. Бу турыда китапханәнең матбугат хезмәте хәбәр итте.

(Казан, 30 декабрь, «Татар-информ»). Мәскәү өлкәсенең Яңа Мәскәү шәһәрендә татар милли-мәдәни автономиясе балалар һәм өлкәннәр өчен татар һәм рус телләрендә Яңа ел бәйрәме оештырды. Бу хакта Бөтендөнья татар конгрессы матбугат хезмәте хәбәр итә.

(Казан, 30 декабрь, «Татар-информ»). Бүген Россия Президенты Владимир Путин һәм Беларусь Президенты Александр Лукашенко телефон аша Белоруссиягә Россиядән нефть һәм газ җибәрү турында фикер алышты. Бу хакта БЕЛТА хәбәр итә.

(Казан, 30 декабрь, «Татар-информ»). Бүген Казан шәһәрендә Чистай һәм Әмирхан урамнары чатында «Миллениум Сити» (68нче квартал) һәм Юлиус Фучик урамындагы «Царицыно калкулыгы» торак комплексы йортларын файдалануга тапшыру актларына кул куелды. Әлеге йортлар башкала өлешчеләре озак көткән исемлектә тора иде. Бу хакта Өлешчеләргә ярдәм фонды матбугат хезмәте хәбәр итә.

(Казан, 30 декабрь, «Татар-информ»). Г.Камал исемендәге Татар дәүләт Академия театры артисты, Татарстанның атказанган артисты Фәнис Җиһанша татар киносында иң күп төшүче артист буларак бүләкләнде. Бу турыда театрның матбугат хезмәте хәбәр итте.

(Казан, 30 декабрь, «Татар-информ», Оксана Романова). Яңа ел бәйрәмнәреннән соң ТР Милли музеенда яңа экспозицияне монтажлау башлана. Эшләр өлешләп башкарыла, бу вакытта башка күргәзмәләр ябылмый. Экспозициянең ТАССРның 100 еллыгына багышланган беренче өлеше 15 февральдә ачыла. Бу хакта «Татар-информ» агентлыгына биргән интервьюсында ТР Милли музее генераль директоры Гөлчәчәк Нәҗипова хәбәр итте.

(Казан, 30 декабрь, «Татар-информ»). Татарстан Республикасының Россия Федерациясендәге Тулы вәкаләтле вәкиле урынбасары Эмиль Фәйзуллин Бөек Ватан сугышы ветераны Касыйм Локмановны 100 яшьлек туган көне һәм якынлашып килүче Яңа ел белән котлады. Бу хакта Татарстанның Россиядәге Тулы вәкаләтле вәкиллеге матбугат хезмәте хәбәр итә.

(Казан, 30 декабрь, "Татар-информ"). Татарстан башкаласында Айрат Хаматов призына бокс буенча Бөтенроссия ярышлары тәмамланды. Казан бокс мәктәбенең алты шәкерте Бөтенроссия турниры чемпионнары булды. Бу турыда Татарстан Спорт министрлыгы матбугат хезмәте хәбәр итте.

(Казан, 30 декабрь, «Татар-информ»). 2019 елда уртача еллык температура Россиядә һәм аерым алганда Мәскәүдә метеокүзәтүләр тарихында иң югарысы булды. Бу хакта «Интерфакс» РФ Гидрометеоүзәге директоры вазифаларын башкаручы Роман Вильфандка сылтама белән хәбәр итте.

(Казан, 30 декабрь, «Татар-информ»). «Туган тел» укыту-мәдәни үзәге рәисе, Сахалин өлкәсе татарларының төбәк милли-мәдәни автономиясе рәистәше Зәкия Вәлитова Сахалин өлкәсенең универсаль фәнни китапханәсе директоры Валентина Малышевага «Озак еллар нәтиҗәле хезмәте һәм яшь буынны тәрбияләү эшендә ирешкән уңышлары өчен» Татарстан Мәгариф һәм фән министрлыгының Мактау грамотасын тапшырды. Бу хакта Сахалин өлкәсенең универсаль фәнни китапханәсе хәбәр итә.

(Казан, 30 декабрь, «Татар-информ»). Казанда шәһәр яны поезды пассажирлары, Кыш бабай яки Кар кызы костюмнарын киеп, бушлай йөри алачак. Акция 8 гыйнварга кадәр дәвам итә. Бу турыда Казан мэриясе «Содружество» шәһәр яны пассажир компаниясенә сылтама белән хәбәр итте.

(Казан, 30 декабрь, «Татар-информ», Ксения Перепеченова). 2019 елда Татарстанда гаиләдә өченче бала туу күрсәткече арткан — хәзер ул туучыларның гомуми саныннан 16,4 процентны тәшкил итә. ТР Хезмәт, халыкны эш белән тәэмин итү һәм социаль яклау министры Эльмира Зарипова искәрткәнчә, өченче бала туганнан соң хатын-кызларга 100 мең сум акча бирелә

Австралиядә яшәп иҗат итүче Зуля Камалованың "Бишенче" исемле җыры Russian World Music Awards-2019 премиясенең иң яхшы 16 җыр исемлегенә кергән.

(Чаллы, 30 декабрь, «Татар-информ», Эльвира Мөхәммәтдинова). Чаллыда үзмәшгульләр сыйфатында 10 мең кеше теркәлгән. Бу хакта мэриядә узган киңәшмәдә билгеле булды.

(Казан, 30 декабрь, «Татар-информ»). Кичә Әгерҗе районының Наҗар авылында яңа мәчет ачылды. Аллаһ йорты эшмәкәр Рәшит Шәйхетдинов гаиләсе ярдәме белән төзелгән. 40 кв. м. мәйданлы бинада урнашкан яңа «Өмет» мәчете мөхтәсибәттә утыз алтынчы булып үзе ишекләрен ачты. Бу турыда Татарстан Диния нәзарәте матбугат хезмәте хәбәр итте.

(Казан, 30 декабрь, «Татар-информ»). Татарстан Президенты Рөстәм Миңнеханов Кыргызстанның элеккеге президенты хатыны Рәисә Атамбаевага шәхси бүләкләр, шул исәптән югары класслы автомобиль бирмәде. Бу хакта Татарстан Президенты матбугат хезмәтендә хәбәр иттеләр

(Казан, 30 декабрь, «Татар-информ», Зилә Мөбәрәкшина). Төркиянең Анкара шәһәрендә татар язучысы, сәясәтче Йосыф Акчураның да корылышында өлеше булган «Төрек учаклары» оешмасында Идел-Уралның үткәне, бүгенгесе һәм киләчәге сөйләшелде. Бу җыелыш «Идел-Урал. Кичә. Бүген. Иртәгә» исеме белән оешманың Полатлы бүлекчәсендә узды. Бу хакта «Татар-информ» хәбәрчесенә Истанбулда укучы аспирант Айгөл Зара Кәбирова хәбәр итте.

Кайбер матбугат чаралары Миңнеханов Рәисә Атамбаевага машина бүләк иткән дип язды. Татарстан президенты сүзчесе әлеге хәбәрне кире какты.

(Казан, 30 декабрь, «Татар-информ», Динара Прокопьева). Горки-Әмәт урманында Казанның «Горки» район котельныеның төтен торбасында 100 метрлы термометр эшли башлады. Бу хактагы мәгълүматны Парклар һәм скверлар дирекциясендә расладылар.

2 и 3 января в спортивном зале МАОУ «Нурлатской гимназии» им. М. С. Сергеева состоится турнир по волейболу среди учащихся школ города и района на призы Главы Нурлатского муниципального района и города Нурлат.

(Казан, 30 декабрь, «Татар-информ»). Кыргызстан мөселманнарының Диния нәзарәте дин әһелләренә илдә Яңа елны бәйрәм итүгә каршы чыгуны тыйды. Бу хакта дүшәмбе көнне «Интерфакс»ка мөфтияттә хәбәр иттеләр.

Сегодня, 30 декабря, члены политсовета Нурлатского местного отделения партии «Единая Россия» провели заключительное заседание уходящего года, где подвели итоги работы за 2019 и определили задачи на 2020 год, утвердили план работы местного отделения партии и согласовали план работы депутатских объединений на следующий год.

(Казан, 30 декабрь, «Татар-информ», Марат Ишкилдин). Туризм буенча ТР Дәүләт комитеты Татарстанда Кама Тамагы, Тәтеш һәм Чистай районнарында массакүләм экологик һәм мәдәни-тарихи туризмны үстерәчәк. Бу хакта Туризм буенча Татарстан Республикасы дәүләт комитеты рәисе Сергей Иванов хәбәр итте.