Новости за 06.09.2020

Дар пойтахти Белорус шаҳри Минск тазоҳурот ба зидди раиси ҷумҳур Александр Лукашенко ва бо даъвати истеъфои ӯ идома ёфт. Гуруҳҳои тазоҳургарон рӯзи 6-уми сентябр дар гӯшаҳои гуногуни шаҳр ва ба таври пароканда ҷамъ омаданд. Пештар аз ин маъмурони пулиси зидди шӯриш дар атрофи қароргоҳҳои ҳукуматӣ ва пайкараҳо дар маркази Минск симхор кашиданд ва дар беруни баъзе аз истгоҳҳои метро маъмурони пулис ба чашм мехурданд. Дар видеоҳое, ки дар Телеграм нашр кардаанд, мошинҳои зиреҳпӯш дар чанде аз гӯшаҳои Минск дида мешавад. Читать дальше...

Тими Парвиз Умарбоев "Локомотив"  17 сентябр бо "Тоттенхэм"-и Лондон дар дувум давраи муқаддимотии Лигаи Аврупо ба майдон мебарояд

Дастаи Пари Сан Жермани Фаронса аз мубтало шудани чанд бозикуни ин тим ба вируси корона хабар дод

Вазорати умури хориҷии Амрико ба шаҳрвандони ин кишвар ҳушдор додааст, ки ба сабаби эҳтимоли сирояти коронавируси нав ба Тоҷикистон сафар накунанд ва айни замон бинобар эҳтимоли хатари терроризм эҳтиёкор бошанд. Дар ҳушдори тозаи вазорат аз рӯзи 6-уми сентябр омадааст: “Ба сабаби COVID-19 ба Тоҷикистон сафар накунед. Ҳангоми ҳузур дар Тоҷикистон ба сабаби терроризм бисёр эҳтиёткор бошед.” Яке аз сабабҳои чунин ҳушдори вазорати умури хориҷии Амрико, ки умдатан дар сурати хатарҳои ҷиддӣ ба ҷони шаҳрвандон содир мешавад... Читать дальше...

Вазири умури хориҷии Олмон гуфтааст, агар Русия масъалаи заҳролуд шудани мунтақиди ҳукумат Алексей Навалнийро шарҳ надиҳад, кишвараш саъй мекунад, то ба зидди Маскав таҳримоти нав ҷорӣ шавад. Ҳейко Маас дар ин бора дар як мусоҳибае, ки рӯзномаи “Билд” рӯзи 6-уми сентябр нашр кард, сухан гуфтааст. Мақомоти Русия гуфтаанд, дар заҳролуд шудани Алексей Навалний даст надоранд. Ба гуфтаи Ҳейко Маас, “чанд аломате” вуҷуд дорад, ки нишон медиҳад, заҳролуд кардани Навалний кори дасти Русия аст. Ӯ гуфтааст... Читать дальше...

Як сокини ноҳияи Панҷакент мегӯяд, дар замине, ки қонунӣ ба ӯ додаанд, наметавонад, меҳмонхона ва мағозаи ҳунарҳои мардумӣ созад. Ба иддаои Сарвар Хоҷамов, сокини деҳаи Шинг, ҳамдеҳааш Бегмуҳаммад Шахмаев ба ин кор мухолифат дорад ва мағозаи сохтаи ӯро вайрон кардааст, чун заминро аз они худ мешуморад. Дар идораи замини шаҳри Панҷакент дар як посухи расмӣ ба Хоҷамов гуфтаанд, қитъаи замин барои бунёди меҳмонхона ва мағозаи ҳунарҳои мардумӣ бо қарори раиси шаҳр ҷудо шудааст. Ҳоло Сарвар Хоҷамов... Читать дальше...

Дар майдон мунтахаби Хорватия ва Португалия рақобат мекарданд. Ҳамлагар Криштиану дар бозӣ набуд ва рақобатро аз трибун тамошо мекард

Бо изҳори омодагии ҳукумати Кобул ва гуруҳи Толибон барои музокироти сулҳ, Залмай Халилзод, фиристодаи хоси Амрико барои Афғонистон ба Қатар сафар кард. Вазорати умури хориҷии Иёлоти Муттаҳида рӯзи 5-уми сентябр дар як баёнияи расмӣ гуфт, Халилзод ба минтақа сафар мекунад, то ки “ба талошҳои Иёлоти Муттаҳида барои оғози фаврии музокироти байнулафғонӣ суръат бахшад.” Дар ин баёния омадааст: “Мардуми Афғонистон омодаи коҳиши пойдори хушунат ва ёфтани роҳҳали сиёсӣ ва хотима додан ба ҷанг ҳастанд. Читать дальше...

Раиси ҷумҳур Доналд Трамп ва Ситоди ҳукуматии мубориза бо коронавирус дар Амрико аз мардум хостанд, барои роҳ надодан ба густариши бемории COVID-19 дар Рӯзи коргар фосилагирии иҷтимоиро риоят кунанд. Дар Амрико рӯзи 7-уми сентябр Рӯзи коргар ва рузи ғайрикорӣ эълон шудааст ва дар ин руз умдатан мардум маҳфилҳои хонаводагӣ ташкил мекунанд ва ё ба сайругашту шиноаварӣ мераванд. Мақомот барои он ба мардум ҳушдор доданд, ки дар Рӯзи ёдбуд дар моҳи май ва дар Рӯзи истиқлоли Амрико дар моҳи июл теъдоди гирифторони COVID-19 дар кишвар афзуд. Читать дальше...

Дар Белорус тазоҳургарони мухолифи давлат барои идома додани эътироз дар шаҳри Минск пойтахти кишвар ва водор кардани раиси ҷумҳур Александр Лукашенко ба истеъфо омода мешаванд. Гуруҳҳои мухолифи давлат умедворанд, ки дар тазоҳуроти рӯзи 6-уми сентябр мисли рузҳои истироҳати гузашта даҳҳо ҳазор нафар ширкат мекунанд. Дар он рӯз маъмурони милиса пеши роҳи тазоҳургаронро бастанд ва ба онҳо иҷоза надоданд, ба пеш ба маркази шаҳр ҳаракат кунанд. Александр Лукашенко, ки 26 сол боз Белорусро раҳбарӣ мекунад... Читать дальше...

Абдуқаюми Қаюмзод, рӯзноманигор Бознашр аз блоги муаллиф Эълони Фаромуз Иргашев, ки гуфт довталаби курсии президенти Тоҷикистон аст, гуфтугӯҳои гуногунро ба бор овард. Аз табрику таҳният то дашному ҳақорат. Яке ҳатто навишт, "войи Фаромуз, ки Бадахшонро сархам кард". Аммо барои чӣ? Ӯ чӣ гуноҳ кард? Магар ҷурм аст, агар як шаҳрванди комилҳуқуқи Тоҷикистон, соҳиби таҳсилоти олӣ, 30-сола, 10 соли ахир дар дохили кишвар, як навбат вакили Маҷлиси вилоятӣ, ҳуқушинос иддаои курсии аввали мамлакатро кунад, чаро ба дигарон сахт мерасад? Читать дальше...

Светлана Тихановская пешвои мухолифони давлат дар Белорус мегӯяд, азбаски ҳукумати раиси ҷумҳур Александр Лукашенко ба ҳарфи “мардум гӯш намедиҳад”, кишвараш ба “буҳрони амиқи сиёсӣ” гирифтор шудааст.