Новости за 07.09.2020

Кӣ моро ба хона мебарад? Доди даҳҳо муҳоҷири тоҷик, ки дар даст билет доранду дар фурудгоҳи Маскав банд мондаанд.

Муҳаққиқон дар Лондон ҳоло саргарми таҳқиқи оқибатҳои бемории СОVID-19 ҳастанд, ки барои дарозмуддат ба сиҳатии мубталоёни он латма мезанад. Хастагии фавқулода, гарангӣ, дарди мушакҳо, варами буғумҳо аз оқибатҳои дарозмуддати гирифторӣ ба СОVID-19 будаанд.

Муҳаққиқон дар Лондон ҳоло саргарми таҳқиқи оқибатҳои бемории СОVID-19 ҳастанд, ки барои дарозмуддат ба сиҳатии мубталоёни он латма мезанад. Хастагии фавқуллода, гарангӣ, дарди мушакҳо, варами буғумҳо аз оқибатҳои дарозмуддати гирифторӣ ба СОVID-19 будаанд.

Дар миёни даҳ монеаи асосӣ барои рушди тиҷорат дар Тоҷикистон молиёт ё андози баланд дар ҷойи аввал қарор доштааст. Ба назари бархе аз коршиносон, дар Тоҷикистон сиёсати андозбандӣ бояд пурра тағйир дода шавад, вагарна буҳрон амиқтар хоҳад шуд. Мақомот мегӯянд, Кодекси нави андозро аллакай омода кардаанд ва дар он барои рушди соҳибкорӣ дар кишвар сабукиҳоро дар назар гирифтаанд. Тафсилотро дар видео бинед

Коршиносон мегӯянд бозгашти саросарии муҳоҷирон дар кишвар боиси эҷоди мушкилиҳои иҷтимоӣ ва афзоиши фишору рақобат дар бозори кор шудааст.

Пизишкони бемористони "Шарите”-и шаҳри Берлин шоми 7-уми сентябр гуфтанд, ки саломатии раҳбари мухолифон дар Русия Алексей Навалний «хеле беҳтар шудааст». Ба иттилои пизишкон, ӯ аз ҳолати кома ё беҳушӣ берун шудааст ва роҳҳои тадриҷан аз дастгоҳи нафасдиҳии сунъӣ ҷудо кардани ӯро меандешанд. Бино ба хабарҳо, Навалний ба суҳбатҳои табибон «кам-кам вокуниш мекунад». Табибон гуфтанд, эҳтимол заҳролудшавии ӯ ба саломатиаш таъсири дарозмуддат хоҳад дошт. Навалний аз 20-уми август инҷониб дар ҳолати кома буд. Читать дальше...

Мансурҷон Умаров, сардори Идораи зиндонҳо ва муовини вазири адлияи Тоҷикистон, дубора дар бемористон бистарӣ шудааст. Манобеи боварбахши Радиои Озодӣ дар шифохонаи "Истиқлол" ва Сарраёсати иҷрои ҷазои ҷиноӣ ин хабарро рӯзи 7-уми сентябр тасдиқ карданд. Ба гуфтаи як манбаъ дар бемористони “Истиқлол”-и Душанбе, "Мансурҷон Умаров рӯзи 5-уми сентябр пас аз бад шудани вазъи саломатиаш, аз хона ба бемористон интиқол ёфт". Манбаъ афзуд, Умаров, ки нав аз бемории илтиҳоби шуш ё пневмония табобат гирифта буд, ин бор ба хунрезии меъда дучор шудааст. Читать дальше...

Парвандаи шаш муҳоҷири тоҷик, ки дар робита ба қатли варзишгари рус Сергей Чуев боздошт шудаанд, ба додгоҳ расидааст. Ба қавли яке аз вакилони мудофеъ, онҳоро ба “авбошии гуруҳӣ” ва “латукӯб” айбдор мекунанд. Дар моҳи ноябри соли 2019 гуфта мешуд, онҳо ба “қатл бо маслиҳати пешакӣ” низ муттаҳаманд, аммо вакили мудофеи яке аз гумонбарон гуфт, “ҳангоми тафтиши қазия моддаи таҳдид ба қатл ва дидаву дониста расондани зарари вазнин ба саломатӣ аз парванда берун карда шуд.” Додситонии ҳавзаи  ҷанубу ғарби Маскав... Читать дальше...

Духтарони қолабшикани Кӯлоб дар дастаи футболи "Равшан" тамрин мекунанд.

Ҳаракати муттаҳидаи миллӣ ва чанд ҳизби дигари мухолифи сиёсӣ дар Гурҷистон Михаил Саакашвилиро ба интихоботи моҳи октябри имсол ҳамчун номзад ба мақоми нахуствазирӣ пешбарӣ кардаанд. Раиси ин ҳаракат Григол Вашадзе рӯзи 7-уми сентябр гуфт, ки Саакашвилӣ “бояд ба Гурҷистон баргашта дар назди мардумаш бошад”. Саакашвили рӯзи 6-уми сентябр дар Фейсбук навишт, ки нақша дорад ба Гурҷистон баргардад. Саакашвилии 52-сола солҳои 2004 то 2013 дар мақоми раёсатҷумҳурии Гурҷистон кор кардааст. Ҳаракати... Читать дальше...

Дабири кулли Федератсияи футболи Тоҷикистон (ФФТ) Давлатманд Исломов комиссари бозиҳои марҳилаи гурӯҳии Лигаи чемпионҳои КФО-2020 таъйин шуд

Як узви баландпояи Шӯрои ҳамоҳангсози мухолифони Беларус аз ҷониби афроди ношинос рабуда шуд. Чандин расонаи хабарӣ рӯзи 7-уми сентябр гуфт, ки Мария Колесникова рабуда шуд. Вебсайти Tut.by ҳарфҳои як шоҳидеро нашр кардааст, ки худро бо номи Анастасия муаррифӣ карда мегӯяд, ки дидааст чӣ гуна Калесниковаро мардоне бо либоси мулкӣ дар тан зӯран ба микроавтобусе бо навиштаҷоти “Алоқа” андохта ба самти номаълум бурданд. Ин шоҳид гуфтааст, ки ҳодиса дар маркази шаҳри Минск дар наздикии осорхонаи ҳунарҳои миллӣ  рух дод. Читать дальше...

Як собиқ ҳуқуқшиноси Доналд Трамп дар китоби наваш иддао мекунад, ки президенти ИМА мафтуни президенти Русия Владимир Путин аст, чун ӯ, ба гуфтааш, тавони назорат кардани ҳама бахшҳо – аз матбуот сар карда то сохторҳои молиро дорад. Дар китобе, ки рӯзи 8-уми сентябр нашр мешавад, Майкл Коэн навиштааст, ки Трамп ҳавохоҳи Путин аст, чунки раҳбари Русия “тавони назорат ва раҳбарии тамоми кишварро дорад, мисле, ки ин як ширкати хусусӣ, дар воқеъ мисле, ки созмони Трамп бошад”. Коэн, ки муддати дароз ҳамчун “корбудкуни” Трамп маъруф буд... Читать дальше...

Як мақоми аршади олимпӣ ҳушдор дод, ки соли оянда бо вуҷуди идомаёбии пандемияи коронавирус дар ҷаҳон бозиҳои тобистони олимпӣ дар Токио баргузор мешавад. Ин ҳушдор дар ҳолест, ки дар Ҳинд – дуюмин кишвари шадидан осебдида аз коронавирус афзоиши омори гирифторӣ дар қораи Осиё мушоҳида мешавад. Ҷон Котс, ноиби президенти Кумитаи байналмилалии олимпӣ дар сӯҳбат бо оҷонсии Франс Пресс рӯзи 6-уми сентябр гуфт, ки  бозиҳои Токио дар моҳи июли соли оянда бо вуҷуди таҳдиди COVID баргузор хоҳад шуд. Котс... Читать дальше...

Рӯзи 7-уми сентябр қарор аст дар Брюссел раҳбарони Сербияву Косово бо раҳбарони Иттиҳоди Аврупо дар чаҳорчӯби музокироте барои оддӣ шудани  равобити иқтисодии миёни ин ду кишвари Балкан дидору гуфтугӯ кунанд. Созише дар ин замина ҳафтаи гузашта бо миёнҷигии ИМА ҳосил шуд. Мақомот ба он изҳори умедворӣ мекунанд, ки дар паи созиши иқтисодӣ президенти Сербия Александр Вучич ва нахуствазири Косово Абдулло Ҳотӣ ба созиши сиёсӣ ҳам даст меёбанд. Рӯзи 4-уми сентябр Сербияву собиқ вилояти он Косово дар Вашингтон ба мувофиқа расиданд... Читать дальше...

Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Интихоботи президентии пешорӯи Тоҷикистон аз як нигоҳ ба интихоботи соли 1991 монанд мешавад. Он замон якбора 8 нафар муддаии курсии президентӣ гардид: Раҳмон Набиев; Давлат Худоназаров; Сайфиддин Тӯраев; Ҳикматулло Насриддинов; Қадриддин Аслонов; Бӯрихон Салимов; Бобишо Шоев; Акбар Махсумов. Гуфтан мумкин аст, ки ин рӯйхат аз шахсиятҳои таъсиргузори вақт иборат буд. Имкон дошт сафи номзадҳо аз ин ҳам бештар шаванд... Читать дальше...

Шаҳрдори Рочестер, як шаҳре дар аёлати Ню-Йорк ваъда дод, ки баъди панҷ рӯзи эътирозҳо аз марги як марди боздоштшудаи сиёҳпуст дар дасти полис аз паи ислоҳоти ин соҳа мешавад. Лавли Уоррен дар нишасти хабарии рӯзи 6-уми сентябр эълон кард, ки барои дастёбӣ ба тағйироти воқеӣ ӯҳдадор шудааст, ки ин мушкилотро ҳал бикунад. Эътирозҳо баъди он шурӯъ шуд, ки дар шабакаҳо як навори видеоии саҳнаи боздошти Дениэл Пруди 41-сола нашр шуд. Дар ин навор дида мешуд, ки афсарон сари Прудро бо капюшон пӯшонда сарашро давоми ду дақиқа ба замин зер мекунанд. Читать дальше...

Мақомот дар Беларус гуфтанд, ки рӯзи 6 сентябр 633 эътирозгарро боздошт карданд. Ин боздоштҳо замоне рух дод, ки даҳҳо ҳазор нафар дар Минск ва дигар шаҳрҳои Беларус бо талаби истеъфои президент Александр Лукашенко раҳпаймоии эътирозӣ барпо карданд. Мухолифон ва ширкатдорони эътирозҳо президентро дар тақаллуби натиҷаҳои интихоботи президентии рӯзи 9-уми август гунаҳгор мекунанд. Оморе, ки рӯзи душанбе аз ҷониби вазорати умури дохилӣ нашр шуд, ба маротиб бештар назар ба онест, ки Маркази ҳуқуқи башари “Весна” чоп кард. Читать дальше...

Малик Салмон, подшоҳи Арабистони Саудӣ дар суҳбат бо Доналд Трамп, раиси ҷумҳури Амрико гуфтааст, бидуни кишвари мустақили Фаластин бо Исроил равобити дипломатӣ барқарор намекунад. Изҳори назари подшоҳи Арабистон пас аз он сурат мегирад, ки Имороти Муттаҳидаи Арабӣ бо Исроил робитаи дипломатӣ барқарор кард. Хабаргузории "Рейтерс" рӯзи душанбеи 7-уми сентябр ба нақл аз расонаҳои Арабистони Саудь навишт, Малик Салмон гуфтааст, "бе давлати мустақили Фаластин имконе барои оддисозии равобит бо Исроил вуҷуд надорад." Арабистони Саудӣ... Читать дальше...

Рӯзи якшанбе, 6-уми сентябр, ду бозии даври ниҳоии марҳилаи дувуми Лигаи касбии футзали Тоҷикистон доир гардид. «Муҳоҷир»-и Душанбе дар бозии хонагиаш «Самандар»-и Турсунзодаро бо ҳисоби бузурги 11:1 шикаст дод. Дар ҳайати душанбегиҳо Самандар Ризомов панҷ гол ба самар расонд. Дар бозии дигар қаҳрамони феълии Тоҷикистон «Соро компания»-и Душанбе дар меҳмонӣ «Истаравшан»-и шаҳри Истаравшанро бо ҳисоби 4:2 мағлуб кард. Ду голи Насим Шарипов ва голҳои Идрис Ёров ва Муҳаммад Раҷабов ба «Соро компания» се имтиёз овард. Читать дальше...

Ширкати "Брешно"-и Афғонистон мегӯяд, Тоҷикистон эълони омодагӣ кардааст, ки содироти барқи худро ба Афғонистон дубора оғоз мекунад. Мақомоти тоҷик низ иттилоъро тасдиқ карданд, аммо гуфтанд каму зиёд шудани ҳаҷми интиқоли барқ ба Афғонистон аз боду ҳаво бастагӣ дорад. Муҷтабо Ҳушманд, мушовири барномаҳои ширкати "Брешно" рӯзи шанбе дар як нишасти хабарӣ гуфт, ҷониби Тоҷикистон ҳафтаи гузашта ваъда додааст, ки содироти барқи худро ба Афғонистон оддӣ месозад. Ҳукумати Тоҷикистон дар охири моҳи июл эълон кард... Читать дальше...

Дастаи мунтахаби ҷавонони футболи Тоҷикистон (U-19) дар бозии дувуми байналмилалии дӯстона мунтахаби ҷавонони Узбекистон (U-19)-ро бо ҳисоби бузурги 4:1 шикаст дод. Ин бозӣ бегоҳи якшанбе, 6-уми сентябр, дар варзишгоҳи «20-солагии Истиқлолияти Тоҷикистон»-и  шаҳри Хуҷанд, бе ҳузури тамошогарон доир гардид. Дар ҳайати мунтахаби ҷавонони Тоҷикистон голҳоро Абдулмуъмин Забиров (аз пеналтӣ), Салам Ашӯрмамадов, Рустам Соиров ва Суннатулло Исмоилов заданд. Голи меҳмононро Улуғбек Ҳошимов ба самар расонд. Читать дальше...

Дар вилояти Марии Туркманистон дар натиҷаи садамаи нақлиётӣ панҷ сарбоз фавтид. Манобеъ мегӯянд, фармондеҳи як қисми низомӣ сарбозонашро барои пистачинӣ ирсол карда буд. "Фармондеҳи қисми низомии сарҳадӣ дар шаҳри Сарҳадобод рӯзи 2 сентябр сарбозонро ба наздикии марзи Туркманистон бо Афғонистон ба чидани писта фиристод. Бештар аз 30 сарбоз пушти мошини навъи "Урал" савор шуданд. Дар роҳ мошин чаппагардон шуда ва панҷ тан аз сарбозон фавтидаанд", - хабар доданд манобеъ. Сарбозони боқимонда бо ҷароҳатҳои вазнин... Читать дальше...

Додгоҳи шаҳрии Бишкек имрӯз, 7 сентябр шикояти ҳизби "Бутун Қирғизистон"-ро зидди Комиссияи марказии интихоботии ин кишвар (КМИР) баррасӣ хоҳад кард. Дар ин бора раиси ҳизб Адахон Мадумаров 6 сентябр хабар дод. "Мо давоми се рӯзи ахир бо беҳтарин ҳуқуқшиносону вакилони дифои кишвар машварат доштем ва ягон асосеро пайдо накардем, ки Ҳизби "Бутун Қирғизистон" бояд сабти ном нашавад. На дар Конститутсия ва на дар қонунҳои марбут ба интихобот ингуна меъёр нест. Дар ин қазия танҳо КМИР айбдор аст", - изҳор дошт Мадумаров. Читать дальше...

Вазирони дифои Тоҷикистон ва Ҳинд масъалаи ҳамкориҳои низомӣ миёни ду кишварро баррасӣ кардаанд. Расонаҳои ҳиндӣ рӯзи 6-уми сентябр хабар додаанд, ин мавзуъ дар мулоқоти Шералӣ Мирзо, вазири дифои Тоҷикистон ва ҳамтои ҳиндиаш Раҷнас Синг дар Маскав дар ҳошияи нишасти вазирони дифои кишварҳои узви Созмони Ҳамкориҳои Шанхай сурат гирифтааст. Вазири дифои Ҳинд мулоқот бо ҳамтои тоҷикашро "босамар" гуфтааст.  Ҳинд солҳои ахир дар тақвияти артиши Тоҷикистон ва мусаллаҳ кардани он кӯмак мерасонад.... Читать дальше...