Новости за 01.09.2020

Раҷаби Мирзо, рӯзноманигор ва таҳлилгар Бознашр аз веблоги "Рӯзи нав" Вакилони анҷумани Иттифоқи ҷавонони Тоҷикистон, ҳамон тавре шабакаҳои телевизионӣ нишон доданд, дар тан аксаран либосҳои якхела Эмомалӣ Раҳмонро номзад ба мақоми президентӣ пешниҳод карданд. Дар технологияи хабарсозии идеологҳои ҳукумат "либоси ягона" гӯё танҳо маънии ваҳдати зоҳириро надорад ва ин ба он маъно ҳам бояд фаҳмида шавад, ки ҳамаи ҷавонон аз пешниҳоди ин номзад ҷонибдоранд. Воқеан, то ин анҷуман фарзияҳое вуҷуд дошт... Читать дальше...

Барои овардани шаҳрвандони Тоҷикистон аз Русия ба ватан то 15-уми сентябри имсол 52 парвози дигари чартерӣ ё ғайринақшавии ҳавопаймоҳоро ташкил кардаанд. Мақомоти Тоҷикистон рӯзи 1-уми сентябр гуфтанд, ин парвозҳо дар мувофиқа бо ҷониби Русия ва тавассути ҳавопаймоҳои ширкати "Сомон-Эйр" аз Маскаву Екатеринбург, Қазон, Санкт-Петербург, Краснодар, Новосибирск, Иркутск ва Сочи ба Душанбе анҷом мешаванд. Баъд аз он ки дар моҳи марти имсол, бо ҳадафи пешгирӣ аз густариши коронавируси нав, парвозҳои маъмулӣ байни Тоҷикистону Русия қатъ шуд... Читать дальше...

Садҳо донишҷӯи беларус рӯзи 1 сентябр дар Минск раҳпаймоӣ карданд. Ин рӯзе буд, ки мухолифон ба эътирози сартосарӣ даъват карданд ва он бо рӯзи аввали таҳсил мусодиф омад. Сафи серҷамъияти донишҷӯён бо парчамҳои сурху сафедранг, ки рамзи мухолифат ба президент Александр Лукашенко аст, аз  маркази шаҳри Минск гузаштанд. Ба иттило маркази ҳомии ҳуқуқи “Весна”, дастикам 28 нафар боздошт шуданд. Светлана Тихановская, раҳбари мухолифон дар як изҳороташ гуфт, “Рӯзи 1 сентябр рӯзи дониш аст. Донистани маънои ҳамраъйии беларусӣ аст. Читать дальше...

Рӯзи 1-уми сентябр дар Тоҷикистон аз садсолагии Муҳаммад Осимӣ, президенти пешини Академияи илмҳо ва раиси ҷамъияти "Пайванд", таҷлил карданд. Осимӣ 24 сол пеш аз сӯйи афроди мусаллаҳ дар Душанбе кушта шуд.

Радиои Озодӣ ба зудӣ намоиши барномаи наверо оғоз мекунад, ки Шумо ҳам метавонед дар он ширкат кунед ва ё дар таҳияи он саҳм гузоред.

Дастаи мунтахаби миллии футболи Тоҷикистон рӯзи 1-уми сентябр барои бозии дӯстона бо мунтахаби Узбекистон  ба Тошканд сафар кард. Дар ин бора сомонаи расмии Федератсияи футболи Тоҷикистон хабар додааст. Ба иттили манбаъ, футболбозони тоҷик субҳи сешанбе бо автобуси Федератсияи футболи Тоҷикистон аз Душанбе ба Хуҷанд ва аз онҷо тавассути гузаргоҳи «Ойбек» ба Тошканд барои бозии дӯстона бо мунтахаби Узбекистон рафтанд. Қабл аз сафар ба Узбекистон, ҳамаи аъзои тими миллии Тоҷикистон аз ташхиси коронавирус гузаштанд, ки натиҷаи манфӣ дод. Читать дальше...

Боздошти як зодаи Осиёи Марказӣ бо миқдори зиёди маводи мухаддир дар Маскав.

Вазири қазоқ мегӯяд, феълан формаи мактабӣ зарур нест.

Дастаи “Локомотив-Пловдив”-и Булғористон, ки дар он бозигари тоҷик Парвизҷон Умарбоев бозӣ мекунад ба даври дуюми марҳилаи муқаддамотии Лигаи Аврупо роҳ ёфт

"Гапи озод"-барномаи нави Радиои Озодӣ. Муаррифии шумораи аввали ин барнома.

Рӯзҳои 29-30-юми август дар шаҳри Душанбе мусобиқаи қаҳрамонии Тоҷикистон оид ба қайиқронӣ дар каноэ ва байдарка баргузор шуд. Мусобиқа, ки дар вазъияти пандемияи Covid-19 доир гардид, бо риояи ҷиддии чораҳои зиддиэпидемиологӣ сурат гирифт. Дар ин бора сомонаи расмии Кумитаи миллии олимпии Тоҷикистон хабар додааст. Ба иттилои манбаъ, дар мусобиқаи имсола беш аз 130 варзишгар дар ҳайати ҳашт даста – седастаӣ аз вилояти Суғду шаҳри Душанбе, ду даста аз вилояти Хатлон - аз рӯи 20 навъи рақобатҳо миёни мардону занон қувваозмоӣ карданд. Читать дальше...

Дар ноҳияи Балҷувон истихроҷи нафту гази табиӣ барқарор мешавад. Масъулони ноҳия умед доранд, ки дар татбиқи ин лоиҳа сармоягузорони хориҷӣ саҳм мегиранд.

Раиси Сенати Ҷумҳурии Чех зимни суханронии рӯзи 1-уми сентябраш дар парлумони Тайван, ки қаблан худи сафараш мавриди норизоияти Чин шудааст, гуфт, ки ӯ тайванӣ аст. Чин иддао мекунад, ки Тайвани демократӣ қаламрави ин кишвар аст ва таҳдид кард, ки Милош Вистрчил, раиси Сенати Чех барои сафар ба ин ҷазира “қимати баланде пардохт хоҳад кард”. Вистрчил   бо ёдоварӣ аз нутқи соли 1963-и собиқ президенти ИМА Ҷон Кеннедӣ дар Олмон, ки гуфта буд, “ман берлинӣ ҳастам” (“Ich bin ein Berliner”), худро тайванӣ номид. Читать дальше...

Додгоҳи олии Тоҷикистон бародари зиндонии Ҳусейн Абдусамадов, масъули ҳамлаи маргбор ба сайёҳони хориҷиро ба 20 соли дигари зиндон маҳкум кардааст. Ӯ бори аввал соли 2009 шонздаҳ сол аз озодӣ маҳрум шуда буд.

Додситонии Булғористон таҳқиқи парвандаи сӯиқасд ба ҷони соҳибкор Емелян Гебревро боздошт. Тахмин мешавад, ки ин тоҷири силоҳ бо заҳри монанд ба “новичок”-и русӣ заҳролуд шуда буд. Сабаби тасмим маълум нест, вале тахмин мешавад, ки эҳтимолан Маскав нахостааст дар ин қазия ҳамкорӣ кунад. Гебрев соли 2015 мавриди сӯиқасд қарор гирифт. Дар анҷоми ин ҷиноят се шаҳрванди Русия гумонбар мешаванд, ки ба навиштаи вебсайти таҳқиқотии  Bellingcat, ҷосусони низомӣ генерал-майор Денис Сергеев, Сергей Лютенко ва Пётр Борисов мебошанд. Читать дальше...

Оҷонси Associated Press (Ассошиэйтед Пресс) дар гузорише гуфт, дар вилояти Шинҷони Чин, ки беш аз нисфи аҳолиаш мусулмони туркзабон ҳастанд, мақомот ҳамчун бахше аз чораҳои ҳатмии давраи коронавирус онҳоро ба хӯрдани доруи "ношинос" маҷбур мекунанд.

Раҳбари олии Эрон Оятулло Алии Хоманеӣ созиши таърихии Исроилу Имороти Муттаҳидаи Арабро барои оддӣ шудани равобити миёни ду кишвар “хиёнат”-е хонд, ки ба гуфтааш, “дер намепояд”. Дар паи парвози нахустин ҳавопаймои исроилӣ, ки шоми 31 август ҳайатҳои исроиливу амрикоиро ба фурудгоҳи Абу Забӣ расонид, Хоманеӣ дар суханронии рӯзи 1 сентябри худ гуфт, ки “алайҳи ҷаҳони Ислом ё кишварҳои араб, минтақа ва Фаластин” ба гуфтаи ӯ, “хиёнат” шуд. Исроил ва Иморот рӯзи 13 август гуфтанд, ки бо миёнҷигии ИМА равобити комили дипломатӣ барқарор мекунанд. Читать дальше...

Мунтахаби футболи Тоҷикистон барои рақобати дӯстона бо яккачини Ӯзбекистон субҳи имрӯз вориди Тошканд шуд

Бо вуҷуди идомаи паҳншавии пандемияи коронавирус дар Аврупо рӯзи 1 сентябр даҳҳо миллион шогирдон дар Инглистон, Фаронса, Белгия ва Русия ба мактаб баргаштанд. Ин ҳам дар ҳолест, ки бисёр волидону омӯзгорон ҳарос доранд, ки дубора боз шудани мактабҳо боиси афзоишу паҳншавии бештари  COVID-19 мешавад. Вале ҳукуматҳо, ки дар фикри барқарории иқтисодҳо ҳастанд, манфиатдори бозкушоии мактабҳову ба корхонаҳо баргаштани волидони мактабхонҳо ҳастанд. Дар Фаронса омӯзгорону хонандаҳои 11 то 18-сола вазифадор ҳастанд... Читать дальше...

Мақомоти расмии Беларус дар пайи маъракаи муқовимат ба мухолифони ҳукуматдории 26-солаи Александр Лукашенко рӯзи 31-уми август раҳбари коршиканҳоро ба ҳабс гирифта, як узви Шӯрои ҳамоҳангсози интиқоли қудратро боздошт карданд. Ба иттилои мухолифон, полиси бахши ҷиноятҳои молӣ рӯзи душанбе, баъд аз кофтукоби манзили Лилия Власоваи 67-сола, ӯро боздошт карданд. Власова сеюмин узви Шӯрои ҳамоҳангсоз аст, ки дар фазои эътирозҳои баъд аз интихоботи 9-уми август, ки бо пирӯзии Лукашенко анҷомид, боздошт мешавад. Читать дальше...

Марзбонҳои Беларус рӯзи душанбе нагузоштанд, ки роҳиби католикҳои беларус Тадеуш Кондрусевич ба кишвар ворид шавад. Кондрусевич дар сӯҳбат бо Радиои Озодӣ гуфт, ки ӯро нагузоштанд, ки аз марзи Полша ба Беларус ворид шавад. Дар изҳороти расмии калисои католикии Беларус омадааст, ки Кондрусевич як шаҳрванди Беларус аст ва дар Полша бо сафари хидматӣ қарор дошт. Сабаби рад шудани ҳақи вуруд ба кишварро шарҳ надоданд.  Дар ҳафтаҳои ахир Кондрусевич чандин бор кори  мақомоти ҳифзи қонуни Беларусро дар... Читать дальше...

Вазорати корҳои хориҷии Тоҷикистон аз Сафорати Русия дар ин кишвар хостааст, барои сафари донишҷӯёни тоҷик ба ин кишвар мусоидат кунад. Вазорат сафорати Русияро дар ҷараён гузоштааст, ки бинобар баста будани марзҳо беш аз 4 ҳазор донишомӯзони тоҷик дар ватан банд мондаанд. Аз ин миён зиёда аз ҳазор нафарашон имсол ба донишгоҳҳои Русия дохил шуда, тибқи талабот бояд барои таҳсил дар он кишвар ҳозир шаванд.  Вазорати корҳои хориҷӣ аз сафорати Русия хоҳиш кардааст, ки “дар гирифтани иҷозатнома аз... Читать дальше...

Додгоҳи ноҳияи Шоҳмансури пойтахт ҳукми ҷавонеро, ки дар таҷовуз ба номуси духтари 14-сола муттаҳам мешуд, эълон кард. Наздикони ин духтар мегӯянд, аз ҳукм розӣ нестанд, вале "шароит надоранд" ба зинаҳои болоӣ шикоят баранд. Назари наздикони ҷавони маҳкумшуда дар ин робита ҳанӯз маълум нест. Бар асоси ҳукми додгоҳ, Ф.Қ-и 25-сола ба муҳлати се сол аз озодӣ маҳрум шудааст. Додгоҳ ӯро тибқи моддаи 141-и Кодекси ҷиноӣ (робитаи ҷинсӣ ва дигар ҳаракатҳои дорои хусусияти шаҳвонӣ бо шахсе, ки ҳанӯз ба... Читать дальше...

Дар шаҳри Алматои Қазоқистон бо қарори сарпизишки беҳдоштӣ Жандарбек Бекшин чораҳои карантин сабук карда шуд. Ин қарор барқарории фаъолияти театрҳо, китобхона ва осорхонаҳо, инчунин муассисаҳои динӣ, ҳавзҳо ва маҷмааҳои дигари варзиширо иҷозат медиҳад. Дастрасӣ ба куҳҳои атрофи шаҳр низ дар асоси иҷозаи сарпизишк барқарор шудааст. Бекшин ҳамзамон фаъолияти муассисаҳои таҳсилотиро иҷозат додааст. Бино ба қарори вай, дар рӯзҳои истироҳат бояд марказҳои тиҷорӣ ва тиҷориву тафреҳӣ, бозорҳо баста шаванд. Читать дальше...